LUKAS 11:4 - Kenyah New Testament

⁴ Ngan sau ne penyalaʹ meʹ, moʹ ameʹ sau penyalaʹ mung dulu diaʹ un salaʹ neng ameʹ. Ngan ayen pedayo ameʹ tai sihoʹ pengeten iaʹ bioʹ.”

LUKAS 11:4 Iomraidhean Croise

MATIUS 18:35

Un dau Yesus pelepek katuk ina: “Pekina lete puyan Amai heʹ iaʹ kaʹ surga keneng ikem, singket singket usa hem, buk kem abeʹ un ke sau penyalaʹ cenganak kem ngan tekaʹ keluʹung kimet cem.”

MATIUS 26:41

Jagaʹ ne ngan lemameʹ ne, apan ncem abeʹ un tai supeʹ kuʹun pengeten. Lan te berua hem pali, un sepuʹo usa hem iaʹ lemaʹ.”

LUKAS 11:5

Un dau Yesus neng diaʹ bayaʹ katuk ke laʹa: “Buk le pekata ca usa mikem, iaʹ tai palaʹ amin iaʹ tuyang ngkem dalau beluaʹ alem. Un dau hem neng ia: ‘Tuyang, kudaʹ pe ikoʹ lesau akeʹ ading. Naʹ makeʹ saliu telu badang baha,

LUKAS 13:4

Kumpin neng diaʹ puloʹ aya diaʹ ban matai pencit kuʹun sukaʹ batu iaʹ tubang kaʹ Siluam didai? Kumpin baʹan ncem? Bioʹ salaʹ de neng ʹo diaʹ ca diaʹ mudip kaʹ lepoʹ Yerusalim ne?

LUKAS 22:46

Un dau ue neng ida: “Moʹ inu hem luntoʹ tupe? Taga ngan lemameʹ ne, idi hem are tai supeʹ dalau pengeten.”

LUKAS 8:13

Un beneʹ diaʹ laboʹ neng usun tanaʹ bere dina, koʹ baʹan dulu diaʹ ngeringa katuk idai, mentung nte alaʹ a ngan bangen tawai. Un sepuʹo abeʹ katuk didai tai detem dalem kimet de. Seʹ de ngelan ne dalau laho ina tuaʹ. Ngan tegoʹ kenai pengeten palaʹ ida, penco luʹap ne kimet de.

YAYA 17:15

Abeʹ keʹ nyat ikoʹ ngelipau ida kusun tanaʹ ini, un sepuʹo akeʹ nyat ikoʹ menting ida cen Bali Jaʹat.

1 KURINTUS 10:13

Mung puyan pengeten iaʹ lepa sihoʹ ikem, seʹ e pengeten iaʹ ngelayen sihoʹ kelunan lete. Un sepuʹo Allah iaʹ semamet, ia abeʹ un pedayo ikem ke sihoʹ ten lapa neng ʹo pengali hem ke nyekang nge. Dalau hem sihoʹ pengeten, Allah iaʹ ke naʹ pengali mikem apan ncem nengayet ngan salet. Pekina puyan Allah ke uyan janan takau mikem.

KULUSE 3:13

Mepo ne ikem selepeʹ. Ngan buk ca usa neng ahang ikem ban un salaʹ neng dulu diaʹ ca, sau ne salaʹ ina neng ahang ikem selepeʹ. Kumpin Tuhan lepa sau penyalaʹ kem, pekina lete ikem ke sau penyalaʹ kem selepeʹ.

2 TESALUNIKA 3:3

Un sepuʹo Tuhan le ina semamet. Ia ke ngepali ikem, ngan ke sau ikem cen laki iaʹ ngkang pungu pengejaʹat ina.

2 TIMUTIUS 4:18

Tuhan iaʹ ke sau akeʹ cen mung diaʹ jaʹat, ngan ke pudip akeʹ pa heʹ ketai kedalem puyan pengaren ne kaʹ surga. Palaʹ Tuhan ketai serema peniga pa pa majan ʹo. Amin.

YAKUP 2:13

Uban tegoʹ Allah ke pebetep dau neng ca kelunan iaʹ abeʹ un pengelesau cen kena, abeʹ Allah ke un lesau neng ia. Un sepuʹo pengelesau iaʹ ke un usun neng puyan iaʹ pebetep dau.

PUYAN LUHA’ 2:10

Ayen ncem takut neng penaru iaʹ kenai nantaʹ ikem uʹo. Nawai dau heʹ, ban Bali Jaʹat ina ke ten ikem, ngan ia ke naʹ palai mikem kedalem sepin. Puloʹ tau pengemajan ncem ke sihoʹ taru uʹo. Semamet ne bayaʹ akeʹ. Naʹ pia seʹ ketai pesen neng patai, atek keʹ ke naʹ ca tapung keriman mikem uʹo.

PUYAN LUHA’ 3:10

Lepa ne ikem nawai dau heʹ cuk ikem dadoʹ kimet are, ina ukoʹ keʹ ke petubo ikem lete tegoʹ penaru bioʹ iaʹ ke nai abeʹ libut usun tanaʹ ini ʹo, ke ten mung kelunan diaʹ kusun tanaʹ ini.