LUKAS 1:19 - Kenyah New Testament

¹⁹ Un dau melikat ina mipa ia: “Akeʹ ini Gibrail. Akeʹ iaʹ nekejeng nyeripa Allah, ngan akeʹ iaʹ Allah cuk nai pisiu ikoʹ, ngan nai badaʹ denga puyan tiga ini.

LUKAS 1:19 Iomraidhean Croise

MATIUS 18:10

“Ngimet tiga le, ayen ncem peletoʹ ke panyi neng ca anak iaʹ dumit dini. Lan dau heʹ badaʹ mikem, melikat de lemuto un kaʹ juma Amai heʹ kaʹ surga. [

LUKAS 1:20

Un sepuʹo abeʹ koʹ ngelan dau tiraʹ keʹ. Cen naʹkini, ameng ne ikoʹ ʹo, pa ketai ie palup dau tiraʹ iaʹ akeʹ ban badaʹ mikoʹ ʹo re. Mung tiraʹ keʹ ne tai palup lete, tegoʹ o ketai abeʹ neng tuket te ʹo.”

LUKAS 1:26

Tai ie sihoʹ nem bulan majan temaleʹ Ilisabet ne, kun Tuhan Allah cuk melikat Gibrail tai neng ca lepoʹ kaʹ tanaʹ Galilia, ngadan lepoʹ ina Nasarit.

LUKAS 2:10

Di lareʹ dau melikat ina neng ida: “Ayen ncem bisau, kenai heʹ ngkin denga tiga mikem ini, iaʹ ke ngkin bangen bioʹ me mung kelunan ʹo.

LUKAS 21:36

Lemuto hem ke jagaʹ ngan lemameʹ, apan ncem un penyalet ceng dadoʹ jatan puyan taru dini, ngan ke jeng salet nyeripa Anak Sio ʹo.”

IBERANI 4:14

Tuman ina, tekep le ngkang pali neng pengelan iaʹ ilu penco ini. Moʹ ilu un ca laki Pengebioʹ Detaʹu le. Atek bioʹ pe ia, ngan lepa ha tai kedalem kukoʹ kata Allah kaʹ surga. Yesus, Anak Allah ne ia.