LUKAS 1:1 - Kenyah New Testament

¹ Surat katu me Tiupilus, paren meʹ: Kadoʹ dulu ban nyurat pa mpi penisen nte, neng puyan iaʹ ban nuyan lan neng ahang ilu.

LUKAS 1:1 Iomraidhean Croise

MARKUS 16:20

Sulo tai diaʹ bayaʹ katuk ke penco badaʹ denga Injil mele kempi kempi ketai re. Mentung Tuhan iaʹ pegayeng ngan nte, peluhaʹ puyan nyingan iaʹ nedanaʹ ban katuk de telit.] [

YAYA 20:31

Un sepuʹo dini diaʹ lepa senurat apan ncem ke ngelan Yesus iaʹ atek Keristus iaʹ ngkang pungu udip, ngan iaʹ atek Anak Allah. Ngan kuʹun pengelan ncem ini pe ikem ke alaʹ udip dalem ngadan ne.

RUM 14:5

Un palai dulu diaʹ nekajaʹ tau, diaʹ badaʹ un ta bioʹ. Un pe palai diaʹ badaʹ tau ne pekuaʹ lete mung. Singket usa hem kanan iaʹ mpi iaʹ teneng baʹan tekaʹ kimet cem tengen.

RUM 4:21

Un pelaʹa Ibrahim teto laleʹ le ia ngelan neng Allah iaʹ ban un penyukat ke pabeʹ inu iaʹ ia ban petuket ina.

KULUSE 2:2

Un pe akeʹ ti pekina apan kimet de tai sangan kuʹun tempa, ngan apan nte senteng tai pebulung neng ca le pengemalaʹ de, mentung nte ngelan ngan tekaʹ keluʹung kimet de iaʹ pesente palaʹ tentan katuk telit ina. Cen diaʹ pekina ne ida ketai tisen katuk Allah iaʹ linget ina, iaʹ ina Keristus tengen.

KULUSE 4:12

Pekina pe Ipapras, ca usa diaʹ anun ncem, ngan iaʹ ulaʹ Yesus Keristus, badaʹ tiga saheʹ e palaʹ ikem. Ngan sanget seʹ e lemuto lemameʹ palaʹ Allah apan ncem ke salet dalem pengelan ncem, ngan dengkep puyan ncem, ngan penisen ncem ke sukung, mentung ngkem ke tunuk palaʹ Allah ngan toʹ tekaʹ libaʹ tawai hem bayaʹ pengubaʹ a.

1 TESALUNIKA 1:5

Ban ne ameʹ nai ngkin Denga Injil ina palaʹ ikem cenganak, abeʹ e man isiu tuaʹ le, un sepuʹo man puyan nyingan ngan puyan Berua Buheʹ, ngan kimet iaʹ abeʹ un, babak neng penelit te. Tisen te ikem kumpin seʹ pengudip meʹ dalau meʹ un ngan ncem are. Bang nuyan peniga me ikem tengen le ina.

1 TIMUTIUS 3:16

Abeʹ un aheʹ iaʹ senteng nyepati ban bioʹ laleʹ sen udip Keristin. Ia ne: Yesus iaʹ lepa nai luhaʹ dalem layen usa kelunan. Berua Tuhan iaʹ peluhaʹ ia atek teneng. Ngan melikat pe taʹan ia. Denga ha tai libut me mung lepoʹ. Libut usun tanaʹ ini kelunan ngelan ia. Dalem serema peniga, tai ie pejung kaʹ surga.

2 TIMUTIUS 4:17

Naʹ pia pekina, Tuhan iaʹ un ngan nceʹ, ia iaʹ ngepali akeʹ apan nceʹ sukat pedenga Denga Injil kenahan mung dulu diaʹ tahaʹ awang Yahudi, ngan Tuhan iaʹ ban sau akeʹ cen paʹ lencau ina.

IBERANI 10:22

Ina ukoʹ tiga le nai ngejuma Allah man kimet iaʹ sebelang, ngan pengelan iaʹ salet, mentung ngan kimet iaʹ lepa buheʹ cen tekaʹ penawai iaʹ dengkep neng penyalaʹ cen kena are. Un pe usa le lepa ntoʹ kuʹun sungai buheʹ.

IBERANI 6:11

Bioʹ tekaʹ pengubaʹ meʹ ubaʹ singket usa hem lemuto sanget pa ketai kuʹo udip ini, apan puyan iaʹ ikem nebelum atek ke nuyan mikem ʹo.