1 PETERUS 1:3 - Kenyah New Testament

³ Nyuaʹ ne tiga saheʹ palaʹ Allah, Amai Tuhan le Yesus Keristus. Moʹ bioʹ ban pengelesau ue nganak ilu neng ca udip mading, kuʹun puyan ne iaʹ pudip Yesus Keristus cen patai ie. Dalem diaʹ pekina, un tebelum iaʹ mudip neng ilu.

1 PETERUS 1:3 Iomraidhean Croise

YAYA 1:13

Abeʹ de tai nuyan diaʹ anak Allah koʹ baʹan kelayen kelunan are, koʹ baʹan puyan le tading anak kuʹun iaʹ tuʹa le; bang Allah tengen iaʹ Amai re.

RUM 12:12

Tiga pe ikem bangen lemuto kuʹun tebelum ngkem. Pedenaʹ tawai hem dalem penaru, ngan ayen beto lemameʹ.

RUM 15:13

Awaʹ pe Allah iaʹ puʹun tebelum ina ke nyangan mung bangen ngan udip iaʹ tadan neng ikem, moʹ kuʹun pengelan ncem neng ia. Idi tebelum ngkem ketai un pit un pit pengali ie moʹ kuʹun penyukat Berua Buheʹ ne.

RUM 4:25

Yesus ne iaʹ Allah ban mencai tai matai tuman penyalaʹ le kelunan, ngan pudip ia neng ca udip iaʹ tumpak laʹa, apan ne ke peteneng ilu tai teneng ngan Allah.

RUM 5:10

Lan pe ilu ban bunoʹ Allah ading nte are, un nuʹo Allah uyan udip ilu kuʹun ban patai Anak ke ne. Naʹkini pelaʹa, uʹo ho uyan udip ina, pali kuʹo ke udip Keristus ke pudip ilu, moʹ o mudip dalem ilu.

RUM 8:11

Buk Berua Allah iaʹ ban pudip Yesus cen patai ie un mudip dalem usa hem, ia iaʹ pudip Keristus ne, ia te iaʹ ke pudip usa hem iaʹ laho ke salai ini. Puyan ina Allah uyan man Berua ha iaʹ mudip dalem ikem.

RUM 8:24

Moʹ kuʹun tebelum le, ilu un udip iaʹ pudip ilu dalem Tuhan. Un sepuʹo buk lepa ne ilu alaʹ iaʹ ilu nebelum, abeʹ un tebelum kidi laʹa. Moʹ aheʹ diaʹ caʹ nebelum neng inu iaʹ ia lepa alaʹ tupe?

1 KURINTUS 13:13

Cen kena ne diaʹ telu naʹan dini paget un, iaʹ ina pengelan, tebelum, ngan malaʹ, un sepuʹo iaʹ atek bioʹ mida, ia ne malaʹ.

1 KURINTUS 15:20

Di lareʹ lan lete Keristus lepa beteʹ cen patai, nuyan kedatung neng tuket Allah iaʹ ke beteʹ mung kelunan iaʹ luntoʹ dalem patai.

2 KURINTUS 1:3

Tekep le nyuaʹ tiga saheʹ palaʹ Allah, iaʹ Allah ngan Amai Tuhan le Yesus Keristus. Iaʹ ina Amai iaʹ bioʹ pengelesau, iaʹ atek Allah iaʹ puʹun mung peniga, iaʹ ke petangen ilu.

GALATIA 6:16

Ngan aheʹ kelunan diaʹ mudip kuʹun puyan ini, akeʹ nyat palaʹ Allah apan ne naʹ udip iaʹ tadan ngan pengelesau mida. Ida diaʹ anun Allah.

IPESUS 1:17

Kun nceʹ nyat neng Allah, iaʹ Allah Tuhan le Yesus Keristus, Amai iaʹ atek puʹun serema peniga, cuk ia naʹ Berua Buheʹ iaʹ ke naʹ penudi mikem, iaʹ ke peluhaʹ Allah, idi hem tai tisen ia.

IPESUS 1:3

Tiga le mung nyuaʹ tiga saheʹ palaʹ Allah iaʹ Amai Tuhan le Yesus Keristus. Moʹ lepa ne Allah naʹ peniga milu, dalem puyan le pebeka tawai dalem Keristus, mentung nge naʹ mung naʹan pengencai udip berua le kaʹ surga.

IPESUS 1:7

Kuʹun musa dahaʹ Keristus, ia pawang ilu tai pesau cen iaʹ jaʹat, moʹ un pebeka tawai le dalem me. Pekina pe penyalaʹ le pesau kuʹun patai ie.

IPESUS 2:4

Un sepuʹo bioʹ laleʹ pengelesau Allah, ngan bioʹ laleʹ pengemalaʹ a neng ilu,

IPESUS 3:20

Palaʹ Allah ketai tapi saheʹ le, moʹ sukat Allah uyan mung inu iaʹ lapa neng ʹo pengenyat le, buk are neng ata kimet le pe, bayaʹ penyukat iaʹ un pegayeng kedalem ilu.

KULUSE 1:23

Tuman ina, tekep lete ikem penco tudep neng usun tentan iaʹ salet ina. Ngan ayen ncem pedayo dulu ke ngala ikem neng tebelum ngkem iaʹ ikem lepa alaʹ tegoʹ kem kenahan neng tebelum ngkem iaʹ ikem lepa alaʹ tegoʹ kem kenahan dau Denga Injil ina are. Akeʹ ne Paulus iaʹ lepa tai nuyan ulaʹ ban tuman Denga Injil ina, iaʹ ina Denga Injil iaʹ lepa ban pedenga palaʹ kelunan kusun tanaʹ ini.

KULUSE 1:27

Sedep Allah, iaʹ ina apan katuk ke iaʹ linget ina kenai luhaʹ palaʹ diaʹ anun ne. Allah lepa petenup katuk linget, iaʹ sangan kuʹun serema peniga ina, me mung lepoʹ kusun tanaʹ. Katuk linget ina, iaʹ ina Keristus mudip dalem ikem; iaʹ sen ne, ikem nebelum ke un tulat neng serema peniga Allah.

1 TESALUNIKA 1:3

Ban ne dalau meʹ lemameʹ palaʹ Amai le Tuhan Allah, ameʹ petawai kumpin tangen seʹ pengelan ncem singket tau, ngan pekina pe tangen seʹ kem pegayeng tuman pengelesau hem, ngan pekina pe kumpin salet seʹ tebelum ngkem neng Yesus Keristus le.

1 TESALUNIKA 4:13

Ahaʹ cenganak cenganak, ameʹ ubaʹ ikem ke ngetisen iaʹ lan ne neng puyan ida diaʹ lepa matai, apan ncem abeʹ un jaʹat tawai koʹ baʹan puyan kelunan diaʹ abeʹ un tebelum are.

2 TESALUNIKA 2:16

Awaʹ pe Tuhan le Yesus Keristus tengen, ngan Allah iaʹ Amai le iaʹ ban malaʹ ilu, ngan dalem pengelesau ue ia ban naʹ tangen iaʹ ke ngeriman, ngan ca tebelum iaʹ tiga milu.

1 TIMUTIUS 1:14

Sulo kun Tuhan le naʹ pengelesau ue iaʹ pasak bioʹina makeʹ, peging pengelan ngan pengemalaʹ iaʹ ilu pemung un dalem Keristus Yesus.

TITUS 2:13

Naʹkini ilu pengaʹ kenai Tau Bioʹ, iaʹ ilu nebelum kenai o. Tegoʹ ina ne, serema peniga Allah iaʹ atek bioʹ, iaʹ Keniga Udip le, kenai luhaʹ, iaʹ ina ne Yesus Keristus.

IBERANI 3:6

Un sepuʹo Keristus iaʹ semamet ngkang amin Allah koʹ baʹan Anak iaʹ pengebioʹ amin ina. Ilu kelunan diaʹ pengamin ne, sukun ilu lemuto tangen ngan lemuto nina iaʹ ilu nebelum ke nuyan ʹo.

YAKUP 1:18

Uban kuʹun pengubaʹ a tengen, Allah uyan ilu man puyan tiraʹ iaʹ telit lan, apan ilu ke un ukoʹ iaʹ ading neng ahang mung inu diaʹ ia uyan.

1 PETERUS 1:13

Petenup ne kimet cem, ngan jagaʹ lemuto-uto. Nyalet ne ketoʹ tebelum ngkem neng peniga iaʹ Allah ke naʹ mikem tegoʹ Yesus Keristus kenai luhaʹ ʹo.

1 PETERUS 1:21

Moʹ ban kuʹun Keristus, ikem ngelan neng Allah iaʹ ban pudip ia cen patai, ngan naʹ serema peniga mia. Ina ukoʹ pengelan ncem ngan tebelum ngkem tai dapit palaʹ Allah.

1 PETERUS 1:23

Moʹ lepa ne ikem nai ngeliwet pempet neng ca udip iaʹ mading, abeʹ e cen tuʹa iaʹ ketai salai, di lareʹ cen tuʹa iaʹ abeʹ senteng ketai salai, iaʹ ina tiraʹ Allah iaʹ mudip ngan iaʹ un pa pa majan.

1 PETERUS 2:2

Koʹ baʹan anak bala iaʹ ngebaʹan iteʹ, tiga hem muhang tekaʹ ke ngebaʹan tiraʹ iaʹ seleket telang iteʹ iaʹ buheʹ me berua hem, apan cen puyan ncem nisep ina kenai telancek pengudip kem, idi hem tisen puyan iaʹ ke pudip ikem dalem Tuhan.

1 PETERUS 3:15

Un sepuʹo nyalet ne Keristus dalem penawai hem, iaʹ atek Tuʹa penina hem. Tiga hem tenup lemuto ke mipa me aheʹ aheʹ iaʹ lemutu sen neng tebelum iaʹ un neng ikem.

1 PETERUS 3:21

Man sungai ina le ke alaʹ kata neng puyan batis iaʹ pudip ilu dalem Tuhan naʹkini: sen ne, abeʹ e ntoʹ man le muheʹ sau ano usa le, di lareʹ man tiraʹ le petuket bayaʹ Allah cen tekaʹ kimet dalem penawai le iaʹ tiga. Batis ina iaʹ pudip ikem kuʹun puyan Yesus Keristus ngeliwet mudip cen patai ie,

1 PETERUS 3:5

Moʹ mung leto diaʹ temek bayaʹ Allah cen naʹaʹ, diaʹ un tebelum neng ia, pekina seʹ de keniga diseʹ usa re: iaʹ ina ida tunuk palaʹ laki re tengen.

1 YAYA 2:29

Tisen te ikem uban Keristus iaʹ atek teneng. Ina ukoʹ tekep lete ikem ke ngetisen ne, ban mung diaʹ nemek uyan teneng, ida diaʹ anak Allah.

1 YAYA 3:3

Mung kelunan diaʹ un tebelum ina neng Keristus, ida diaʹ petuk ke buheʹ koʹ baʹan Keristus un buheʹ lete.

1 YAYA 3:9

Aheʹ diaʹ anak Allah, abeʹ de pekutat uyan penyalaʹ uban beneʹ Allah un mudip dalem ida. Abeʹ de senteng pekutat uyan penyalaʹ uban Allah iaʹ atek Tuʹa re.

1 YAYA 4:7

Ahaʹ cenganak keʹ diaʹ akeʹ malaʹ, tiga ne ilu malaʹ ilu semaheʹ, uban puʹun puyan malaʹ un neng Allah. Aheʹ iaʹ malaʹ, ia iaʹ anak Allah, ngan ia te iaʹ tisen Allah.

1 YAYA 5:1

Aheʹ kelunan iaʹ ngelan uban Yesus iaʹ atek Keristus iaʹ man pungu keniga udip, kelunan ina ne iaʹ anak Allah. Ngan aheʹ iaʹ malaʹ neng iaʹ amai, ia ke malaʹ neng iaʹ anak ke lete.

1 YAYA 5:18

Tisen te ilu are, ban abeʹ diaʹ anak Allah pekutat ke ti penyalaʹ, uban Keristus iaʹ Anak Allah mencam pubo ia. Bali Jaʹat abeʹ senteng ngejaʹat ia.

1 YAYA 5:4

Uban mung diaʹ anak Allah senteng pesupeʹ puyan usun tanaʹ ini. Ini iaʹ ukoʹ le un usun neng puyan penyaheʹ usun tanaʹ ini, kuʹun ban pengelan le.