LUKAS 11:9 - Kenyah New Testament

⁹ Lan dau heʹ mikem, nyat ne, ina le ikem ke alaʹ a. Mita ne, ina le ikem ke un ne. Megoʹ ne pamen, ina le pamen ke pesik mikem.

LUKAS 11:9 Iomraidhean Croise

MATIUS 21:22

Mele inu iaʹ ikem nyat dalem temameʹ kem, buk kem ngelan, atek kem ke alaʹ a lete.”

MATIUS 21:31

Iaʹ mpi neng ahang anak dua dina iaʹ uyan pengubaʹ amai ie?” Un dau re mipa Yesus: “Anak ke iaʹ seken ina.” Un dau Yesus neng ida laʹa: “Lan dau heʹ mikem, ban ne kelunan diaʹ alaʹ pupu, ngan leto pedayang, iaʹ ketai kaʹ dalem puyan pengaren Allah nekena neng ʹo ikem.

MATIUS 6:29

Un sepuʹo dau heʹ mikem, naʹ pe Suliman neng seʹ pengekayaʹ a, abeʹ e un gelam iaʹ tiga koʹ baʹan piu dina ne.

MARKUS 11:24

Tuman ina, dau heʹ mikem laʹa, buk kem lemameʹ nyat ca inu, ngelan ikem lepa alaʹ a. Ina le ikem ke un ne ʹo.

MARKUS 13:37

Isiu heʹ neng ikem dini, isiu ina lete iaʹ akeʹ ke badaʹ me mung kelunan, iaʹ ina: Tiga hem lemuto jagaʹ.”

LUKAS 11:10

Moʹ singket singket usa diaʹ nyat, ida lete diaʹ ke alaʹ a. Pekina pe diaʹ mita, ida lete ke un ne. Ngan diaʹ megoʹ pamen, mida lete pamen ke pesik.

YAYA 14:13

Ngan akeʹ ke ti lete inu inu iaʹ ikem nyat dalem ngadan nceʹ, apan serema peniga Amai Bioʹ ke luhaʹ cen Anak ke.

YAYA 15:16

Abeʹ e ikem iaʹ lemileʹ akeʹ, akeʹ iaʹ lemileʹ ikem, ngan peteneng ikem ke un buʹan iaʹ sahu. Ina ne buʹan iaʹ abeʹ un tisen tai jaʹat. Ngan pekina ne puyan Amai Bioʹ ke naʹ mikem, mele inu iaʹ ikem nyat neng ia dalem ngadan nceʹ.

YAYA 15:7

Buk kem detem neng akeʹ, ngan isiu heʹ pe detem neng ikem, ina le ikem ke nyat inu iaʹ ikem ubaʹ, ngan ikem ke un ne lete.

YAYA 4:10

Un dau Yesus mipa ia: “Awaʹ pe ikoʹ tisen inu iaʹ Allah naʹ me kelunan, ngan tisen aheʹ keʹ iaʹ nyat tisep neng ikoʹ ne, atek koʹ ke nyat neng ia lete, ngan ia pe naʹ sungai iaʹ mudip mikoʹ.”

RUM 2:7

Aheʹ kelunan diaʹ tudep uyan tiga, ngan mita peniga ngan tiga saheʹ cen Allah, mentung mita udip iaʹ abeʹ un ketai salai, palaʹ ida lete Allah ke naʹ udip saheʹ kelineʹ iaʹ ngeriman ʹo.

2 KURINTUS 6:2

Ngeringa dau Allah cen Kitap iaʹ kuma ha: “Jakaʹ un tekaʹ pengelesau heʹ, akeʹ kenahan dau hem. Tegoʹ tau iaʹ akeʹ pudip kelunan, akeʹ lesau ikem.” Ngeringa tiga, moʹ tegoʹ naʹkini un iaʹ marung ke alaʹ pengelesau Tuhan Allah. Tau ini iaʹ tau marung ke alaʹ udip dalem Tuhan.

IBERANI 11:6

Kelunan aheʹ pe abeʹ senteng ke niga kimet Allah buk ke abeʹ un pengelan. Moʹ aheʹ iaʹ nai ngejuma Allah, abeʹ e senteng are ngelan uba Allah iaʹ un, ngan ngelan uban Allah iaʹ naʹ bang me kelunan diaʹ mita ia.

IBERANI 4:16

Moʹ ina, tekep le nai palaʹ padung pengaren Allah ngan tempa tekaʹ. Kina ban un pengelesau. Kina ilu senteng alaʹ lesau, ngan tisen pengelesau iaʹ ke mepo ilu tegoʹ iaʹ penekep pe.

YAKUP 1:5

Un sepuʹo buk un ca mikem iaʹ tepet neng penudi kimet te, tekep ia lemameʹ palaʹ Allah iaʹ ke naʹ penudi kimet ina mia. Moʹ Allah iaʹ naʹ milu mung ngan iaʹ lebang ngan lesau kimet.

YAKUP 5:15

Temameʹ ini, iaʹ peging ngan pengelan, ke paget kelunan sakit ina. Tuhan iaʹ ke meteʹ ia nai tiga laʹa. Ngan Tuhan ke mesau penyalaʹ diaʹ ia lepa ti.

1 YAYA 3:22

Inu inu iaʹ ilu nyat kia, ilu alaʹ lete uban le tudep bayaʹ katuk ukum me, ngan ti pemuyan iaʹ sihoʹ pengubaʹ a.

PUYAN LUHA’ 2:24

“Ikem diaʹ ca kaʹ lepoʹ Tatira, abeʹ kem bayaʹ katuk jaʹat ina. Ngan abeʹ pe ikem pekalai puyan katuk iaʹ ida kuma ‘Katuk dalem neng puyan Sitan.’ Dau heʹ mikem, abeʹ keʹ ke naʹ pit mpin ncem ne.