1 PETERUS 1:2 - Kenyah New Testament

² Ban Allah iaʹ Amai Bioʹ tengangan ne lemileʹ ikem bayaʹ ban kimet te, idi hem tai nuyan kelunan buheʹ kuʹun Berua ha, apan ncem tudep bayaʹ dau Yesus Keristus, ngan tai buheʹ kuʹun dahaʹ a. Awaʹ pe pengelesau ue ngan udip iaʹ tadan kenai un pit un pit palaʹ ikem.

1 PETERUS 1:2 Iomraidhean Croise

MATIUS 24:22

Un sepuʹo Tuhan Allah iaʹ ngimet ke ngebuʹet tebuku dalau ina. Buk abeʹ un pekina, atek ca usa kelunan pe abeʹ nyatan ke mudip uʹo. Moʹ tuman kelunan diaʹ anun ne, Tuhan Allah ke ngebuʹet tebuku dalau ina.

MATIUS 24:24

Moʹ kudaʹ kudaʹ Keristus palo, ngan pegawa palo diaʹ kenai luhaʹ ʹo. Ida ke uyan tedanaʹ bulen bioʹ ngan puyan iaʹ ke pesalam dulu tuman ke pelingu kelunan diaʹ Tuhan Allah lepa lemileʹ dini. Seʹ de ten pekina mele re sukat pelingu ida ʹo.

MATIUS 24:31

Tekepip ke nuyau nan tuyau iaʹ bioʹ dau, sulo ho cuk melikat te tai kaʹ singket tikung tanaʹ, ngan kelimpun mung kelunan diaʹ ia lemileʹ cen sada tanaʹ, pa libut usun tanaʹ.”

MARKUS 13:20

Un sepuʹo Tuhan iaʹ ngebuʹet tebuku tau neng idi. Buk abeʹ un pekina, nyahut un ca usa kelunan iaʹ caʹ ke mudip pe laʹa. Ban tuman kelunan diaʹ Tuhan lemileʹ, ina ukoʹ o ngebuʹet tebuku tau ina.

MARKUS 13:22

Ban ne atek kenai lete kudaʹ kudaʹ Keristus palo, ngan pekina pe pegawa palo. Ida ke uyan tedanaʹ bulen, ngan puyan nyingan iaʹ nenganan ke pelingu kelunan iaʹ Allah ban lemileʹ, ina buk de senteng ke pelingu ida.

MARKUS 13:27

Sulo ho ke cuk melikat te tai kaʹ singket tikung tanaʹ ke alaʹ kelunan diaʹ Tuhan allah lepa ban lemileʹ, cen sada tanaʹ pa libut usun tanaʹ ia ke nai ngkin ida pempun.”

LUKAS 18:7

Moʹ abeʹ Allah iaʹ ke peteneng puyan kelunan diaʹ anun ne, diaʹ lemuto lemameʹ neng ia utung tau utung alem ne? Kumpin baʹan ncem, malun kaʹ a kenai mepo ida?

PEMUYAN 15:18

Pekina dau Tuhan ban badaʹ puyan ina cen naʹaʹ are.’ ”

PEMUYAN 2:23

Ban Yesus lete, Allah ban naʹ palaʹ ikem bayaʹ pengubaʹ kimet te, ngan penisen ne tengen. Lepa ne ikem lematai ia, moʹ ikem iaʹ cuk dulu diaʹ pepuk kuʹun penyalaʹ napek ia neng kayu tecek.

PEMUYAN 20:32

Sulo dau Paulus laʹa: “Naʹkini akeʹ pelek kem me Allah iaʹ sukat ke petubo ikem. Akeʹ pelek kem me katuk tiraʹ pengelesau Allah iaʹ sukat ke pedengkep ikem ngan naʹ mikem tulat sioʹ iaʹ Allah petenup ke naʹ me mung kelunan diaʹ anun ne.

RUM 1:5

Moʹ kuʹun Yesus, bioʹ ban pengelesau Allah naʹ gayeng makeʹ ketai ca diaʹ lawa Injil ban tuman Keristus ne. Ina ukoʹ keʹ ke payo kelunan singket lepoʹ ne, ke ngelan Tuhan ngan tudep bayaʹ a.

RUM 1:7

Pekina dau heʹ nyurat me mung ngkem diaʹ kaʹ lepoʹ Rum, diaʹ Allah malaʹ ngan mengin ke nuyan kelunan diaʹ anun ne tengen. Awaʹ pe Allah iaʹ Amai le, ngan Tuhan Yesus Keristus, ke naʹ pengelesau ue ngan udip iaʹ tadan mikem.

RUM 11:2

Abeʹ Allah nyekang ida diaʹ anun ne, iaʹ ban ia lemileʹ cen kena are. Tisen ncem dau Kitap iaʹ badaʹ puyan Ilia, kumpin ne lemameʹ Allah badaʹ penyalaʹ lepoʹ Israil are, kuma ha:

RUM 11:28

Moʹ lepoʹ Yahudi nyekang Denga Injil ina, seʹ de pebunoʹ ngan Allah. Ina iaʹ ngkin ca bang mikem diaʹ tahaʹ awang Yahudi. Un sepuʹo lepa ne Allah lemileʹ lepoʹ Yahudi ina. Seʹ e malaʹ neng ida, moʹ ban kuʹun tepun nte cen naʹaʹ are.

RUM 15:16

Akeʹ iaʹ petubo gayeng Keristus Yesus me lepoʹ diaʹ tahaʹ awang Yahudi. Koʹ baʹan iaʹ detaʹu iaʹ ngkang liwa, pekina kenai heʹ badaʹ Denga Injil Allah, apan dulu diaʹ tahaʹ awang Yahudi ketai nuyan koʹ baʹan ca liwa iaʹ akeʹ mencai me Allah. Pengencai ina sihoʹ neng pengubaʹ Allah kuʹun Berua Buheʹ iaʹ nengen ida neng iaʹ buheʹ.

RUM 16:19

Denga ne ban ncem tudep bayaʹ dau katuk Injil Tuhan libut ne neng ahang dulu mung. Ina iaʹ ukoʹ keʹ saheʹ tekaʹ pekimet ikem. Ubaʹ keʹ ikem ke mencam ngan tudi neng puyan iaʹ tiga, ngan turan ngan buheʹ neng puyan iaʹ jaʹat.

RUM 16:26

Luhaʹ ne katuk iaʹ telit ina naʹkini kuʹun ban Kitap Pegawa Tuhan, ngan kuʹun pengecuk Allah iaʹ ngeriman mudip, iaʹ peluhaʹ a me mung lepoʹ, apan mung kelunan sukat ke ngelan ngan tunuk bayaʹ a.

RUM 8:13

Buk kem mudip bayaʹ penyaheʹ usa hem, atek kem ke matai lete. Di lareʹ buk kem kanan Berua Tuhan ina, man ncem lematai pemuyan ncem diaʹ jaʹat, atek kem ke mudip lete ʹo.

RUM 8:33

Aheʹ iaʹ ke mekem salaʹ neng ida diaʹ Allah ban lemileʹ dina tupe? Buk Allah iaʹ peteneng ida,

1 KURINTUS 1:30

Un sepuʹo Allah iaʹ lepa pebeka tawai le pemung ngan Keristus Yesus. Ban Allah iaʹ lepa uyan Keristus atek penudi milu. Ban kuʹun Keristus lete ilu lepa tai teneng ngan Allah. Pekina lete ilu diaʹ nuyan kelunan buheʹ anun Allah. Kuʹun Keristus lete ilu takau cen beka puyan iaʹ jaʹat.

1 KURINTUS 6:11

Cen naʹaʹ un palai neng ahang ikem diaʹ pekina puyan nte, un sepuʹo lepa ne Allah muheʹ ikem cen penyalaʹ, ngan ia iaʹ lepa nengen ikem neng iaʹ buheʹ, ngan ia iaʹ peteneng ikem ngan ne kuʹun pemuyan Tuhan Yesus Keristus, ngan pemuyan Berua Tuhan iaʹ un ilu.

2 KURINTUS 10:5

Ameʹ ngasing puyan balang iaʹ dulu medeng man nte ke mempeng kelunan ke ngetisen Allah. Ameʹ meput singket sedep kimet kelunan apan ne semamet bayaʹ Keristus.

KULUSE 3:12

Ikem ne diaʹ anun Allah. Allah iaʹ malaʹ ikem, ngan lemileʹ ikem tai nuyan diaʹ anun ne tengen. Tuman ina, tekep lete ikem ke un kimet malaʹ, puyan lesau, libaʹ tawai, lemaʹ saheʹ, ngan denaʹ tawai.

2 TESALUNIKA 2:13

Ahaʹ cenganak cenganak keʹ diaʹ Tuhan malaʹ, tekep meʹ lemuto nyuaʹ tiga saheʹ palaʹ Allah tuman ikem. Allah lepa lemileʹ ikem seleket kelunan iaʹ ading ading un udip dalem Tuhan. Ngan ikem un udip ina kuʹun nyingan Berua ha, ngan kuʹun pengelan ncem palaʹ katuk iaʹ telit. Ina tuman Allah lepa uyan ikem diaʹ anun ne iaʹ buheʹ.

2 TIMUTIUS 2:10

Ina ukoʹ keʹ ngihen tekaʹ neng mung naʹan taru, moʹ tuman kelunan diaʹ Allah lemileʹ, apan nte ke un udip dalem Keristus Yesus pemung ngan serema peniga ha iaʹ pa pa majan.

TITUS 1:1

Cen Paulus, ulaʹ Allah ngan lawa Yesus Keristus. Allah lepa lemileʹ akeʹ, cuk akeʹ tai mepo pengelan diaʹ anun Allah, diaʹ ia lepa lemileʹ, mentung ngkeʹ ke ngkin ida ke tisen katuk iaʹ telit, kuaʹ baʹan layen adet buheʹ le are.

IBERANI 10:22

Ina ukoʹ tiga le nai ngejuma Allah man kimet iaʹ sebelang, ngan pengelan iaʹ salet, mentung ngan kimet iaʹ lepa buheʹ cen tekaʹ penawai iaʹ dengkep neng penyalaʹ cen kena are. Un pe usa le lepa ntoʹ kuʹun sungai buheʹ.

IBERANI 11:28

Kuʹun pengelan ne Musa nading ke nyalet Bunut Paska, ngan cuk dulu migai dahaʹ neng pamen nte, apan Melikat Patai abeʹ un lematai diaʹ anak ading kelunan Israil are.

IBERANI 12:24

Ikem lepa nai palaʹ Yesus iaʹ lepa peteneng penyalet tuket iaʹ mading. Ikem lepa nai palaʹ pigai dahaʹ iaʹ badaʹ puyan iaʹ pelapa tiga cen ʹo dahaʹ Habil cen naʹaʹ are.

IBERANI 5:9

Tegoʹ Yesus lepa nuyan daʹam are, ia penco nuyan atek puʹun puyan iaʹ pudip kelunan neng udip saheʹ kelineʹ iaʹ ngeriman, iaʹ ina me kelunan diaʹ tudep bayaʹ dau ue.

1 PETERUS 1:14

Tiga hem tunuk bayaʹ dau Allah. Ayen bayaʹ layen asam pengubaʹ usa hem iaʹ cen naʹaʹ, dalau hem ban turan are.

1 PETERUS 1:19

Di lareʹ ban man suaʹ dahaʹ Keristus iaʹ atek tiga, koʹ baʹan dahaʹ anak dumba iaʹ abeʹ un penginteʹ ngan pengejaʹat.

1 PETERUS 1:20

Allah lepa petuman Keristus kena usun tanaʹ ini ke nuyan, ngan naʹkini tegoʹ ke bayaʹ udip, Allah ban peluhaʹ ia moʹ kuʹun ncem.

1 PETERUS 1:22

Naʹkini seʹ kem lepa muheʹ penawai hem uban ncem tudep bayaʹ katuk iaʹ telit, ngan tisen pengemalaʹ iaʹ abeʹ un nyelibo neng cenganak kem dalem Tuhan. Moʹ ina, tiga hem pali kuʹo malaʹ neng ikem selepeʹ, man mung tekaʹ keluʹung kimet cem.

1 PETERUS 2:9

Un sepuʹo ikem dini ca pemanak iaʹ ban Allah lemileʹ, ca mpun detaʹu puhoʹ laja, ca lepoʹ iaʹ buheʹ, ca mpun diaʹ anun Allah tengen. Ia ban lemileʹ ikem apan ncem pedenga puyan peniga Allah. Moʹ o ban mengin ikem kawang cen dalem ntem, ketai kedalem dema ha iaʹ selawan.

2 PETERUS 1:2

Awaʹ pe pengelesau ngan udip iaʹ tadan kenai un pit un pit palaʹ ikem kuʹun ban penisen ncem neng Allah ngan Yesus, iaʹ Tuʹa le.

2 YAYA 1:1

Cen Yaya iaʹ tuʹa dalem Mpun diaʹ ngelan Tuhan: Palaʹ Tinen le iaʹ Allah nyelum, pemung ngan anak ke iaʹ atek akeʹ malaʹ dalem katuk iaʹ telit. Abeʹ e bang ca akeʹ tuaʹ le, un sepuʹo mung diaʹ ban tisen katuk iaʹ telit, diaʹ malaʹ ikem pe.

2 YAYA 1:13

Mung anak cenganak leto ho iaʹ Allah nyelum ini badaʹ tiga saheʹ de mikem.

YAHUDA 1:2

Awaʹ pe nai un pit un pit seʹ pengelesau ngan udip iaʹ tadan ngan pengemalaʹ ke nyangan neng ikem.