LUKAS 10:2 - Kenyah New Testament

² Un dau Yesus neng ida: “Bioʹ laleʹ ajau ini, un sepuʹo diaʹ ketai majau ue, kediʹut le. Moʹ ina lemameʹ ne ikem neng Amai Bioʹ iaʹ un ajau ini, apan ia ke cuk palai laʹa tai majau kaʹ ajau ue te.

LUKAS 10:2 Iomraidhean Croise

MATIUS 20:1

“Puyan pengaren Allah ke ngaren ilu kelunan koʹ baʹan ca kelunan iaʹ un banit buaʹ anggur are. Mempam ke tai ie kawang, ke pita kuli ke pegayeng neng banit te.

MARKUS 13:34

Buk le pekata ha koʹ baʹan ca laki iaʹ mecin amin ne, tai peselai. Kun ne cuk diaʹ ulaʹ a petubo amin ne, singket usa re, ia petulat gayeng mida. Kun laki bioʹ ina cuk ca usa mengau pamen ne lemuto.

MARKUS 16:15

Un dau Yesus neng ida: “Tai ne ikem penco badaʹ denga Injil me ketoʹ kelunan pa tipo usun tanaʹ ini.

MARKUS 16:20

Sulo tai diaʹ bayaʹ katuk ke penco badaʹ denga Injil mele kempi kempi ketai re. Mentung Tuhan iaʹ pegayeng ngan nte, peluhaʹ puyan nyingan iaʹ nedanaʹ ban katuk de telit.] [

LUKAS 9:1

Kun Yesus mengin diaʹ puloʹ dua usa diaʹ bayaʹ katuk ke are, penco ho naʹ mida nyingan ngan penyukat man nte ke sau mung bali, ngan paget mung penyakit.

PEMUYAN 11:19

Mung diaʹ ngelan Tuhan tai petat kuʹun penaru iaʹ nai dalau dulu lematai Stipanus are. Un palai mida tai kelap pabeʹ dale Penisia ngan tanaʹ Siperus, mentung nte bada tiraʹ Allah me diaʹ lepoʹ Yahudi tengen le.

PEMUYAN 13:2

Dalau re pat lemameʹ Tuhan ngan lemalan abeʹ un uman, un dau Berua Buheʹ neng ida: “Nengen ne Barnabas ngan Saul makeʹ, idi re tai mejo gayeng ngkeʹ neng iaʹ ukoʹ keʹ mengin ida.”

PEMUYAN 13:4

Ban Berua Buheʹ iaʹ cuk ida dua, ina ukoʹ de dua tai kaʹ bahi kaʹ lepoʹ Selukia. Cen ina tai re ngedung neng kapen ia tai kaʹ tanaʹ Siperus.

PEMUYAN 20:28

Petubo ne tiga tiga neng usa ngan kimet cem tengen, pekina pe petubo ne mung aba dumba, moʹ Berua Buheʹ ban cuk ikem ke tuʹa re. Manan ne Mpun diaʹ anun Allah. Allah ban un ne, moʹ tuman dahaʹ patai ie tengen.

PEMUYAN 22:21

Un dau Tuhan neng akeʹ: ‘Tai ne, moʹ akeʹ iaʹ cuk ikoʹ tai kaʹ coʹ palaʹ kelunan diaʹ tahaʹ awang Yahudi.’ ”

PEMUYAN 8:4

Mung nte diaʹ petat purat dina, kempi kempi ketai re masat, kina re pedenga Injil ina.

1 KURINTUS 12:28

Pekina lete puyan le dalem Mpun, moʹ Tuhan Allah iaʹ pempun ilu neng ca tuaʹ le, ading nge diaʹ lawa Injil, kedua ha diaʹ pegawa Allah, iaʹ ketelu ue diaʹ guru Injil, uʹo ina diaʹ uyan puyan nyingan, uʹo ina pelaʹa diaʹ un penyukat ke paget kelunan, ngan mepo kelunan, ngan diaʹ senteng peteneng gayeng, ngan diaʹ pisiu isiu bulen.

1 KURINTUS 15:10

Un sepuʹo puyan iaʹ nuyan neng akeʹ naʹkini un nuyan kuʹun pengelesau Allah iaʹ ia lebang naʹ milu. Ngan pengelesau iaʹ ia naʹ makeʹ, abeʹ e tai bura tuaʹ le, di lareʹ akeʹ iaʹ tangen pegayeng lapa neng ʹo puyan lawa Injil diaʹ ca. Iaʹ lan ne, abeʹ e puyan pemuyan nceʹ tengen, di lareʹ pengelesau Allah iaʹ ia lebang naʹ milu iaʹ pegayeng ngan nceʹ.

2 KURINTUS 6:1

Ina ukoʹ ameʹ diaʹ pemung pegayeng ngan Allah taten dau nyat ikem: alaʹ ne pengelesau Tuhan Allah, iaʹ ia lebang naʹ ina, ngan ayen peterai ie pelo-lo.

PILIPI 2:21

Moʹ mung nte diaʹ ca salau neng puyan nte kata re tengen, abeʹ e neng gayeng Yesus Keristus.

PILIPI 2:25

Un sepuʹo, tekep kaʹ neng kimet ceʹ ke cuk cenganak le Ipap-ruditus nai palaʹ ikem, ia iaʹ ban ikem cuk nai petubo akeʹ dalem penaru heʹ. Ipap-ruditus ne iaʹ ban pegayeng pata pemung ngan nceʹ pepatai ti ngan bali.

PILIPI 2:30

Moʹ suaʹ gayeng Keristus, lemelaʹ seʹ ke matai le ia, dalau nai ie saliu ikem ke mepo akeʹ, moʹ kem abeʹ un biʹen.

KULUSE 1:29

Tuman ina, jengan ngan nengayet tekaʹ keʹ ke kanan penyukat pali, iaʹ Keristus naʹ makeʹ, iaʹ pegayeng dalem usa heʹ.

KULUSE 4:12

Pekina pe Ipapras, ca usa diaʹ anun ncem, ngan iaʹ ulaʹ Yesus Keristus, badaʹ tiga saheʹ e palaʹ ikem. Ngan sanget seʹ e lemuto lemameʹ palaʹ Allah apan ncem ke salet dalem pengelan ncem, ngan dengkep puyan ncem, ngan penisen ncem ke sukung, mentung ngkem ke tunuk palaʹ Allah ngan toʹ tekaʹ libaʹ tawai hem bayaʹ pengubaʹ a.

1 TESALUNIKA 2:9

Atek ikem petawai lete cenganak, kumpin seʹ meʹ nyara pegayeng naʹ tau ngan ngahu, apan meʹ abeʹ un ke ngepit bahat mpin ncem ngajan meʹ pedenga Denga Injil cen Allah ina.

1 TESALUNIKA 5:12

Pengenyat meʹ neng ikem cenganak cenganak, apan ncem nugen ngan nyelama ida diaʹ pegayeng neng ahang ikem, ban ne ida iaʹ Allah lepa lemileʹ ke mampin ikem ngan ke pekatuk ikem.

2 TESALUNIKA 3:1

Iaʹ kebayaʹ dau heʹ cenganak cenganak, tiga hem lemameʹ mameʹ apan puyan denga Tuhan le senteng tai libut ngan sangkit, ngan apan ne luhaʹ serema peniga ha, koʹ baʹan iaʹ lepa nuyan neng ahang ikem cen naʹaʹ are.

1 TIMUTIUS 4:10

Moʹ ina ukoʹ le nyara ngan nengayet tekaʹ pegayeng, moʹ le lepa pesente tebelum le neng Allah iaʹ mudip, iaʹ Keniga Udip kelunan mung, menco ho pelaʹa neng diaʹ un pengelan neng ia.

2 TIMUTIUS 4:5

Un sepuʹo ikoʹ ini, tiga hoʹ peteneng ngan jagaʹ usa hoʹ, mele inu pemuyan iaʹ nantaʹ ikoʹ, ngan ngihen neng tuyen. Pegayeng ne neng gayeng iaʹ ke madut dulu palaʹ katuk Denga Injil, ngan pesukung ne gayeng iaʹ tulat coʹ.

PILIMUN 1:1

Cen Paulus, ca kelunan iaʹ sihoʹ sepin ban tuman Keristus Yesus, ngan pekina pe cen cenganak le Timutius: Palaʹ cenganak meʹ Pilimun iaʹ kuaʹ gayeng ngan meʹ,

IBERANI 3:6

Un sepuʹo Keristus iaʹ semamet ngkang amin Allah koʹ baʹan Anak iaʹ pengebioʹ amin ina. Ilu kelunan diaʹ pengamin ne, sukun ilu lemuto tangen ngan lemuto nina iaʹ ilu nebelum ke nuyan ʹo.

PUYAN LUHA’ 2:1

Un dau Yesus laʹa: “Nyurat ne me iaʹ tuʹa Mpun kaʹ lepoʹ Ipesus: “Ini ne dau tiraʹ cen Laki iaʹ ngkang tujoʹ betuʹen neng ujoʹ taʹu ue, iaʹ masat kahang tujoʹ teken peritaʹ mat ina.