LUKAS 15:6 - Kenyah New Testament

⁶ Abeʹ ne ia kaʹ amin ne, penco ho mengin diaʹ cenganak ke, ngan diaʹ penyeng ngan ne. Kun dau ue neng ida: ‘Bangen ne tawai hem ngan nceʹ, moʹ keʹ lepa alaʹ dumba heʹ iaʹ lingu idai.’ ”

LUKAS 15:6 Iomraidhean Croise

LUKAS 1:58

Mung dulu dalem lepoʹ ina, ngan diaʹ cenganak ke, kenahan dau denga ban bioʹ pengelesau Tuhan neng ia. Tai kun nte naʹat Ilisabet, penco re mung bangen ngan ne.

LUKAS 15:10

Un dau Yesus laʹa: “Dau heʹ mikem, pekina lete bangen laleʹ diaʹ melikat Allah, moʹ ban kuʹun ca le usa kelunan penyalaʹ iaʹ nesen ngan nyepuleʹ kimet te.”

LUKAS 15:24

moʹ anak keʹ ini seleket ban matai ne are, ngan nai ie ngeliwet mudip pe ini laʹa. Lepa tutang ne ia are, nai ie luhaʹ pelaʹa.’ Ina ne penading bangen diseʹ de.

LUKAS 15:5

Midan ne taʹan ia, bangen kaʹ tawai ie, penco ho alaʹ ngan nyuʹun ia.

LUKAS 15:7

Un dau Yesus laʹa: “Dau heʹ mikem, pekina lete bangen laleʹ kaʹ surga te, moʹ ban kuʹun ca usa kelunan penyalaʹ iaʹ nesen, ngan nyepuleʹ kimet te. Lapa tekaʹ bangen ne neng ʹo piʹen puloʹ piʹen usa kelunan iaʹ teneng, iaʹ are titin nesen ngan nyepuleʹ kimet de.”

YAYA 15:14

Ngan ikem ne diaʹ tuyang ngkeʹ, buk kem ke ti bayaʹ dau katuk ukum keʹ.

YAYA 3:29

Seleket laki iaʹ metip leto ina, anun ne lete leto ina. Tuyang laki iaʹ metip leto ina are, nekejeng kata ia ngan ngeringa dau ue, ngan banget tekaʹ kimet te kenahan dau isiu laki iaʹ metip leto ina are. Pekin ane puyan bangen nceʹ tengen iaʹ tai daʹam lan.

PEMUYAN 11:23

Uʹo ketai Barnabas abeʹ, tisen ne ia ban Allah iaʹ naʹ peniga mida dina, tai bangen ne kaʹ tawai ie. Penco ho pekatuk ida mung, apan denaʹ tekaʹ penawai re tudep bayaʹ Tuhan.

PEMUYAN 15:3

Pekina Mpun diaʹ ngelan Tuhan cuk ida telu tai puke. Ketai re masat ngalang dale Penisia ngan dale Samaria, mentung nte badaʹ ban dulu diaʹ tahaʹ awang Yahudi lepa pupa kimet de palaʹ Allah. Denga ini iaʹ ngkin bioʹ bangen tawai me mung diaʹ cenganak dalem Tuhan dina.

PILIPI 1:4

Singket ceʹ lemameʹ mikem, akeʹ ti ngan bangen tekaʹ tawai heʹ,

PILIPI 2:17

Naʹ pe dahaʹ keʹ ke musa nuyan koʹ baʹan telang iaʹ pubeʹ kempau liwa, ina seleket pengencai hem. Ngan un pengelan ncem pemung ngan dahaʹ keʹ ina ketai nuyan pengencai liwa palaʹ Allah. Buk keʹ matai pekina ʹo, bangen tekaʹ keʹ, ngan pemung le ikem ke tisen kaʹ bangen nceʹ.

PILIPI 4:1

Cen diaʹ pekina cenganak cenganak keʹ, ikem diaʹ pengemalaʹ keʹ ngan pengebampa heʹ. Ikem iaʹ pebangen tawai heʹ, ngan selum tekaʹ keʹ neng ikem pe. Neng puyan diaʹ pekina cenganak diaʹ pengemalaʹ keʹ, salet ngan temek le mudip dalem Tuhan.

1 TESALUNIKA 2:19

Tuman inu ameʹ mudip tupe? Aheʹ iaʹ uyan tebelum mameʹ, pekina pe iaʹ naʹ bangen mameʹ tupe? Atek ikem le. Abeʹ kem tepa neng ʹo kelunan diaʹ ca. Ikem ne diaʹ nuyan pukoʹ selum tekaʹ meʹ, iaʹ ukoʹ meʹ senteng badaʹ ban meʹ un usun tegoʹ meʹ ngejuma Tuhan le Yesus, dalau ke nai ie luhaʹ ʹo.

1 PETERUS 2:10

Iaʹ cen naʹaʹ abeʹ kem diaʹ anun Allah, un sepuʹo naʹkini ikem nuyan mpun diaʹ anun ne. Cen naʹaʹ abeʹ lepe pengelesau Allah un neng ikem, un sepuʹo naʹkini un ne ban pengelesau ue neng ikem.

1 PETERUS 2:25

Cen kena ikem daru koʹ baʹan dumba are, un sepuʹo naʹkini, lepa ne ikem ngeliwet nai bayaʹ ia iaʹ Manan ikem, ngan iaʹ Petubo berua hem.