LUKAS 12:4 - Kenyah New Testament

⁴ “Dau heʹ mikem cenganak cenganak keʹ, ayen ncem takut dulu diaʹ ke lematai usa hem, diaʹ abeʹ un senteng ke ngejaʹat berua hem.

LUKAS 12:4 Iomraidhean Croise

MATIUS 10:28

Ayen ncem takut neng dulu diaʹ sukat ke lematai usa hem ngan abeʹ un sukat ke ngejaʹat berua hem. Tiga hem takut neng Allah, Tuhan ncem, ban ne ia iaʹ un nyingan ke ngejaʹat usa hem peging ngan berua hem kaʹ dalem ukum luten.

YAYA 15:13

Iaʹ pengebioʹ malaʹ ca kelunan neng diaʹ tuyang nge, ina ne mencai udip pe tuman ida.

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 4:13

Tai salam diseʹ diaʹ lataʹ diaʹ pempun kina, uban tempa ne dau Peterus ngan Yaya, moʹ de tisen ida dua pengalai kelunan tuaʹ le, abeʹ de sekula. Ina le tai re tisen ida dua iaʹ malai ban kejahi ngan Yesus cen kena.

PILIPI 1:28

Ayen ncem takut bunoʹ kem, mele inu puyan nte. Tangen le ikem lemuto, ina iaʹ ke peluhaʹ mida ca tedanaʹ de ketai tasaʹ ʹo. Ngan cen puyan tangen ncem, luhaʹ ban ncem ke un usun ne neng pengudip kem kuʹun Allah.

YAKUP 2:23

Tai nuyan lan ne dau Kitap iaʹ kuma ha: “Ibrahim ngelan Tuhan Allah, ngan kuʹun pengelan ne Tuhan Allah alaʹ ia ca kelunan teneng.” Pekina iaʹ ukoʹ dulu pisiu Ibrahim iaʹ tuyang Allah.

1 PETERUS 3:14

Naʹ pe ikem sihoʹ tuyen kuʹun puyan ncem iaʹ teneng, bangen le saheʹ kem. Ayen takut dulu, ngan ayen ncem tai iʹut tawai.

PUYAN LUHA’ 2:10

Ayen ncem takut neng penaru iaʹ kenai nantaʹ ikem uʹo. Nawai dau heʹ, ban Bali Jaʹat ina ke ten ikem, ngan ia ke naʹ palai mikem kedalem sepin. Puloʹ tau pengemajan ncem ke sihoʹ taru uʹo. Semamet ne bayaʹ akeʹ. Naʹ pia seʹ ketai pesen neng patai, atek keʹ ke naʹ ca tapung keriman mikem uʹo.