LUKAS 10:22 - Kenyah New Testament

²² “Moʹ Amai heʹ lepa mencai mung inu makeʹ. Abeʹ un aheʹ iaʹ dapit kimet te ke ngetisen Anak ini, bang Amai Bioʹ tuaʹ le. Ngan abeʹ un aheʹ iaʹ dapit kimet te ke ngetisen Amai Bioʹ ina, bang Anak ke le, ngan neng aheʹ iaʹ Anak ini ubaʹ ke peluhaʹ Amai Bioʹ laʹa.”

LUKAS 10:22 Iomraidhean Croise

MATIUS 11:25

Dalau ina, un dau Yesus: “Ahaʹ Amai, Tuhan iaʹ ngkang langit ngan tanaʹ, akeʹ nyuaʹ tiga saheʹ palaʹ ikoʹ ban inu iaʹ ikoʹ nyuhuk neng kelunan diaʹ tudi ngan diaʹ mencam, idi iaʹ ikoʹ ban peluhaʹ me kelunan diaʹ are un pengencam.

MATIUS 11:27

“Ketoʹ inu pe lepa ne Amai Bioʹ naʹ a makeʹ. Ca kelunan pe abeʹ un tisen Anak Sio pit Amai Bioʹ. Ngan pekina pe ca kelunan pe abeʹ un tisen Amai Bioʹ pit Anak Sio peging ngan kelunan diaʹ Anak Sio ina ubaʹ ke peluhaʹ Amai Bioʹ.

MATIUS 28:18

Nai Yesus ngenyeng ida, penco dau ue neng ida: “Mung penyukat lepa un ne neng akeʹ, koʹ baʹan kaʹ surga, pekina pe kusun tanaʹ.

YAYA 1:18

Abeʹ un aheʹ milu kelunan iaʹ lepa taʹan Allah. Bang ca Laki ini le iaʹ atek kuaʹ ngan Allah are, ia iaʹ un petemping ngan Allah lete, ia ne iaʹ atek peluhaʹ Allah milu.

YAYA 13:3

Lepa tisen ne Yesus ban Amai Bioʹ lepa naʹ mung penyukat mia, ngan tisen pe Yesus ia nai cen Allah ngan ketai palaʹ Allah lete laʹa.

YAYA 17:10

Ketoʹ diaʹ akeʹ un, iaʹ anum, pekina pe ketoʹ diaʹ ikoʹ un, iaʹ anuk lete pe, ngan serema peniga heʹ iaʹ luhaʹ kuʹun nte.

YAYA 17:2

Ikoʹ iaʹ lepa naʹ penyukat me ia neng usun kelunan mung, apan ne sukat naʹ udip saheʹ kelineʹ iaʹ ngeriman me ketoʹ diaʹ ikoʹ naʹ mia.

YAYA 17:26

Akeʹ lepa petisen ikoʹ neng ida, ngan atek keʹ ke uyan pekina lemuto lete, apan puyan pengemalaʹ koʹ neng akeʹ senteng un dalem ida, ngan akeʹ lete senteng un dalem ida pe.”

YAYA 17:5

Amai, naʹkini akeʹ nyeripa ngejuma ikoʹ. Naʹ ne serema peniga makeʹ, kuaʹ baʹan iaʹ akeʹ lepa un ngan ncoʹ kena usun tanaʹ ini ke nuyan are.

YAYA 3:35

Amai Bioʹ iaʹ malaʹ neng Anak ke ngan mahung ketoʹ inu dalem gaham penyukat te.

1 KURINTUS 15:24

Dalau ina kenai pengelepa kajan udip ini. Keristus ke pesupeʹ mung diaʹ paren bali, ngan diaʹ paren kelunan, ngan penyukat diaʹ ca, penco naʹ puyan pengaren bioʹ palaʹ Allah iaʹ Amai Bioʹ.

2 KURINTUS 4:6

Allah iaʹ pisiu cen naʹaʹ kuma ha: “Cen dalau ntem kenai dema nyerema.” Atek Allah ina lete iaʹ uyan dema ha nai nyerema kaʹ dalem kimet le are, idi kenai palaʹ ilu dema penisen neng puyan peniga Allah, kumpin seʹ e luhaʹ serema ha neng silung Keristus.

IPESUS 1:21

Cen ina Keristus ngkang perinta iaʹ atek mpau neng mung perinta bali tahaʹ ntaʹ langit, neng mung penyukat, neng mung pengali, ngan neng mung diaʹ paren. Atek mpau ngadan ne neng mung kelunan iaʹ un ngadan kusun tanaʹ ini, pekina pe neng udip iaʹ kenai bayaʹ ʹo.

IBERANI 2:8

ngan ikoʹ uyan ia iaʹ paren neng usun mung inu ne.” Dau ina badaʹ ban Allah lepa uyan ia “iaʹ paren neng usun mung inu.” Luhaʹ ne ban mung inu iaʹ kahum kidi. Un sepuʹo naʹkini, abeʹ le taʹan kelunan ngaren mung inu.

1 YAYA 5:20

Tisen te ilu are, ban Anak Allah lepa nai ngan naʹ penisen man le ke ngetisen Allah iaʹ ban atek Allah lan. Udip le dini un dalem Allah iaʹ lan, iaʹ ina dalem Anak ke Yesus Keristus. Ini ie iaʹ atek Allah lan, ngan ini iaʹ atek udip saheʹ kelineʹ iaʹ ngeriman.

2 YAYA 1:9

Aheʹ kelunan iaʹ duncau neng katuk Keristus ngan abeʹ un temek dalem katuk ina, kelunan ina abeʹ e dapit neng Allah. Aheʹ kelunan iaʹ temek dalem katuk ina, atek dapit neng Amai Bioʹ, peging ngan Anak ke pe.