LUKAS 10:7 - Kenyah New Testament

⁷ Ngelineʹ ne ikem dalem amin iaʹ un tadan penyaheʹ ina. Uman ngan nisep ne inu iaʹ ia naʹ mikem. Moʹ aheʹ iaʹ pegayeng, atek tekep lete ia ke un bang nge. Ayen ncem tai kaso kaso keneng ca lubang amin.

LUKAS 10:7 Iomraidhean Croise

MARKUS 6:10

Laʹa dau Yesus neng ida: “Dalau tai hem tai nyabeʹ ca lepoʹ, ngan pejakaʹ neng ca amin iaʹ alaʹ ikem, ayen ncem tai paso laʹa pa ketai hem mecin lepoʹ ina.

LUKAS 10:6

Buk un ca usa iaʹ malaʹ tadan neng penyaheʹ e kina, atek kem ke naʹ tadan penyaheʹ kem mia lete. Un sepuʹo buk are un pekina, tiga hem alaʹ tadan penyaheʹ kem ina ngeliwet laʹa.

LUKAS 9:4

Buk kempi diaʹ selama dau alaʹ ikem kaʹ amin, ngelineʹ ne kidi, pa ketai hem mecin cen lepoʹ ina.

PEMUYAN 16:15

Un Lidia ne, kun nte ngebatis ia peging ngan diaʹ amin ne. Kun ne mengin ameʹ: “Nai ne ikem telu, tudo kaʹ amin nceʹ buk betep tekaʹ kimet cem kuma akeʹ ca iaʹ lan ngelan neng Tuhan.” Naten dau ue mengin ameʹ telu ne.

PEMUYAN 16:34

Kun ne ngkin Paulus de dua Silas pejakaʹ kaʹ amin nte, penco ho naʹ penguman mida dua. Bangen seʹ de panak mung dalem amin nte, moʹ de ngelan Tuhan Allah.

PEMUYAN 16:40

Lepa Paulus ngan Silas nai kawang cen amin sepin ina, penco tai re dua kaʹ amin Lidia. Kina re dua petegoʹ ngan mung diaʹ cenganak dalem Tuhan kina, kun nte penco katuk iaʹ petangen ida. Uʹo ina tai re dua puke pelaʹa.

GALATIA 6:6

Aheʹ kelunan iaʹ alaʹ katuk Keristus naʹkini, tekep lete ia pawat inu inu peniga ha ngan ia iaʹ pekatuk ia.

1 TIMUTIUS 5:13

Un pelaʹa leto diaʹ pekina, tai malai leko re, ketai re madung madung singket amin dulu. Pincaʹ pelaʹa tai malai ne ida patu tiraʹ bareng ngan pemiat dulu, mentung nte pisiu neng inu diaʹ abeʹ un tekep ida pisiu.

2 TIMUTIUS 2:6

Un diaʹ tangen uyan uma, tekep pe ida iaʹ ading ading ke alaʹ buaʹ a.