FAA YÁKƐ KƆ́LƆI 9:20 - Kɛ́lɛ Niinaí

²⁰ Nuu búsa w̃átaitii kínɛi taa hááni faa bámai sítii su, taa vólu yáfeni tí yaa háitii mba. Taa béni ỹína nyɔu ỹɔungáitii fɛlindái wa ɛ́ɣɛ kɔɔ kɔɔ ŋániitii tɔ́ɔ́ kpatɛ ngáá góóli tɔ́ɔ ti yeɣé ngáá ngalángaa, kɔlu woléngi, báhi kɔ́lu, kɔtúi ɛ́ɣɛ ngulúi tiyɛ́i tɛ́i ỹanda lɔ, tɛ́i faá ỹɛ́ni kɛlaa tɔɔ́ híya.

FAA YÁKƐ KƆ́LƆI 9:20 Iomraidhean Croise

MÁFIYU 21:32

Sífaa Nguya Wó Mɔ́i Njɔú í vaaní wú yéle, í tɔɔỹaá veleí ɣɛ́ ngáá wú ye ngáá wú híya la, wáá va, wáá lángɔ ngáá Njɔú kɛ́ páva gani kula mbélaitii ɛ́ɣɛ tamál̃a nyáh̃aitii taá kɔlɔsiyángi wó kápa faaw̃a tiyá lɔ́ ti lángɔ la. Kíya bɛ́lɛ wú náa lɔngɔ́, ná fíli su, wáá kɛ́ngɔ wɔ́ɔ́ volú yáfe wú háá ỹɔítii mba, wɔ́ɔ́ lá la.”

TI GƐ́Ɛ́ HAÍTII 17:29

Faalɔ, ná mu ngáá ngi léngaa, málaa gisíya ngáá kɛ laá Ngalá kpatɛ kílii lɔ ngáá kɛ kíya góóli í na ɔɔ kɛ kíya kaní kóle ngí na ɔɔ kɛ kíya kɔtu ɣɛ kíli í na, nuu búsa áá kpátɛ ngáá ngi géle ɣele pele í maa vɔ́nɛ pɔnɛ́.

TI GƐ́Ɛ́ HAÍTII 19:26

Aáva wú mɛningá ngáá kɛ siỹɛndópoi sí taá ɣɛ́ ma Pɔ́ɔ i nuu bíh̃iw̃aa liivótenga, í ti híɣe ti híya veléitii mba mbéi Ɛ́fɛsɔ taí h̃u. Aa gɛɛlɛngɔ́ nɔ́ɔ mbéi yílaa wa kɛ́ í lí náa nɔ́ɔ Ésiya lataí sí h̃u kpɛ́lɛɛ, i nungáitii ndiivótenga, í ti híɣe ti híya veléitii kái kái mba. Aá lɔɔ́ nde ngáá kpatɛ ngeyá yálangai sítii nuu áá kpatɛ́, ngalá fíli táá ngáá ti ye.

TI GƐ́Ɛ́ HAÍTII 7:41

Táingi ná h̃uu lɔ́ tí kɔɔ kɔɔ́ ŋáni bátɛni ngáá ti yála kulangɔ́ í ɣɛ́i lá ngáá nika yivói. Ti vá ngáá saáɣaitii ti bátɛ ngeya yalangí ná yéle, tí maa góóh̃unɛɛ gula ti bɔwɔ́ yáa wɔli kpatɛngɔ́i hááw̃a.

KƆ́L̃E GƆ́LƆI HELE KÉLEI 12:21

Aáva nyá lɔ́ɔ gísiya ngáá ná ngáá vá Ngalá lɛ́i ngíwaa fɛ́li aa kɛ ngáá háwu ngí wúfe wú gákala. Nyá lɔ́ɔ gísiya ngáá maaw̃aanú áá ɣɛ má wú bíh̃iw̃aa hááw̃a wɛ́i wúwaa ndí ngu ma ngáá faa ỹɔ́itii kɛ́ndaa wú tɔ́kula héingɔ wɔ́lɔ aáva wáá nɛ́ɛ́ vólu yáfei maa háá ỹɔu ɣɛndái wa ná wáá ngáá, kɔlɔsiyángi ɛ́ɣɛ njeé sína w̃áá lúva wóndai ɛ́ɣɛ njɔlɔ haa ɣɛ́ndaitii.

TÍMOTI HESENDAA GƆLƆÍ 4:1

Hɛ́ɛ́ma Ỹínangi í ndengɔ́ kpál̃au ngáá ngetéyangi sí yákɛɛlɛmai laa lówah̃u, nungái ti lɛ́ingaa taá lókogula ndangí h̃u tí su ngáá Jísu Kílisitii, ti hítɛ ỹína ỹɔítii pólu, nátii táá ti yakpólowa ngáá ndɛɛ gálambongaitii.

FAA YÁKƐ KƆ́LƆI 15:1

Kɛ ngí mɔ́ɔ káámaa haa wala lɔ́a ngeleí ya. Ngí maléka ngɔ́felangɔ lɔ́i ngapúmaa haa bama ngɔ́felangɔi Ngalá ngáá vá ndáma i ti yaa. Ná vá tɔ í ngáá Ngalangí lííyaw̃al̃ai yápumai.

FAA YÁKƐ KƆ́LƆI 16:8

Kɛ malékai nááni kélei i vaá í ngí ndá váningi h̃u háá bamaí vú folói w̃a. Ná i kɛí folói í bándi ngwala áá nungáitii maa w̃ɔ kíya nɔ́ɔ́ ngɔmbu í na.

FAA YÁKƐ KƆ́LƆI 9:19

Soí sítii tí yákpangaitii tɔ tí láitii ɛ́ɣɛ ti wongítii su. Tí wóngitii tɔ́ɔ́ nuu ỹíí lá tí gúlangɔɔ lé ngáá kíya nɔ́ɔ kaalii ỹɔú ỹɔ́u ngáá nuu ỹíí áá báálɛ ngwala.

FAA YÁKƐ KƆ́LƆI 9:21

Táa gahéi tɔɔ́ vólu yáfe nuu váándai wa, súkɛ gúlandai, kɔlɔsiyá mbóndai ɛ́ɣɛ ŋúỹa wóndai.