LUKAS 11:2 - Kenyah New Testament

² Un dau Yesus neng ida: “Buk kem lemameʹ, pekini dau hem: Amai, Tekep meʹ nyelama ngadan ncoʹ iaʹ buheʹ. Nai ne puyan pengaren ncoʹ ngaren ameʹ kelunan.

LUKAS 11:2 Iomraidhean Croise

MATIUS 10:32

“Aheʹ iaʹ teto dau ngahaʹ ban ia iaʹ anun nceʹ neng ahang dulu, akeʹ ke ngahaʹ ia kaʹ juma Amai heʹ kaʹ surga lete.

MATIUS 3:2

Un dau Yaya: “Nyepuleʹ ne kimet cem cen penyalaʹ kem. Abeʹ e majan laʹa kenai luhaʹ ne puyan pengaren Tuhan Allah ke ngaren ilu kelunan.”

MATIUS 5:16

Pekina lete tekep serema hem ke ngedema kelunan apan nte taʹan mung seʹ pemuyan ncem un tiga, sulo re pempau Amai hem iaʹ un kaʹ surga.”

LUKAS 11:1

Un ca liwai laʹa, Yesus lemameʹ neng ca ukoʹ o kelemameʹ. Lepa ne ia lemameʹ, nai kun ca usa diaʹ bayaʹ katuk ke. Kun dau ue neng ia: “Tuhan, tiga hoʹ pekatuk ameʹ lemameʹ, koʹ baʹan Yaya pekatuk ida diaʹ bayaʹ katuk ke are.”

RUM 1:7

Pekina dau heʹ nyurat me mung ngkem diaʹ kaʹ lepoʹ Rum, diaʹ Allah malaʹ ngan mengin ke nuyan kelunan diaʹ anun ne tengen. Awaʹ pe Allah iaʹ Amai le, ngan Tuhan Yesus Keristus, ke naʹ pengelesau ue ngan udip iaʹ tadan mikem.

RUM 8:15

Moʹ Berua iaʹ Allah ban naʹ mikem ina, abeʹ e cuk ikem ketai ulaʹ tunuk neng puyan takut laʹa, di lareʹ Berua ina iaʹ ban uyan ikem anak Allah. Laʹa kuʹun penyukat Berua ina, ilu ngelengap palaʹ Allah: “Amai, Amai heʹ.”

1 KURINTUS 1:3

Awaʹ pe Allah iaʹ Amai le, ngan Tuhan Yesus Keristus, ke naʹ pengelesau ngan udip iaʹ tadan mikem.

2 KURINTUS 1:2

Awaʹ pe Allah iaʹ Amai le, ngan Tuhan Yesus Keristus, ke naʹ pengelesau ue ngan udip iaʹ tadan mikem.

GALATIA 1:4

Keristus lepa mencai usa ha ban tuman penyalaʹ le. Moʹ lebang tekaʹ kimet te bayaʹ pengubaʹ Allah iaʹ Amai le, ina tuman ne nakau ilu cen udip usun tanaʹ iaʹ jaʹat ini.

IPESUS 1:2

Awaʹ pe Allah iaʹ Amai le, ngan Tuhan Yesus Keristus, ke naʹ pengelesau ue ngan udi iaʹ tadan mikem.

PILIPI 1:2

Awaʹ pe Allah iaʹ Amai le, ngan Tuhan Yesus Keristus, ke naʹ mikem pengelesau ue ngan udip iaʹ tadan.

PILIPI 4:20

Palaʹ Allah iaʹ Amai le ketai nuyan serema peniga pabeʹ bayaʹ. Amin.

KULUSE 1:2

akeʹ pekatu surat ini palaʹ diaʹ anun Allah kaʹ lepoʹ Kuluse, ida diaʹ tai nuyan cenganak le diaʹ semamet dalem Keristus. Awaʹ pe Allah iaʹ anun le ke naʹ pengelesau ue ngan udip iaʹ tadan mikem.

1 TESALUNIKA 1:1

Cen Paulus, Silas, ngan Timutius: Palaʹ mung kelunan dalem Mpun diaʹ ngelan Tuhan kaʹ Tesalunika, diaʹ anun Allah, Amai Bioʹ le, ngan Tuhan Yesus Keristus. Awaʹ pe pengelesau ngan udip iaʹ tadan un neng ikem.

1 TESALUNIKA 1:3

Ban ne dalau meʹ lemameʹ palaʹ Amai le Tuhan Allah, ameʹ petawai kumpin tangen seʹ pengelan ncem singket tau, ngan pekina pe tangen seʹ kem pegayeng tuman pengelesau hem, ngan pekina pe kumpin salet seʹ tebelum ngkem neng Yesus Keristus le.

2 TESALUNIKA 2:16

Awaʹ pe Tuhan le Yesus Keristus tengen, ngan Allah iaʹ Amai le iaʹ ban malaʹ ilu, ngan dalem pengelesau ue ia ban naʹ tangen iaʹ ke ngeriman, ngan ca tebelum iaʹ tiga milu.

PUYAN LUHA’ 11:15

Kun melikat iaʹ ketujoʹ ina mempo tekepip pe, penco heʹ kenahan dau kudaʹ isiu iaʹ bioʹ kaʹ langit iaʹ kuma: “Penyukat iaʹ ke ngaren usun tanaʹ lepa anun Tuhan le ngan anun Keristus e naʹkini. Ia ke ngkang perinta pa majan uʹo.”

PUYAN LUHA’ 15:4

Ahaʹ Tuhan, aheʹ diaʹ abeʹ un nyelumuk ikoʹ? Aheʹ diaʹ leko ke badaʹ pengebioʹ puyan ncoʹ tupe? Uban ikoʹ tengen iaʹ buheʹ. Mung lepoʹ kelunan kenai lemameʹ palaʹ ikoʹ, uban pemuyan ncoʹ iaʹ teneng lepa luhaʹ kata kelunan mung.”

PUYAN LUHA’ 19:6

Kun nceʹ kenahan dau pelaʹa koʹ baʹan dau kahi mpun kelunan kadoʹ, ngan ukoʹ dau tengo uʹung iaʹ kasa are, ngan gerem langit iaʹ bioʹ dau kuma ha: “Aliluya, pada Allah, moʹ Tuhan Allah le iaʹ Atek Bioʹ Penyukat, ia iaʹ Paren le.

PUYAN LUHA’ 20:4

Kun nceʹ taʹan pelaʹa kudaʹ kadoʹ padung pengaren, ngan kelunan diaʹ madung kidi. Kun Tuhan Allah naʹ penyukat mida man nte ke pebetep ukum tiraʹ. Kun nceʹ taʹan pelaʹa mung berua kelunan iaʹ dulu ban lepa lematai moʹ de lepa badaʹ tugen neng katuk telit iaʹ luhaʹ kuʹun Yesus, ngan neng tiraʹ Allah. Moʹ abeʹ de ubaʹ lemameʹ palaʹ pun jaʹat ina, pekina pe palaʹ uyat te. Abeʹ de mampin tedanaʹ pun jaʹat ina neng anang nte, pekina pe neng ujoʹ de. Kelunan dina iaʹ nai mudip ngan ngkang pengaren, pemung ngan Keristus, ca ibu uman pengemajan ne.