LUKAS 15:5 - Kenyah New Testament

⁵ Midan ne taʹan ia, bangen kaʹ tawai ie, penco ho alaʹ ngan nyuʹun ia.

LUKAS 15:5 Iomraidhean Croise

LUKAS 15:32

Tekep te ilu tiga saheʹ ngan bangen tawai, moʹ sadin ncoʹ ini seleket ban matai, ngan nai ie ngeliwet mudip pe ini laʹa. Lepa tutang ne ia are, belekaʹ nai ie luhaʹ pe ini laʹa.’ ”

LUKAS 15:4

“Aheʹ neng ahang ikem iaʹ un dumba ca ato usa, penco lingu ca mida, kumpin puyan ne ʹo? Atek ia ke mahung lete piʹen puloʹ piʹen usa dina kaʹ lasan iaʹ tiga, moʹ o nekena ketai mita iaʹ lingu ina, pa ha alaʹ ia.

LUKAS 15:6

Abeʹ ne ia kaʹ amin ne, penco ho mengin diaʹ cenganak ke, ngan diaʹ penyeng ngan ne. Kun dau ue neng ida: ‘Bangen ne tawai hem ngan nceʹ, moʹ keʹ lepa alaʹ dumba heʹ iaʹ lingu idai.’ ”

LUKAS 19:9

Un dau Yesus neng ia: “Tau ini, udip iaʹ keniga udip dalem Tuhan un palaʹ amin ini, moʹ ia ini ca usa iaʹ cen mela Ibrahim iaʹ ban lingu.

LUKAS 23:43

Un dau Yesus neng ia: “Lan dau heʹ mikoʹ, tau ini lete ikoʹ ke pemung ngan nceʹ kaʹ lasan selawan te.”

YAYA 15:11

“Akeʹ badaʹ ini mikem apan pengebangen nceʹ ke un neng ikem, ngan laʹa apan pengebangen ncem ke daʹam.

IPESUS 2:10

Moʹ Allah iaʹ uyan ilu. Ia pemading ilu neng puyan ne pebeka tawai le dalem Keristus, apan le lemuto ke pegayeng iaʹ tiga utung udip le, neng gayeng gayeng iaʹ Allah ban petenup milu cen kena.

IPESUS 3:7

Allah iaʹ uyan akeʹ petubo katuk Injil bayaʹ ban tulat pengencai ie makeʹ, ngan naʹ gayeng ini peging ngan penyukat te.

1 TESALUNIKA 1:5

Ban ne ameʹ nai ngkin Denga Injil ina palaʹ ikem cenganak, abeʹ e man isiu tuaʹ le, un sepuʹo man puyan nyingan ngan puyan Berua Buheʹ, ngan kimet iaʹ abeʹ un, babak neng penelit te. Tisen te ikem kumpin seʹ pengudip meʹ dalau meʹ un ngan ncem are. Bang nuyan peniga me ikem tengen le ina.

2 TIMUTIUS 2:26

Pekina ketai re alaʹ ngeliwet kimet neng iaʹ teneng, penco re pesau cen kelabak Bali Jaʹat, iaʹ ban dakep ida ngan cuk ida bayaʹ pengubaʹ a are.

IBERANI 12:2

Tiga le nyalet taʹat le palaʹ Yesus, moʹ ia iaʹ ukoʹ tapi pengelan le cen tading nge pa ketai kelepa ha. Abeʹ Yesus luʹap kuʹun puyan tecek are, un sepuʹo penyaʹe puyan ne matai neng usun kayu tecek abeʹ un inu tekaʹ a pekimet puyan ina, uban kuʹun pengebangen iaʹ ngena ia, ngan naʹkini ia madung tahaʹ taʹu padung pengaren Allah.

1 PETERUS 1:5

Allah iaʹ petubo ho mikem man penyukat te, moʹ ban kuʹun pengelan ncem neng ia. Mentung ngkem pekena udip kem dalem Tuhan iaʹ lepa ban tenup kenai luhaʹ tegoʹ tai kuʹo udip ini ʹo.