LUKAS 1:13 - Kenyah New Testament

¹³ Di lareʹ un dau melikat ina neng ia: “Ayen bisau Sakaria, moʹ lepa ne Allah kenahan dau temameʹ koʹ. Un leto hoʹ Ilisabet ne, ke nganak ke ca anak laki mikoʹ ʹo. Tiga hoʹ uyan ngadan ne Yaya ʹo.

LUKAS 1:13 Iomraidhean Croise

MATIUS 1:21

Mariam ke nganak ca anak laki, ngan tiga hoʹ uyan ngadan ne Yesus, uban ia ne kenai nakau diaʹ anun ne cen penyalaʹ de.”

MATIUS 14:27

Ngan nyelarai dau Yesus pisiu ida: “Denaʹ ne tawai hem ading. Akeʹ ini. Ayen ncem takut.”

MATIUS 28:5

Un dau melikat ina neng leto dina: “Ayen ncem takut, ban ne akeʹ tisen ikem nai mita Yesus iaʹ dulu lepa napek neng kayu tecek idai.

MARKUS 16:6

Un dau ue: “Ayen ncem bisau. Akeʹ tisen ikem mita Yesus lepoʹ Nasarit iaʹ dulu lepa napek kaʹ kayu tecek idai are. Abeʹ e un kini. Lepa ne Tuhan meteʹ ia. Naʹat seʹ ban kukoʹ dulu peken ia.

LUKAS 1:14

Ia iaʹ ke pebangan tawai hem, ngan ngkin tiga saheʹ mikem dua. Pekina pe kadoʹ dulu diaʹ ke bangen neng kenai ie luhaʹ ʹo.

LUKAS 1:30

Un dau melikat ina neng Mariam: “Ayen ncoʹ bisau diseʹ Mariam, moʹ Allah iaʹ ban malaʹ ikoʹ.

LUKAS 2:21

Neng ke aya tau ue, dulu uyan adet sunat me anak ina. Yesus, ngadan ne kuʹun nte. Ina ngadan iaʹ melikat ban naʹ mia kena ha kenai ngeluʹung kedalem batek ueʹ e are.

PEMUYAN 10:31

Un dau ue neng akeʹ: ‘Kurnilius, lepa ne Tuhan Allah kenahan dau temameʹ koʹ, ngan ia petawai ban pengencai hoʹ me diaʹ taru mudip.