FAA YÁKƐ KƆ́LƆI 9:17 - Kɛ́lɛ Niinaí

¹⁷ Ná ngí ɣɛ́i keluí h̃u, ngí soítii tɔ́ni taá tí híya mbélaitii. Tí gaka h̃úi vɛ́lɛngɔ i ɣɛi lá ngáá ŋáni tá naa w̃ááh̃u belé fááw̃a kpiỹángɔ kíya nɔ́ɔ ngɔmbu mbuú bóólengɔ ɛ́ɣɛ maa báhingɔ. Soí nátii ti wungí gúlangɔ í ɣɛi lá ngáá njala wú ɣɛ́ kíli. Ngɔmbuí, nduulí ɛ́ɣɛ ŋani tá áa w̃ɔ́ ngwála kíya nɔ́ɔ fukúi í ná maakungí ỹɔ́ungɔ táa gúla ti la.

FAA YÁKƐ KƆ́LƆI 9:17 Iomraidhean Croise

FAA YÁKƐ KƆ́LƆI 11:5

Ná núu fíli áá ɣɛ́ í fáá ỹɔ́u ɣɛ́ ngáá Ngalá ndáá háá lé mbélai nátii, ngɔmbu áá gúla Ngala ndáá háá lé mbélai nátii nda í tí waahílima yélaitii mɔ. Nuu fíli áá ɣɛ́ í fáa ỹɔ́u ɣɛ́ ngáá ti ye, kɛ ngimɔ́ɔ́ taa há.

FAA YÁKƐ KƆ́LƆI 14:10

Ngalangí lííyaw̃al̃ai áá foló ma. Ndiiyaw̃ál̃a wálai ná kulangɔ́ ngáá ndɔɔ yakpangɔ́ wála maa w̃ɔ́i aa kpɛ́lɛɛ kpɔ́le. Sítii kínɛi taa sítii kɛ, tiyá lɔ́ taa maanɔw̃ɔ́ wálai sí yeɣé ngɔmbu hóngi sí yá ɛ́ɣɛ ngɛi w̃ááku nyɔu ỹɔungí áá w̃ɔ́ ngwála kíya nɔ́ɔ fukú i ná hɛ́ɛ́ma w̃álekaitii ɛ́ɣɛ Mbaalaí yaah̃ú w̃a.

FAA YÁKƐ KƆ́LƆI 19:20

Ngakpa súwai sí ɛ́ɣɛ ndɛɛ yála ndaa háá lé mɔ́i sí i káámaa haa bih̃íw̃aa ɣɛ́ni ngakpa súwai yɛ, tí tí hóuni ngáá pelésina. Káámaa hái sítii ndɛɛ yála ndaa haá lé mɔ́i í kɛ́ni, aá lɔ́ í nungáitii ngakpólowani lá ngáá tí ngakpa súwai sí lókovongi vú w̃a. Aá lɔ́ nɔ́ɔ múl̃ɔ í kɛ́i tí pɛ́lɛ kɔɔ kɔɔ́ ŋáni hɛ́li má ti kpátɛi kulangɔ́ ngáá ngakpa súwai sí. Ngakpa súwai sí ɛ́ɣɛ ndɛɛ yála ndaa háá lé mɔ́i ndɛɛh̃ú í lói tí h̃u tí tí víli ngɔmbu hó ngwálai ya ngɛi w̃ááku nyɔ́u ỹɔ́ungi ná áá w̃ɔ́ ngwala kíya fukú í na í su.

FAA YÁKƐ KƆ́LƆI 20:10

Ngutuwɔ́ Ỹína Nyɔí, lɛ́i í tí yakpólowani tí pílii ngɔmbuí sí ya ngɛ́i w̃ááku nyɔ́u ỹɔ́ungi áá w̃ɔ ngwála kíya fukú í na í sú mbéi tí ɣɛ́i naa ngakpa súwai ɛ́ɣɛ ndɛɛ yála ndaa háá lé mɔ́i vílii náá ná kílii. Naa lɔ́ taá maanɔ́w̃ɔ wálai yéɣe ná fólo ɛ́ɣɛ kpíndi kúnafɔ fááw̃a.

FAA YÁKƐ KƆ́LƆI 21:20

Ndɔɔ́lu kélei i ɣɛi ngáá kɔtu wolé ngí lɛ́i ngi su taá tóli ngáá óni. Ngɔhíta kélei i ɣɛi ngáá kɔtu biỹángi taa tóli ngáá kaníl̃iỹɔ. Ngɔféla kélei i ɣɛi ngáá báhi wɔtui mbuu bóólengɔ taá tóli ngáá kulasolɛi. Ngwahákpa kélei i ɣɛi ngáá kɔtu boolé báhi i su taá tóli ngáá bɛle. Taávu kélei i ɣɛi ngáá báhi wɔ́tui taá tóli ngáá topa. Puu kélei i ɣɛi ngáá kɔtu wolé kɛ́ kúlo wuu lɛ́ingɔ taá tóli ngáá kasidóni. Púúngɔ maah̃úú yiláá kélei i ɣɛi ngáá kɔtu boolé ngi lɛ́i ngi su taá tóli ngáá tukɔi. Kɔtu púúngɔ maah̃úú hele kélei sí i ɣɛi ngáá kɔtu boolé ngi bíỹangi i su taá tóli ngáá amete.

FAA YÁKƐ KƆ́LƆI 21:8

Kɛ́ sítii nduwá ndúwa ngáá ɣɛ́ tí h̃u Ngala fáá ɣɛndái h̃u, sítii taa lá ngáá Ngalá kɛ́ tɛ́i ndí ngu ma taa sítii taa híɣe Ngala péle giteí wa í báha sítii mba ti ngáá nuu váá mbélaa ɛ́ɣɛ kɔlɔsiyá mbélaa taa súkɛ yélaitii ɛ́ɣɛ kɔɔ kɔɔ́ ŋani hɛ́li mbélaitii taá ndɛ́ɛ yélai ti kpɛ́lɛɛ ti lííw̃ai waá ngáá ngɔmbu hó ngwálai h̃u ngɛ́i w̃ááku nyɔu ỹɔungí áá w̃ɔ́ ngwala kíya fukú í na i su. Saí helé kélei wómai va mil̃á.”

FAA YÁKƐ KƆ́LƆI 9:18

Nungáitii kínɛi tí ngélewu ná taá wɔ́lɛ su sáwa, ti heiw̃aá yílangi lɔ́ faa bámai sítii tí tí vááni. Ná wáá ngáá, ngɔmbuí, nduulií ɛ́ɣɛ ngɛingí ná áa w̃ɔ́ ngwála kíya nɔ́ɔ fukú í ná maakungí ỹɔ́ungɔ taá ɣɛ́ taá gúla soítii nda.

FAA YÁKƐ KƆ́LƆI 9:9

Ti gaká h̃úi vɛ́lɛngɔ í ɣɛi lá ngáá ŋani tá kulangɔ́ ngáá kɔlu. Ngɛingí ná taa héi su tí píli sooni mbá ngáá ti síya ngáá ti ye, babangái nátii ti govóngi h̃úúngi gúlangɔ i ɣɛi lá ngáá ngɛ́i bíh̃i kpih̃ingí ná áá ɣɛ́ soí wa taa ɣɛ́a víliỹɛ taa lí kɔ́ɔ́ wɔma.