FAA YÁKƐ KƆ́LƆI 9:14 - Kɛ́lɛ Niinaí

¹⁴ Kɛ ngoí sí i lengá malékai wɔhíta kélei ná w̃a, í ɣɛ ma, “Nyaama w̃álekaa nááningɔi nátii fuló tí lói njɛ wálai sí la taa tolí ngáá Yufuleti!”

FAA YÁKƐ KƆ́LƆI 9:14 Iomraidhean Croise

FAA YÁKƐ KƆ́LƆI 16:12

Kɛ malékai wɔhíta kélei i vaa í ngí ndá váningi h̃u háá bamaí vú njɛ wálai sí yá taa tolí ngáá Yufuleti. Njɛ wáalai ná i yɛɛlii kɛinɔɔ́ ndɔwɔlɔ w̃ásangai sítii táá gúla ngáá foló gúla máa veleí h̃úú véle tí pele w̃ááhɔlɔ.

FAA YÁKƐ KƆ́LƆI 7:1

Ná sí í gúlai su, ngí malékaa nááningɔ lɔ́ni lóóni ndɔwɔlɔ́i gaká nááningɔi w̃a táá fɛfɛ nááningɔi h̃úúhou ngáá kɛinɔɔ́ fɛfɛ ngákpangɔ álaa vá ndɔwɔlɔ́i h̃u ɔ́ɔ́ yívoi ɛ́ɣɛ ngulúitii suu lika líka.

FAA YÁKƐ KƆ́LƆI 7:2

Kɛ ngí mɔ́ɔ malékai ta lɔngá áá gúla ngáá foló gúla máa veleí áá vá, Ngalangí sí ndɛɛh̃úi í su, ngi lókovongi í ngeyá. Malékai sí í yɛpɛní woo wála h̃u malékaa nááningɔitii ngelé tiyɛ́i Ngala ngí ngákpa féi tí yáa ngáá tí ndɔwɔlɔ́i ɛ́ɣɛ yívoi ỹááni.

FAA YÁKƐ KƆ́LƆI 8:2

Kɛ ngí mɔ́ɔ́ maléka ngɔ́felangɔitii tɔngá lóóni Ngala kakála. Ti búlui héni tí yaá ngáá ngilá ngíla.

FAA YÁKƐ KƆ́LƆI 8:6

Kɛ maléka ngɔ́felangɔi nátii búlu ngɔ́felangɔi í tí yáa, tí ɣɛ́ kíli batɛngá ngáá tí tí hɛ.

FAA YÁKƐ KƆ́LƆI 9:15

Tí maléka nááningɔi nátii fulóni náa tí ɣɛ́ kíli batɛngɔ́ í ɣɛ́i lá ngáá tí nungáitii paá háwai ná kái kái má í fóloi ná kái kái sú, í ngálungi ná kái kái sú, í fówoi ná kái kái sú. Ná wáá ngáá nungáitii kínɛi tí ngélewu ná táá wɔ́lɛ su sáwa, tí seiw̃aá yílangi váa.