LUKAS 1:6 - Kenyah New Testament

⁶ Un nte dua dina kuaʹ teneng puyan pengudip de kata Allah. Tudep lan seʹ de dua bayaʹ mung katuk ukum ngan adet Tuhan.

LUKAS 1:6 Iomraidhean Croise

LUKAS 1:7

Un ʹo abeʹ de dua un anak, moʹ Ilisabet ne lua, un pelaʹa kaya laleʹ ne ida dua.

LUKAS 16:15

Kun Yesus neng ida: “Mencam seʹ kem uyan diseʹ puyan ncem tai teneng kata taʹat kelunan, un sepuʹo Allah, ia tisen mung seʹ dalem kimet cem. Moʹ un iaʹ pelapa tiga dalem penaʹat kelunan, kuaʹ koʹ baʹan ca nek kata penaʹat Allah.

LUKAS 2:25

Dalem lepoʹ Yerusalim ne, un ca laki ngadan ne Simiun. Ca laki iaʹ teneng ngan temek bayaʹ Adet Allah, mentung nge mengaʹ kenai iaʹ Keniga Udip lepoʹ Israil. Un Berua Buheʹ neng ia.

PEMUYAN 2:25

Un dau Daut badaʹ neng Yesus, pekini dau ue: ‘Akeʹ lemuto taʹan Tuhan kata akeʹ, moʹ Tuhan un tahaʹ taʹu akeʹ, apan abeʹ un inu iaʹ ke ngeliung tawai heʹ.

PEMUYAN 23:1

Kun Paulus nekeneng naʹat Mpun diaʹ Lataʹ dina, kun dau ue: “Ahaʹ amai, ngan cenganak keʹ mung, akeʹ ne mudip neng juma Allah peging dema tekaʹ kimet penawai heʹ pa abeʹ tau ini ne.”

PEMUYAN 24:16

Dalem mung puyan ina are, ina nengayet tekaʹ keʹ apan lemuto un dema tekaʹ kimet penawai neng juma Allah, pekina pe neng juma kelunan.”

PEMUYAN 8:21

Abeʹ anun ncoʹ ne sihoʹ dalem gayeng ini, moʹ kimet coʹ abeʹ e telit dalem penaʹat Tuhan Allah.

RUM 8:4

Pekina puyan Allah, apan tai dengkep ne mung peneneng Katuk Adet, moʹ abeʹ le mudip bayaʹ penyaheʹ usa kelunan laʹa, di lareʹ ilu mudip bayaʹ dau Berua Tuhan.

1 KURINTUS 11:2

Akeʹ pada te ikem moʹ kem petawai akeʹ lemuto, ngan bayaʹ dau katuk iaʹ akeʹ ban naʹ mikem are.

2 KURINTUS 1:12

Ini iaʹ ukoʹ meʹ selum tekaʹ: uban un tekaʹ dalem penawai meʹ iaʹ pedengkep ameʹ neng uban pengudip meʹ kusun tanaʹ ini, ngan iaʹ atek dau meʹ, ina ne puyan meʹ pepanak ngan ncem. Allah iaʹ ban ngaren puyan ina uban ia iaʹ naʹ mameʹ tempa kimet ngan dema tawai, kuʹun ban penyukat pengelesau ue. Abeʹ e kuʹun ban pengencam kimet le kelunan ne.

PILIPI 2:15

apan abeʹ un ukoʹ dulu ke pesalaʹ ikem ʹo. Idi hem buheʹ ke nuyan anak Allah iaʹ abeʹ un penginteʹ ngajan ncem mudip neng ahang lepoʹ diaʹ kileng, diaʹ piwaʹ neng iaʹ jaʹat. Ikem ne kedema neng ahang ida koʹ baʹan betuʹen iaʹ ngedema kusun tanaʹ iaʹ mentem ini,

KULUSE 1:22

Un sepuʹo naʹkini, kuʹun Anak ke iaʹ matai neng usun kayu tecek, Allah lepa uyan ikem diaʹ cenganak ke, apan ne ke ngkin ikem nai ngejuma ia, koʹ baʹan kelunan diaʹ buheʹ, dema kimet, ngan abeʹ un ca penginteʹ.

1 TESALUNIKA 3:13

Ngan janan ini Tuhan ke nyalet penawai hem, ngan ikem ke nuyan iaʹ daʹam dalem udip buheʹ neng juma Allah iaʹ Amai Bioʹ le, tegoʹ Tuhan le Yesus ke kenai luhaʹ ngan mung kelunan diaʹ ban anun ne.

2 PETERUS 3:14

Moʹ ina cenganak diaʹ akeʹ malaʹ, ngajan ncem ke pekena puyan Tau ina, nengayet ne ikem mudip neng puyan udip iaʹ buheʹ ngan iaʹ abeʹ un penginteʹ neng penaʹat Allah, ngan pekina pe uyan tekaʹ pengetadan udip ngan ne.

1 YAYA 2:29

Tisen te ikem uban Keristus iaʹ atek teneng. Ina ukoʹ tekep lete ikem ke ngetisen ne, ban mung diaʹ nemek uyan teneng, ida diaʹ anak Allah.

1 YAYA 2:3

Buk le tudep bayaʹ katuk ukum Allah, abeʹ le kawaʹ tekaʹ ngetisen ban le tisen lan neng ia.

1 YAYA 3:7

Ikem diaʹ anak keʹ, ayen buhaʹ kelunan mele aheʹ pe ke pelingu ikem. Aheʹ iaʹ ti puyan iaʹ teneng, ia te iaʹ teneng koʹ baʹan Keristus iaʹ teneng lete.