LUKAS 11:41 - Kenyah New Testament

⁴¹ Di lareʹ mencai ne inu iaʹ un dalem sawan ngan kiut cem me diaʹ taru mudip, ina le ketoʹ o buheʹ neng ikem.

LUKAS 11:41 Iomraidhean Croise

MATIUS 26:11

Moʹ kelunan kasip lemuto re pemung ngan ncem, un sepuʹo abeʹ keʹ lemuto pemung ngan ncem.

MATIUS 5:42

Buk ca kelunan ke nyat inu neng ikem, tiga hem naʹ mia. Ngan buk ca kelunan ke kanan inu hem kena, naʹ ne mia kena.”

MARKUS 7:19

Ban ne abeʹ e tai kedalem kimet te, di lareʹ bang tai kedalem batek ke, sulo pesau cen usa ha laʹa.” (Man isiu ina Yesus mesau mung palan penguman.)

LUKAS 12:33

Matu ne inu hem, ngan naʹ ne tuaʹ le me diaʹ taru mudip. Sereket cem petenup bahan ligit iaʹ abeʹ un ke teneboʹ kaʹ surga. Kidi hem atek pedemun kayaʹ kem iaʹ are tisen ketai pekaliu, moʹ abeʹ kelau un kina, ngan abeʹ un buken iaʹ ke ngejaʹat te.

LUKAS 16:9

Kun Yesus metuk tiraʹ ina laʹa: “Moʹ cen diaʹ pekina, dau heʹ mikem, kanan ne ligit ngan inu hem man ncem ke pepanak ngan dulu, apan ne buk inu hem tai muʹo cen ikem ʹo, Tuhan Allah ke nyelama alaʹ ikem kedalem surga ʹo.

LUKAS 18:22

Uʹo Yesus kenahan dau ue ina, penco dau ue: “Un lepe ca puyan iaʹ tepa neng ikoʹ. Pebeli ne ketoʹ inu iaʹ un neng ikoʹ, ngan naʹ ne suaʹ a me diaʹ taru mudip, apan ncoʹ ke un kayaʹ dalem surga. Uʹo ina nai hoʹ bayaʹ akeʹ.”

LUKAS 19:8

Dalau ina kenai Sakius beteʹ, penco dau ue neng Tuhan: “Ahaʹ Tuhan, kuaʹ tulat inu heʹ akeʹ kenaʹ me diaʹ taru mudip. Buk keʹ ban ngebuyuk inu dulu, akeʹ ke naʹ ngeliwet pat liwai pengekadoʹ o.”

PEMUYAN 10:15

Kun dau isiu ina pelaʹa iaʹ kuma ha: “Buk inu iaʹ Allah abeʹ un lemalan, ayen ncoʹ lemalan ne.”

PEMUYAN 11:29

Penco re diaʹ bayaʹ katuk Tuhan dina payo matu inu re, bayaʹ tekaʹ sukat de singket usa re, man nte mepo diaʹ cenganak de dalem Tuhan diaʹ ngelineʹ kaʹ tanaʹ Yudia.

PEMUYAN 24:17

Sulo dau Paulus laʹa: “Uʹo kudaʹ uman ban majan ceʹ abeʹ un kaʹ lepoʹ Yerusalim, uʹo ina le kenai heʹ ngkin pengencai ligit palaʹ diaʹ anun nceʹ kina, ngan pekina pe akeʹ naʹ pengencai heʹ me Allah.

2 KURINTUS 8:12

Buk ke sanget tekaʹ tawai hem ubaʹ ke mencai inu hem, Allah iaʹ tisen inu iaʹ ikem sukat mencai. Tuman ina ia ubaʹ alaʹ pencai hem, abeʹ e tuman inu iaʹ abeʹ un neng ikem.

IPESUS 4:28

Aheʹ iaʹ ban ngelau cen kena, ayen ne ngelau laʹa, di lareʹ tiga ha nading pegayeng man ujoʹ o tengen neng gayeng iaʹ tiga, apan ne senteng mepo diaʹ taru mudip.

TITUS 1:15

Toʹ inu inu ne un buheʹ neng kelunan iaʹ buheʹ penawai re. Un sepuʹo palaʹ kelunan diaʹ jameng penawai re ngan abeʹ un ngelan Tuhan, ca inu inu pe iaʹ abeʹ un buheʹ. Moʹ kimet ngan tekaʹ dalem penawai re lepa jameng.

IBERANI 13:16

Ayen lingu ti puyan iaʹ tiga, ngan mepo ikem semaheʹ, uban puyan dini ne nuyan liwa diaʹ ke niga kimet Allah.

IBERANI 6:10

Abeʹ Allah un selepeʹ. Abeʹ e ke lingu pemuyan ia ikem lepati, pekina pe puyan pengemalaʹ kem neng ia, iaʹ luhaʹ tegoʹ kem mepo diaʹ cenganak kem dalem Tuhan are. Petem pekina lete puyan ncem naʹkini.

YAKUP 1:27

Ini ne Tuhan Allah iaʹ Amai Bioʹ ban kuma adet iaʹ buheʹ ngan iaʹ lan, iaʹ ina puyan ke pubo anak ilun ngan leto balu neng pengeketa re, mentung pubo usa ha tengen malap ketai tabin jameng kuʹun puyan kusun tanaʹ ini.