FAA YÁKƐ KƆ́LƆI 9:1 - Kɛ́lɛ Niinaí

¹ Kɛ malékai lɔɔlú kélei i ngi ndá búlui hɛ́nga. Ná í ná ɣɛ́ni, ngí temúleɣai lɔ́i í gúla ngeleí yá í h̃úndɛ ngeleí sí wú, ndowá wálai sí kpu ngáá mba maa gíí héngɔ i ɣɛi lá ngeyá.

FAA YÁKƐ KƆ́LƆI 9:1 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:18

Kɛ Jísu i ti woo yápotenga, i ɣɛ ti w̃a, “Ngí Setána lɔngɔ́ í híɣe ngelegóóh̃u, í gúla ndɔwɔlɔ́i wa kíya nɔ́ɔ ngele míỹa miỹa ngí na.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:31

Kɛ ỹína nyɔítii ti Jísu w̃aanɛ́ɛ́nɛnga ká ká ngáá álaa ti lɔ́ve njahááma.

LÓÓMI 10:7

“Yálaa ndé mɔ́ɔ yɔ́ɔ ɣɛ́ ta, ‘Ele lɔ náa áá yéi ndɔwɔlɔ́i wuu véle?’ ” Ná wúi wáá ngáá, “Ele lɔ́ áá yéi ndɔwɔlɔ́i wu í Kílisitii gúla saa yélai ti ỹándai?”

FAA YÁKƐ KƆ́LƆI 1:18

Nyáá le, nyɛ́i ngí ndɛɛh̃úi h̃u! Sáángɔ i ɣɛngɔ lá, kɛ́ nyá lɔ́ mɔ́ɔ ndɛɛh̃ú h̃ú kúnafɔ fááw̃a. Ngakpá tɔ́ ngéya saa w̃ááh̃u ɛ́ɣɛ saa yelái ti ỹándai.

FAA YÁKƐ KƆ́LƆI 1:20

Sí lɔ́ í ngáá faa vólu hái kɔwɔ́ato temúleɣa ngɔ́felangɔitii mba yíwaa tí lɔ hói ngísa lokói ya ɛ́ɣɛ faa vólu hái kɔwɔ́ato góóli lowa ngɔ́felangɔitii mba. Temúleɣa ngɔ́felangɔi nátii tɔ maá tí lɔ mu gí ngí hítɛ maléka ngɔ́felangɔitii mba tí Ngala fɛ́li kúúwu ngɔ́felangɔitii faaw̃a. Góóli lowa ngɔ́felangɔi nátii tɔ maá ti lɔ mu gí ngí hítɛ Ngala fɛ́li kúúwu ngɔ́felangɔitii mba.”

FAA YÁKƐ KƆ́LƆI 11:7

Ná taa víla Ngala ndáá háá léma, ngakpa súwai sí áá gúla ndowái sí h̃u kpu ngáá mba, aa lapi ngáá ti ye, í hómbo ti w̃a, í tí váá.

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.

FAA YÁKƐ KƆ́LƆI 20:1

Kɛ ngí maléka yiláá tɔ́a áá gúla ngelegóóh̃u, ndówa wálai ná kpú ngáá mba maa kíí i ngeyá ɛ́ɣɛ njɔ́lɔwɔ wála.

FAA YÁKƐ KƆ́LƆI 20:10

Ngutuwɔ́ Ỹína Nyɔí, lɛ́i í tí yakpólowani tí pílii ngɔmbuí sí ya ngɛ́i w̃ááku nyɔ́u ỹɔ́ungi áá w̃ɔ ngwála kíya fukú í na í sú mbéi tí ɣɛ́i naa ngakpa súwai ɛ́ɣɛ ndɛɛ yála ndaa háá lé mɔ́i vílii náá ná kílii. Naa lɔ́ taá maanɔ́w̃ɔ wálai yéɣe ná fólo ɛ́ɣɛ kpíndi kúnafɔ fááw̃a.

FAA YÁKƐ KƆ́LƆI 6:13

Temúleɣaitii tí ɣɛ́i taá gúla ngeleí ya táá vú ndɔwɔlɔ́i wa kíya nɔ́ɔ fɛfɛ ngááyaa ngulú wa kpóóle vú mbu.

FAA YÁKƐ KƆ́LƆI 8:10

Kɛ malékai háwa kélei i ngi ndá búlui hɛ́nga. Ná í ná ɣɛ́ni, temúleɣa wála yílaa i gúlai ngeleí ya íwaa w̃ɔ́ kíya nɔ́ɔ ngalí, í vú njɛítii ma. Ná wáá ngáa, njɛ wála wálaitii ɛ́ɣɛ njei yɛ́ gólo gulóaitii kpɛ́lɛɛ ngeleí sí wú ná kɔlɛmái áá ɣɛ́ sú sáwa, seiw̃aá yílangi gɛ́ɣɛlai lɔ́ í vúi ti w̃a.

FAA YÁKƐ KƆ́LƆI 8:12

Kɛ malékai nááni kélei i ngi ndá búlui hɛ́nga. Ná í ná ɣɛ́ni, folóini ngaa ngalúngi ɛ́ɣɛ temúleɣaitii faa tá i ɣɛ́ni ngáá ti ye kɛinɔɔ́ ná ti holó táingi wɔ́lɛmai áá ɣɛ́ su ngáá sáwa sáwa, seiw̃aá yíla ngílangi ná i bindíí ngáá tálaa hólo.

FAA YÁKƐ KƆ́LƆI 8:2

Kɛ ngí mɔ́ɔ́ maléka ngɔ́felangɔitii tɔngá lóóni Ngala kakála. Ti búlui héni tí yaá ngáá ngilá ngíla.

FAA YÁKƐ KƆ́LƆI 9:2

Ná temúleɣai í ndowái ná laawóni, nduuli walá i ɣɛi áá gúla su, kíya nɔ́ɔ ngɔmbu walá áá víli ndɔbɔ h̃u. Aáva nduulí í folói w̃aabɔ́leni ngáá ɛ́i béle gúla.