LUKAS 10:11 - Kenyah New Testament

¹¹ ‘Abeʹ un ca inu iaʹ ukoʹ meʹ ke pebulung ngan ncem, pabeʹ abu lepoʹ kem iaʹ nyalit neng taket meʹ ini, ameʹ ke lemasa naʹ kaʹ ikem. Ayen ncem lingu, ban puyan pengaren Allah lepa nai ngenyeng ikem.’

LUKAS 10:11 Iomraidhean Croise

MATIUS 10:14

Buk un ca amin, buk are ca lepoʹ pe, iaʹ abeʹ un selama diseʹ de ke alaʹ ngan pejakaʹ ikem, ngan abeʹ un ubaʹ ke ngeringa dau isiu hem, tiga hem mecin lepoʹ ina ngan nekaʹ abu cen taket cem, idi re ke tisen seʹ ban nte abeʹ un dapit neng ikem.

MATIUS 10:7

Tai ne ikem ngan badaʹ denga ngan pekini dau hem: ‘Un nyeng ne puyan pengaren Allah ke ngaren ilu kelunan,’

MATIUS 3:2

Un dau Yaya: “Nyepuleʹ ne kimet cem cen penyalaʹ kem. Abeʹ e majan laʹa kenai luhaʹ ne puyan pengaren Tuhan Allah ke ngaren ilu kelunan.”

MARKUS 6:11

Buk kem tai nyabeʹ ca lepoʹ diaʹ are ubaʹ alaʹ ikem, ngan abeʹ de ubaʹ ngeringa dau isiu hem, tiga hem mecin lepoʹ ina, ngan nekaʹ abu cen taket cem, idi re ke tisen seʹ ban nte abeʹ un dapit neng ikem.”

LUKAS 10:10

“Midan midan ncem tai nyabeʹ ca lepoʹ iaʹ abeʹ un nyelama alaʹ ikem, tai ne ikem kaʹ janan ngalang lepoʹ ina, ngan pekini dau hem:

LUKAS 10:9

ngan paget diaʹ sakit kaʹ lepoʹ ina, mentung badaʹ mida: ‘Puyan pengaren Allah lepa nai ngenyeng ikem.’

LUKAS 9:5

Buk kempi dulu diaʹ abeʹ un alaʹ dau hem. Mecin ne lepoʹ ina, ngan nekaʹ abu cen taket cem, idi re ke tisen seʹ ban nte abeʹ un dapit neng ikem.”

PEMUYAN 13:26

Sulo dau Paulus laʹa: “Ahaʹ amai, ngan cenganak, tepat diaʹ kini mung, ikem diaʹ su mela Ibrahim, ngan mung ngkem diaʹ ca diaʹ tunuk palaʹ Allah, ban palaʹ tepat mung kenai denga katuk neng puyan iaʹ ke pudip kelunan dalem Tuhan ne.

PEMUYAN 13:40

Ina ukoʹ petawai tiga le ikem, malap ketai nuyan koʹ baʹan iaʹ lepa un dalem Kitap Pegawa are iaʹ pekini dau:

PEMUYAN 13:46

Un Paulus ngan Barnabas makang kuʹo ke dau re dua pisiu. Kun dau re dua: “Tekep ne ameʹ nekena badaʹ tiraʹ Allah ini mikem. Un sepuʹo ikem nyekang tiraʹ Allah. Dalem puyan ina, seʹ kem ubaʹ ngukum usa hem tengen ne ina. Tepa ne ikem neng udip saheʹ keline iaʹ ngeriman. Ina iaʹ ukoʹ meʹ lepo ikem. Tai kun meʹ palaʹ dulu diaʹ tahaʹ awang Yahudi.

PEMUYAN 13:51

Kun nte dua lawa Injil dina nekaʹ abu taket de, uyan ca tedanaʹ neng lepoʹ ina, penco tai re kaʹ lepo Ikunium.

RUM 10:21

Un sepuʹo dau tiraʹ Allah neng lepoʹ Israil, kun Yesaya penco ho, un dau ue: “Utung tau heʹ mencai ujoʹ keʹ palaʹ ca lepoʹ iaʹ muau, ngan iaʹ pesakat ngan nceʹ.”

RUM 10:8

Pekini iaʹ baʹan dau surat ina ne: “Nyeng le katuk Allah kata ikem, un neng paʹ kem, un pe kedalem penawai hem.” Pekina lete dau katuk neng pengelan iaʹ ameʹ pedenga ini.

IBERANI 1:3

Ia iaʹ nyerema serema peniga Allah lete. Ia iaʹ seleket uban peluhaʹ layen Allah lan, ngan ia lete iaʹ ngkang mung inu kusun langit ngan tanaʹ man isiu nyingan ne. Lepa ha uyan puheʹ man muheʹ penyalaʹ kelunan, sulo ho madung kaʹ surga tahaʹ taʹu Allah iaʹ atek Bioʹ Nyingan.