LUKAS 1:68 - Kenyah New Testament

⁶⁸ “Tiga le pempau Tuhan iaʹ Allah lepoʹ Israil, moʹ o ban nai mepo diaʹ anun ne, ngan nakau ida cen keta re.

LUKAS 1:68 Iomraidhean Croise

LUKAS 1:71

Kun dau re: Allah patek ke pudip ilu cen ketoʹ puyan ayau le, pekina pe cen penyukat mung diaʹ miʹi neng ilu.

LUKAS 19:44

Ida ke lemasi hoʹ, pa hoʹ salai peging ngan kelunan diaʹ tahaʹ dalem kerahan ncoʹ. Pabeʹ ca batu pe abeʹ un tekuduk dalem ikoʹ oʹ, uban ncoʹ abeʹ un putuk jakaʹ kenai Allah ngkin udip mikoʹ.”

LUKAS 2:38

Lepa Simiun pisiu ngan Yusup de dua, dalau ina kenai Ana badaʹ tiga saheʹ e palaʹ Allah. Penco ho badaʹ anak ina palaʹ mung dulu diaʹ mengaʹ kenai Allah ke nakau lepoʹ Yerusalim cen keta re.

LUKAS 24:21

Cen kena un kaʹ tebelum meʹ ia iaʹ ke nakau lepoʹ Israil cen mung jaʹat de. Un sepuʹo tau ini ne tai sukung ketelu tau ue cen ʹo puyan ina.

LUKAS 7:16

Salam ngan takut ne ketoʹ de mung, penco re pempau Allah, un dau re: “Ini ca pegawa iaʹ atek bioʹ nai luhaʹ kahang ilu.” Ngan: “Seʹ kenai Allah keniga udip ilu diaʹ anun ne.”

IPESUS 1:3

Tiga le mung nyuaʹ tiga saheʹ palaʹ Allah iaʹ Amai Tuhan le Yesus Keristus. Moʹ lepa ne Allah naʹ peniga milu, dalem puyan le pebeka tawai dalem Keristus, mentung nge naʹ mung naʹan pengencai udip berua le kaʹ surga.

IPESUS 1:7

Kuʹun musa dahaʹ Keristus, ia pawang ilu tai pesau cen iaʹ jaʹat, moʹ un pebeka tawai le dalem me. Pekina pe penyalaʹ le pesau kuʹun patai ie.

IBERANI 9:12

Tegoʹ Keristus tai kaʹ dalem luncung palan are, penco tai ie kaʹ dalem neng kukoʹ iaʹ Pengekuʹo Buheʹ bang ca liwai tuaʹ le. Abeʹ e ngkin dahaʹ kading ngan dahaʹ anak sapi nuyan pencai liwa ha. Un sepuʹo ia ngkin dahaʹ a tengen, man ne alaʹ milu puyan iaʹ pudip ilu neng udip saheʹ kelineʹ iaʹ ngeriman.

1 PETERUS 1:3

Nyuaʹ ne tiga saheʹ palaʹ Allah, Amai Tuhan le Yesus Keristus. Moʹ bioʹ ban pengelesau ue nganak ilu neng ca udip mading, kuʹun puyan ne iaʹ pudip Yesus Keristus cen patai ie. Dalem diaʹ pekina, un tebelum iaʹ mudip neng ilu.