FAA YÁKƐ KƆ́LƆI 8:2 - Kɛ́lɛ Niinaí

² Kɛ ngí mɔ́ɔ́ maléka ngɔ́felangɔitii tɔngá lóóni Ngala kakála. Ti búlui héni tí yaá ngáá ngilá ngíla.

FAA YÁKƐ KƆ́LƆI 8:2 Iomraidhean Croise

MÁFIYU 18:10

Kɛ Jísu i ɣɛa ta, “A w̃aah̃ú béle ngáá wálaa tokohíya ngu maah̃ú haa ɣɛ ngáá sítii ti langɔ́ ngáá ngé tí ta yílaa kéle tɔ. Sífaa ngí nde wú w̃á, ti w̃álekaitii tí ngelegóóh̃u, tiyá lɔ ní Kɛ́ɛ́ɣɛ Ngalángi yaah̃ú hɔ́wɔ fíli. [

MÁFIYU 24:31

Búlu wói aa ɣɛ wɔɔlɔ ngwala áá hɛ. Aáva Nuu Búsa Goo H̃ú Loí aa ngi w̃álekaitii tɔve nungái sítii ngelé Ngalá ngí lókolonga ti wa ngáá ngi vóngaa, taá ti gúla ỹanda kpɛ́lɛɛ kpɛ́lɛɛ ngeleí sí wú, tí tí yatɛ́ mba ỹanda yílaa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:19

Kɛ malékai i Sakaláya woo yápotenga, i ɣɛ ma, “Ndááhei mbáá ngáá Gébilɛ. Nyá lɔ nɔ́ɔ Ngala ndóow̃a hɔ́wɔ fíli. Aáva tɔ í tɔ́vengɔ ngáá ngí keela woó vándai sí lé í w̃á.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:36

A w̃aah̃ú belé hɔ́wɔ fíli aáva wú Ngala fɛ́li ngáá wú hómbo wú híya fái sítii su táá vá ɣɛ́ma, kɛinɔɔ́ wú hómbo wú ló nuí síí w̃ɔ́i taa ɣɛ́ ma Nuu Búsa Goo H̃ú Loí gakála.”

TƐSALÓNIKA HESENDAA GƆLƆÍ 4:16

Ná Ndemɔí Jísu áá ɣɛ áá gúla ngelegóóh̃u áá va, áá wóó gúla, malékai ti wutúwɔi bɛ́lɛ í wóó gúla, kɛ Ngalángi lólimbo búlu walaí í hɛngá. Nungái sítii ti langɔ í ɣɛ́ngɔ lá ngáá Kílisitii í ló su ti há tiyá hése tɔ taá wúyoɣe naá sái h̃u ngáá tí Ndemɔí Jísu laaw̃ɛ́ɛ́.

FAA YÁKƐ KƆ́LƆI 1:4

Nyɛ́i ngí ngáá Njɔú, nyáá lɔ́ɔ kɔlɔí sí vɔ́nɛ wú yéle wɛ́i wú ngáá Ngala fɛ́li kúúwu ngɔ́felangɔitii wu Ésiya lataí h̃u. Ngala lɛ́i í na kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma, bɛlɛ́ ngi háá bɔwɔí ɛ́ɣɛ ngi lííhei ti ɣɛ́ wú yɛ́. Tí mɔ́ɔ́ gúla ỹína panda ngɔ́felangɔitii ngeyá tí ngi yéngengi h̃u ngi w̃ása kpɔkpɔngí gákala.

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 15:1

Kɛ ngí mɔ́ɔ káámaa haa wala lɔ́a ngeleí ya. Ngí maléka ngɔ́felangɔ lɔ́i ngapúmaa haa bama ngɔ́felangɔi Ngalá ngáá vá ndáma i ti yaa. Ná vá tɔ í ngáá Ngalangí lííyaw̃al̃ai yápumai.

FAA YÁKƐ KƆ́LƆI 16:1

Kɛ ngí ngoo wála ỹɛ́nia áá gúla Hɛ́ɛ́ma Yála Pɛ́lɛi wu, áá ɣɛ́ maléka ngɔ́felangɔitii ma, “A lí, wú páni ngɔ́felangɔitii ngeɣé Ngalángi lííyaw̃al̃ai í tí h̃u wú pú ngelewu.”

FAA YÁKƐ KƆ́LƆI 8:13

Kɛ ngí wɔ́lɛnga, ngí kóɣɛi lɔ́ áá góvo ngeleí yaá áá ndé woo wála h̃ú, áá ɣɛ́ ta, “Kpóó, kpóó, kpóó! Faa bámai í wɔ́ɔ́lɔ áá vá láma. Sí lɔ́ɔ ɣéle ɣɛ́ ngeleí sí wuu yélaitii ma, ná maléka sáángɔ vékaitii taá tí ndá búluitii fɛ.”

FAA YÁKƐ KƆ́LƆI 8:6

Kɛ maléka ngɔ́felangɔi nátii búlu ngɔ́felangɔi í tí yáa, tí ɣɛ́ kíli batɛngá ngáá tí tí hɛ.

FAA YÁKƐ KƆ́LƆI 9:1

Kɛ malékai lɔɔlú kélei i ngi ndá búlui hɛ́nga. Ná í ná ɣɛ́ni, ngí temúleɣai lɔ́i í gúla ngeleí yá í h̃úndɛ ngeleí sí wú, ndowá wálai sí kpu ngáá mba maa gíí héngɔ i ɣɛi lá ngeyá.