LUKAS 10:16 - Kenyah New Testament

¹⁶ Un dau Yesus neng diaʹ bayaʹ katuk ke pelaʹa: “Aheʹ iaʹ ngeringa dau hem, ia lete ngeringa dau heʹ. Ngan aheʹ iaʹ muau ikem, ia lete iaʹ muau akeʹ. Ngan aheʹ iaʹ muau akeʹ, ia lete iaʹ muau ia iaʹ cuk akeʹ nai.”

LUKAS 10:16 Iomraidhean Croise

MATIUS 10:40

“Aheʹ iaʹ alaʹ ikem ngan selama dau, atek ke alaʹ akeʹ lete ngan selama dau. Ngan aheʹ iaʹ alaʹ akeʹ ngan selama dau, atek kelunan ina ke alaʹ ia iaʹ cuk akeʹ lete.

MATIUS 18:5

Ngan aheʹ iaʹ ke nyelama alaʹ ca anak koʹ baʹan ini are dalem ngadan nceʹ, ia lete iaʹ nyelama alaʹ akeʹ.”

MARKUS 9:37

“Aheʹ iaʹ ke alaʹ ca anak dumit koʹ baʹan ini are ngan selama dalem ngadan nceʹ, seʹ e ke alaʹ akeʹ ngan selama lete ina. Ngan laʹa aheʹ iaʹ alaʹ akeʹ ngan selama, seʹ e ke alaʹ ngan nyelama ia iaʹ cuk akeʹ nai ina lete pe. Abeʹ e bang akeʹ tengen le.”

LUKAS 9:48

Mentung dau ue neng ida: “Aheʹ iaʹ alaʹ anak ini moʹ tuman akeʹ, ia lete iaʹ alaʹ akeʹ, ngan aheʹ iaʹ alaʹ akeʹ, ia lete iaʹ alaʹ ia iaʹ cuk akeʹ. Moʹ aheʹ iaʹ ke ngelibaʹ ngadan ne moʹ o ke petubo ikem mung, ia lete iaʹ pengebioʹ kem ʹo.”

YAYA 12:44

Kun Yesus pisiu ngan bioʹ dau ue: “Aheʹ iaʹ ngelan neng akeʹ, abeʹ un ne ngelan neng akeʹ tuaʹ le, un sepuʹo ngelan lete neng ia iaʹ cuk akeʹ nai ne.

YAYA 12:48

Aheʹ iaʹ nyekang akeʹ ngan abeʹ un alaʹ dau katuk keʹ, un lete ca iaʹ ke metep ukum neng ia. Isiu iaʹ akeʹ lepa badaʹ, ina iaʹ ke metep ukum neng ia tegoʹ tau iaʹ ke bayaʹ ʹo.

YAYA 13:20

Lan dau heʹ mikem, aheʹ diaʹ alaʹ lawa heʹ, atek de alaʹ akeʹ lete. Aheʹ diaʹ alaʹ akeʹ, atek de alaʹ ia iaʹ cuk akeʹ nai lete.”

PEMUYAN 5:4

Moʹ kena hoʹ ke pebeli ie, anun ncoʹ tengen lete. Lepa ne ikoʹ pebeli ie ʹo, ina beli ie dalem ikoʹ lepe. Moʹ inu hoʹ ban metep kimet ini kedalem penawai hoʹ tupe? Abeʹ seʹ koʹ lemalo neng kelunan, un sepuʹo seʹ koʹ lemalo Allah.”

GALATIA 4:14

Un sepuʹo dalau ina abeʹ kem sigut akeʹ ngan nyekang akeʹ, naʹ pe sakit ceʹ ngkin ca pengeten iaʹ bioʹ palaʹ ikem. Di lareʹ kun ncem nyelama alaʹ akeʹ koʹ baʹan neng ca melikat Tuhan are. Kun ncem nyelama akeʹ koʹ baʹan seʹ kem nyelama Keristus are.

1 TESALUNIKA 4:8

Tuman ina, aheʹ iaʹ ke nyekang katuk ini, abeʹ e nyekang kelunan, un sepuʹo ia nyekang Allah iaʹ naʹ Berua ha mikem, iaʹ ina Berua Buheʹ.