FAA YÁKƐ KƆ́LƆI 8:3 - Kɛ́lɛ Niinaí

³ Kɛ maléka veka í váánga, í ló Ngala saáɣa gula tútui gakála góóli vaningí í ngeyá taá ngɛí w̃ááku nɛ́ɛ́ nɛɛngi sí w̃ɔ́ sú taa tolí ngáá ísɛngi. Tí ísɛngi héni ngeyá bih̃í ká ká ngáá í kpáha Ngalangí vóngaitii tí Yála fɛli ngói wa ngáá tí pú góóli haáɣa gula tútui w̃a í lóni masa kpɔ́kpɔngi gakála.

FAA YÁKƐ KƆ́LƆI 8:3 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:10

Ná ísɛngi w̃ɔ́ táingi í folóni ma, sítii kpɛ́lɛɛ ti yatɛ́ngɔ í ɣɛ́i lá mbá na Ngala fɛ́li fái w̃a, ti ɣɛ́i taá Ngala fɛ́li na ngitíí ya.

LÓÓMI 8:34

Baa nuu fíli aa hómbo í ti waaléve ngáá taá véleni? Ná ɣéle ngɛi ɣɛ p̃ɛ́ɛ́. Aá ɣéle Jísu Kílisitii i haaní, Ngalá ngí mɔ́ɔ́ mbuyoɣé sái h̃u, aá vá tɔ́ náá héini ngufema ỹándai Ngalá kpela masandáá h̃u íwaa a mu w̃áánɛɛnɛ mbó.

HÍBULU 7:25

Náá hááw̃a, nuí fíli áá lí Ngalá ngéle Jísu w̃áá véle w̃a, Jísu aa hómbo í maa w̃ɔ́i wumááwo kpésekele bɔw̃álale, lɛ́i í ngáá Jísu aá lɔ́ na kúnafɔ íwaa yɛ́pɛ nungáitii faaw̃a Ngalá ngéle.

HÍBULU 9:4

Hɛ́ɛ́ma Wála Ỹándai ná vá tɔ Ngala sááɣa gula tútui í ɣɛ́i na kpatɛngɔ́ ngáá góóli tɔ́ɔ́ ngɛí w̃ááku nɛɛ nɛɛngí ná w̃ɔ́ na taá tolí ngáá ísɛngi. Ná vólu, Kɛ́lɛ Kal̃áŋal̃a Ngwalaí i na góólii i ma hááli hááli. Jái i ɣɛi mɔ́ɔ́ su kpatɛngɔ́ ngáá góóli, mɛɛníí sí taa tolí ngáá máánai ta guló í jái ná h̃u. Ná vólu, Éél̃ɔ lukpɔ walaí í ɣɛ́i náá buulɛ́i mba í ɣɛi su, ná vólu, kɔtu hɛvɛ́ gúlo gulo félengɔi nátii tí su Ngalángi háva púúngɔitii ti vɔ́nɛngɔ í ɣɛ́i la tí w̃a.

FAA YÁKƐ KƆ́LƆI 10:1

Ná ná í gúlani su, ngí mɔ́ɔ ngakpa máleka wala lɔní íwaa gúla ngelegóóh̃u. Njɛ bilíí i ɣɛi malékai sí w̃á kíya kula áá ɣɛ́ nuu w̃a. Ngungí w̃ááyele mbélengɔ ngáá ngele gílangi. Ngaah̃úi i ɣɛi áá hólo í ɣɛ́ foló yákpangɔ hólo, kɔwɔ́i w̃aa í ɣɛ́i áá hólo míl̃a mil̃a kíya nɔ́ɔ ngɔmbu gɛhɛ́ wála.

FAA YÁKƐ KƆ́LƆI 14:18

Kɛ maléka véka sí ngɔmbúi í tóko h̃u, i hiɣengá Ngalá sááɣa gúla tútui gakala í vá. I yɛpɛní woo wála h̃ú malékai sí yéle mbowá yándiilingi í ɣɛ́i ngeyá. I ɣɛ ma, “Gilépiitii ti ngélei sí wu ti hítia, faalɔ, í wówa yandiilingí yéɣe náa yí tí gúla.”

FAA YÁKƐ KƆ́LƆI 5:8

Ná í sóuni, fulú wɔ́li nááningɔitii ɛ́ɣɛ kele ɣelé mbélaa púú félengɔ maah̃úú nááningɔitii, tí hítɛni wumbú yá Mbáálai gakála. Mbakaí i ɣɛi ti yaá ngáá ngilá ngíla ɛ́ɣɛ góóli vaningí, suulaahéngɔ ngáá ŋani ta táa mɔ́ maakungí nɛ́ɛ́ngɔ taa tolí ngáá ísɛngi, ná vá tɔ́ í ngáá Ngalangí vóngaitii tí Yála fɛ́li ngói.

FAA YÁKƐ KƆ́LƆI 6:9

Kɛ Mbaalaí í mɔ́ɔ́ tokovongí lɔ́ɔ́lu kélei w̃áálevenga. Ná ngí wɔ́lɛni na, sítii tí ɣɛ́i tí vááni ngí tí yáfuw̃angaitii tɔní Ngala sááɣa gúla tútui gakála. Tí tí vááni bɔw̃álale tí Ngalangí gééla woí léni aáva tí ló ma.

FAA YÁKƐ KƆ́LƆI 7:2

Kɛ ngí mɔ́ɔ malékai ta lɔngá áá gúla ngáá foló gúla máa veleí áá vá, Ngalangí sí ndɛɛh̃úi í su, ngi lókovongi í ngeyá. Malékai sí í yɛpɛní woo wála h̃u malékaa nááningɔitii ngelé tiyɛ́i Ngala ngí ngákpa féi tí yáa ngáá tí ndɔwɔlɔ́i ɛ́ɣɛ yívoi ỹááni.

FAA YÁKƐ KƆ́LƆI 8:4

Ísɛngi sí w̃ɔ ndúúlui ɛ́ɣɛ Ngalangí vóngaitii tí Yála fɛ́li ngóitii í ɣɛi áá gúla malékai sí yáa í lóni Ngalá kákala áá lɛ́.

FAA YÁKƐ KƆ́LƆI 8:5

Kɛ malékai í ísɛ paningí sí yéɣenga í ndááhe ngáá Ngala saáɣa gula tútui h̃uu wɔ́mbui, í píli ngelewu. Ngele bandɛ́i í pɛ́lɛi bɔɔlɔ́ma, ngoí yángi í w̃ɔ́nu, ná vólu, ngeleí áá ɣɛ́ míỹa míỹa, ndɔwɔlɔ́i í bɛ́li.

FAA YÁKƐ KƆ́LƆI 9:13

Kɛ malékai wɔhíta kélei i ngi ndá búlui hɛ́nga. Ná í ná ɣɛ́ni, ngí ngoí ỹɛ́nii áá gúla góóli lutúi gaká nááningɔi w̃a í Ngala kakála.