LUKAS 10:41 - Kenyah New Testament

⁴¹ Un dau Tuhan mipa ia: “Marta, Marta, lesau tekaʹ keʹ ikoʹ, moʹ janga tawai hoʹ, ngan bubo seʹ koʹ neng kadoʹ puyan.

LUKAS 10:41 Iomraidhean Croise

MARKUS 4:19

un sepuʹo tawai re ngawaʹ puyan usun tanaʹ ini, ngan malaʹ kimet de neng kayaʹ, pincaʹ pe kadoʹ naʹan diaʹ ca iaʹ ke pekaseng kimet de, pa ha ke nampun katuk ina. Ina ukoʹ o abeʹ un buʹan.

LUKAS 10:38

Dalau ketai Yesus masat serengan diaʹ bayaʹ katuk ke are, tai re abeʹ neng ca lepoʹ iaʹ kukoʹ amin ca leto iaʹ ngadan ne Marta. Kun Marta ne alaʹ Yesus ngan selama dau ue kedalem amin ne.

LUKAS 10:40

Un sepuʹo Marta ne bubo seʹ e, moʹ kadoʹ laleʹ gayeng nge pubo penguman nte. Ina ukoʹ o nai pisiu: “Tuhan, inu hoʹ are nyingo akeʹ. Inu sadin nceʹ pedayo akeʹ pegayeng tengen tupe? Cuk ne ia nai mepo akeʹ ading.”

LUKAS 12:22

Un dau Yesus neng diaʹ bayaʹ katuk ke: “Ina ukoʹ keʹ pekini dau mikem laʹa: Ayen janga tawai neng penguman iaʹ ke pudip usa hem, pekina pe neng gelam usa hem.

LUKAS 21:34

“Jagaʹ ne singket usa hem. Ayen pedayo kimet cem tai padut kuʹun mesep uman, ngan nisep jakan, ngan puyan mawaʹ neng pengudip ini, malap kenai Tau Bioʹ ina nantaʹ ikem tecu laleʹ ʹo.

LUKAS 8:14

Un beneʹ diaʹ laboʹ neng ahang suhaʹ dina, koʹ baʹan dulu diaʹ lepa ngeringa, un sepuʹo moʹ de pekutat iʹut tawai ngan kadoʹ galen nte, ngan pengawaʹ udip de kusun tanaʹ ini, dina ne iaʹ ke nebeseng ida, pa re supeʹ kuʹun ne, ngan abeʹ un buaʹ pengudip de iaʹ ketai sukung sak ke.

YAYA 11:1

Ca laki ngadan Lasarus, iaʹ mudip kaʹ Bitani, tai sakit ne ia. Bitani ne lepoʹ iaʹ ukoʹ Mariam ngan iaʹ sadin ne Marta ne mudip.

YAYA 11:5

Ngan malaʹ tekaʹ kimet Yesus neng Marta re dua padeʹ, ngan Lasarus lete.

YAYA 12:2

Ngajan Lasarus madung ngan Yesus kaʹ bijaʹ, kun nte petenup penguman mia kina, ngan Marta iaʹ mepo mencai ie mia.

PILIPI 4:6

Ayen ncem iʹut tawai neng ca inu inu pe, di lareʹ neng singket singket temameʹ kem te, nyat ne neng Allah inu inu iaʹ tepa neng ikem, mentung ngkem nyuaʹ tiga saheʹ.