LUKAS 12:1 - Kenyah New Testament

¹ Dalau ina ketai kudaʹ ibu usa pempun, pa re cut taket de peselepeʹ. Un dau Yesus pisiu neng diaʹ bayaʹ katuk ke: “Jagaʹ ne ikem lemuto neng ala lamut Perisi, iaʹ ina neng puyan ngaloʹ de.

LUKAS 12:1 Iomraidhean Croise

LUKAS 11:44

“Siʹau pe ikem. Un seʹ kem koʹ baʹan ca liang iaʹ are un tedanaʹ a laʹa. Ketai dulu masat, abeʹ de tisen ban tai re cut te.”

LUKAS 12:56

Inu ngaloʹ ngaloʹ dau hem. Mencam dau nugen inu diaʹ neng usun tanaʹ ngan langit, ngan tisen sen ne. Un sepuʹo abeʹ kem tisen sen udip ngajan ini.”

LUKAS 5:1

Un ca liwai, dalau Yesus nekejeng kaʹ sada bahi leteng Genesarit, kadoʹ nai dulu pempun. Muʹo pesuntung ne ida ngesen ia kina, moʹ de ubaʹ ke ngeringa tiraʹ Allah.

LUKAS 5:15

Naʹ pe Yesus mulen ia, tai libut kuʹo ke denga ha. Kadoʹ kenai dulu pempun, ubaʹ ke ngeringa dau ue, mentung nte cuk ia paget ida cen penyakit de.

LUKAS 6:17

Nai Yesus peging ngan nte dina puno cen mudung ina, nekejeng kaʹ lekaʹ ne. Kadoʹ de diaʹ bayaʹ katuk ke nai tugung ia kina. Un pelaʹa ca mpun bioʹ dulu diaʹ ban nai cen mung lepoʹ diaʹ kaʹ tanaʹ Yudia, ngan lepoʹ Yerusalim, ngan pekina pe diaʹ cen sada bahi alo arap lepoʹ Tirus ngan lepoʹ Sidun.

PEMUYAN 21:20

Lepa re kenahan dau puyan ina, penco re pempau Allah. Kun dau re neng Paulus: “Ahaʹ cenganak, tisen ne ikoʹ ban kudaʹ ibu diaʹ lepoʹ Yahudi diaʹ lepa ngelan Tuhan Yesus di lareʹ mung nte caʹ tudep lepe ida kanan Katuk Adet Musa.

1 KURINTUS 15:3

Dau iaʹ akeʹ pelawa mikem are, ia ne iaʹ akeʹ lepa alaʹ lete, ca puyan iaʹ atek bioʹ, iaʹ ina Keristus ban matai tuman penyalaʹ le, bayaʹ dau Kitap.

IBERANI 12:22

Un sepuʹo ikem lepa nai palaʹ Mudung Siun, ngan lepoʹ Allah iaʹ mudip, iaʹ ina Yerusalim cen surga pemung ngan ibu ibu melikat te.

YAKUP 3:17

Un sepuʹo penudi kimet iaʹ nai cen mpau, iaʹ ading ading nge un puyan iaʹ buheʹ. Un laʹa tadan tekaʹ a, ngan denaʹ seʹ puyan ne, ngan ubaʹ pekejahi seʹ e. Laʹa ia un sangan kuʹun pengelesau ngan naʹan naʹan pemuyan tiga diaʹ seleket ban buʹan ne. Abeʹ e un selepeʹ kimet ngan puyan pekaloʹ-kaloʹ seʹ.

1 PETERUS 2:1

Tuman ina pet ne mung puyan jaʹat, palo, ngan ngaloʹ, ngan ngetiʹet, ngan pejaʹat dulu.