LUKAS 10:42 - Kenyah New Testament

⁴² Bang ca tuaʹ le puyan iaʹ tekep lan. Moʹ un Mariam, lepa ne ia lemileʹ be iaʹ tiga, abeʹ keʹ ke sau ue neng ia.”

LUKAS 10:42 Iomraidhean Croise

MARKUS 8:36

Buk ca kelunan iaʹ ke un ketoʹ inu kusun tanaʹ ini, un sepuʹo udip berua ha durat, inu le ne iaʹ bang nge tupe?

LUKAS 10:39

Un Marta ne, un ca sadin leto ho, ngadan ne Mariam. Ia iaʹ madung nusau taket Tuhan, ngeringa dau katuk ke.

LUKAS 11:1

Un ca liwai laʹa, Yesus lemameʹ neng ca ukoʹ o kelemameʹ. Lepa ne ia lemameʹ, nai kun ca usa diaʹ bayaʹ katuk ke. Kun dau ue neng ia: “Tuhan, tiga hoʹ pekatuk ameʹ lemameʹ, koʹ baʹan Yaya pekatuk ida diaʹ bayaʹ katuk ke are.”

LUKAS 12:20

Un dau Tuhan Allah neng ia: ‘E laki untau, alem ina lete berua hoʹ ke petat cen usa hoʹ. Aheʹ ke alaʹ mung inu iaʹ ikoʹ lepa pempun me usa hoʹ tengen didai ʹo?’ ”

LUKAS 12:33

Matu ne inu hem, ngan naʹ ne tuaʹ le me diaʹ taru mudip. Sereket cem petenup bahan ligit iaʹ abeʹ un ke teneboʹ kaʹ surga. Kidi hem atek pedemun kayaʹ kem iaʹ are tisen ketai pekaliu, moʹ abeʹ kelau un kina, ngan abeʹ un buken iaʹ ke ngejaʹat te.

LUKAS 16:2

Kun laki bioʹ ina mengin iaʹ mantun ina are, kun dau ue neng ia: ‘Adeʹ ban pekini denga hoʹ iaʹ akeʹ kenahan? Peluhaʹ ne makeʹ surat ligit iaʹ badaʹ ban puyan gayeng ngkoʹ, moʹ abeʹ ne ikoʹ sukat ngkang amin nceʹ laʹa.’

LUKAS 16:25

“Un sepuʹo dau Ibrahim: ‘Ahaʹ anak keʹ, petawai ne. Lepa ne ikoʹ alaʹ tulat iaʹ tiga dalau hoʹ mudip are. Dalau ina lete Lasarus lepa alaʹ tulat iaʹ jaʹat. Naʹkini nuʹo, bang bangen ngan saheʹ ne ia. Un sepe ikoʹ sihoʹ tuyen ne.

LUKAS 18:22

Uʹo Yesus kenahan dau ue ina, penco dau ue: “Un lepe ca puyan iaʹ tepa neng ikoʹ. Pebeli ne ketoʹ inu iaʹ un neng ikoʹ, ngan naʹ ne suaʹ a me diaʹ taru mudip, apan ncoʹ ke un kayaʹ dalem surga. Uʹo ina nai hoʹ bayaʹ akeʹ.”

LUKAS 8:18

“Cen ina, pekimet ne tiga le kumpin iaʹ ikem kenahan. Moʹ buk aheʹ iaʹ un penisen, palaʹ ia te Tuhan ke naʹ pit te laʹa. Ngan aheʹ iaʹ abeʹ un penisen, cen ia te Tuhan ke sau penisen iaʹ ia ke kuma ha un neng ia.”

YAYA 11:1

Ca laki ngadan Lasarus, iaʹ mudip kaʹ Bitani, tai sakit ne ia. Bitani ne lepoʹ iaʹ ukoʹ Mariam ngan iaʹ sadin ne Marta ne mudip.

YAYA 11:19

Ngan kadoʹ kelunan Yahudi lepa nai pedenaʹ Marta re dua Mariam neng puyan patai iaʹ cenganak de dua ne.

YAYA 12:3

Dalau ina ne Mariam alaʹ ca buhan kelaʹang iaʹ mahan suhaʹ a, kun ne mubeʹ e kaʹ taket Yesus, penco ho lemasa ha man puk ke. Pa libut amin tekaʹ kenai me baʹoʹ kelaʹang ina.

YAYA 17:3

Ngan ini ne udip saheʹ kelineʹ iaʹ ngeriman: ina ne puyan kelunan ke tisen ikoʹ tuaʹ le ia atek Allah lan, ngan ke tisen Yesus Keristus iaʹ ikoʹ ban cuk nai ini.

YAYA 4:14

Un sepuʹo aheʹ kelunan diaʹ nisep sungai iaʹ akeʹ naʹ ne, abeʹ de ke muhang laʹa. Sungai iaʹ akeʹ ke naʹ me kelunan, ina iaʹ nuyan seleket lubang tebut iaʹ peluput sungai mudip kaʹ dalem penawai ie, ngan naʹ udip saheʹ kelineʹ iaʹ ngeriman mia.”

YAYA 5:24

“Lan dau heʹ mikem, aheʹ iaʹ kenahan dau tiraʹ keʹ ngan ngelan ia iaʹ cuk akeʹ nai, kelunan ina ne iaʹ lepa alaʹ udip saheʹ kelineʹ iaʹ ngeriman, ngan abeʹ e ke sihoʹ puyan betep ukum penyalaʹ laʹa, un sepuʹo lepa ne ia lapa cen patai tai palaʹ udip.

YAYA 6:27

Ayen bang pegayeng mita penguman iaʹ luhaʹ jaʹat, un sepuʹo pegayeng ne mita penguman iaʹ majan neng udip saheʹ kelineʹ iaʹ ngeriman. Peguman ini atek Anak Sio ke naʹ mikem, uban Allah, Amai Bioʹ iaʹ lepa nedanaʹ ia iaʹ tekep ke man puyan ini.”

1 KURINTUS 13:3

Kenuen pe akeʹ naʹ mung inu heʹ naʹ tuaʹ me kelunan kasip, ngan ke mencai nutung usa heʹ pe, un sepuʹo buk keʹ abeʹ un malaʹ, abeʹ un bang ngkeʹ kuʹun ne.

GALATIA 5:6

Moʹ dalau le pebeka tawai ngan Keristus Yesus, diaʹ un sunat ngan diaʹ abeʹ un sunat, abeʹ un ca inu inu ue. Di lareʹ iaʹ atek bioʹ, iaʹ ina pengelan iaʹ menco gayeng man seʹ puyan malaʹ.