1 PETERUS 4:3 - Kenyah New Testament

³ Moʹ sukat majan ne ikem lepa penco pemuyan adet dulu diaʹ muau Tuhan, udip kem dalau hem ban mudip dalem puyan pemung nyelem, ngan asam pengubaʹ usa, mabuk, ngan penta neng iaʹ jaʹat, ngan betisep, ngan ngelan palaʹ uyat.

1 PETERUS 4:3 Iomraidhean Croise

MARKUS 7:22

petaro, pekaseng inu dulu, ngan uyan kadoʹ naʹan puyan jaʹat laʹa, koʹ baʹan palo, adet jameng, miʹet, isiu pejaʹat kelunan, puyan balang tawai, ngan paseʹ.

PEMUYAN 17:30

Toʹ ngajan kelunan turan mudip are, abeʹ Allah un situk kidi. Un sepuʹo, naʹkini Allah cuk mung kelunan kempi kempi ke nesen ngan nyepuleʹ kimet de cen puyan jaʹat de.

RUM 13:13

Peteneng ne penyaheʹ le bayaʹ iaʹ tekep neng ilu diaʹ mudip dema koʹ baʹan naʹ tau are: abeʹ un amak ngan mabuk: abeʹ un pemung nyelem ngan selabu: abeʹ un ketiʹet ngan pekenca ne laʹa.

1 KURINTUS 12:2

Tisen te ikem dalau hem un adet puʹun are, un bali uyat iaʹ ameng iaʹ lemuto pedancun ikem.

1 KURINTUS 6:11

Cen naʹaʹ un palai neng ahang ikem diaʹ pekina puyan nte, un sepuʹo lepa ne Allah muheʹ ikem cen penyalaʹ, ngan ia iaʹ lepa nengen ikem neng iaʹ buheʹ, ngan ia iaʹ peteneng ikem ngan ne kuʹun pemuyan Tuhan Yesus Keristus, ngan pemuyan Berua Tuhan iaʹ un ilu.

2 KURINTUS 12:21

Akeʹ malap tekaʹ selu tegoʹ kenai heʹ ca liwai laʹa masaʹ Tuhan Allah heʹ ke ngelibaʹ akeʹ neng juma ikem, pa heʹ ke nange tuman kelunan kadoʹ diaʹ uyan penyalaʹ cen kena, ngan abeʹ lepe ida nyepuleʹ kimet de cen puyan jameng nte, ngan puyan pemung nyelem, ngan puyan selabu iaʹ ida malai uyan are.

GALATIA 5:19

Pemuyan penyaheʹ usa kelunan ina lepe luhaʹ dalem puyan pemung nyelem, puyan jameng, ngan puyan selabu,

GALATIA 5:21

Pekina pe ida miʹi, mabuk, tutun, ngan naʹan naʹan diaʹ pekina. Akeʹ ke pejagaʹ dau mikem naʹkini, koʹ baʹan nceʹ lepa pejagaʹ dau mikem cen naʹaʹ are, iaʹ ina: mung kelunan diaʹ uyan puyan dini, abeʹ de ke kahum neng puyan pengaren Allah.

IPESUS 5:18

Ayen ncem mabuk telang jakan iaʹ ke ngejaʹat ikem, di lareʹ tiga hem tai sangan kuʹun Berua Tuhan.

1 TESALUNIKA 4:5

Abeʹ e ngan kaseng kimet iaʹ ubaʹ neng jaʹat, koʹ baʹan kelunan diaʹ abeʹ un ngelan ngan abeʹ un tisen Allah lepe.

TITUS 3:3

Ban ne cen naʹaʹ are, ilu lete iaʹ apaʹ, ngan iaʹ muau dau, ngan mampin puyan iaʹ salaʹ. Ilu lepa ngulaʹ usa le palaʹ asam pengubaʹ le, ngan puyan piat naʹan naʹan bareng. Ngan ilu lepa ban mudip dalem puyan paseʹ, ngan peketiʹet. Ngan kadoʹ dulu miʹi neng ilu, pekina pe ilu miʹi neng dulu.

1 PETERUS 1:14

Tiga hem tunuk bayaʹ dau Allah. Ayen bayaʹ layen asam pengubaʹ usa hem iaʹ cen naʹaʹ, dalau hem ban turan are.

YAHUDA 1:4

Un palai kelunan diaʹ muau, diaʹ ban nyelem nai ngedalau ilu. Ida diaʹ pekaliu katuk pengelesau Allah apan nte un ukan neng pemuyan selabu re, penco re nyekang Yesus Keristus. Ia tengen iaʹ Paren le ngan Tuʹa le. Cen naʹaʹ ne Kitap Allah lepa badaʹ ukum iaʹ ke nantaʹ kelunan dina ʹo.