FAA YÁKƐ KƆ́LƆI 8:13 - Kɛ́lɛ Niinaí

¹³ Kɛ ngí wɔ́lɛnga, ngí kóɣɛi lɔ́ áá góvo ngeleí yaá áá ndé woo wála h̃ú, áá ɣɛ́ ta, “Kpóó, kpóó, kpóó! Faa bámai í wɔ́ɔ́lɔ áá vá láma. Sí lɔ́ɔ ɣéle ɣɛ́ ngeleí sí wuu yélaitii ma, ná maléka sáángɔ vékaitii taá tí ndá búluitii fɛ.”

FAA YÁKƐ KƆ́LƆI 8:13 Iomraidhean Croise

HÍBULU 1:14

Kɛ́mbɛ malékaitii kpɛ́lɛɛ tiyá lɔ́ nɔ́ɔ ngáá Ngalángi ỹínangaa ngáá tí ngáá ngi yénge mbelaa áá ti lɔ́ve ngáá ti bɔ́ sítiini mba taá ɣɛ́ náa taa vá ngumaawongí w̃ááhɔlɔma?

FAA YÁKƐ KƆ́LƆI 11:14

Faa bámai hele kélei í vílaa ngáá la. Kɛ́ í longá ngáá sawa kélei áá vá vaáma h̃umbuwa.

FAA YÁKƐ KƆ́LƆI 12:12

Faale, wɛ́i kínɛi wú ngelegóóh̃u, a gooh̃unɛ́ɛ́. Kɛ́ suu wála lɔ́ɔ vá ɣɛmá ỹɔ́u wú w̃á ngwála wɛ́i wú mbéi ngélei sí wú ɛ́ɣɛ njɛ́ wú, bɔw̃álale, Ngutuwɔ́ Ỹína Nyɔí i yeingá wú w̃a. I kɔ́lɔ ngáá kɛ ngi gúi h̃úu áá mɔ́ɔ gooh̃á, náá hááw̃a, ndiiyáw̃al̃angɔɔ lé ngwála.”

FAA YÁKƐ KƆ́LƆI 14:3

Nuu tásu seiw̃aá hɔ́ndɔ ngilaa púu nááningɔ maah̃úú nááningɔi (144,000) sítii ti ɣɛ́i lóóni Ngalangí w̃ása kpɔkpɔngí wútuwɔ, mbéi fúlu wɔ́li nááningɔi ɛ́ɣɛ kele ɣelé mbélaitii ti ɣɛ́i lóóni na. Nungái nátii sɔ́ingi lɔ́ Ngala ngí ɣɛ́i náa ti wúmaawoi, tiyá lɔ́ nɔ́ɔ ti ɣɛ́i taa ngulé niinái sí hɔ́ɔ́lɛ. Nuu véka fíli ɛ́i belé hómbo ɔ́ɔ́ náá wɔ́li kɛ nɔ́ɔ léi tiyá.

FAA YÁKƐ KƆ́LƆI 14:6

Kɛ ngí maléka véka lɔngá áa góvo ngeleí yá kélei. I ɣɛi áá kúnafɔ gééla woo vandaí lé nungáitii ma tí ngélei sí wú taá gúla híítii su bɛ́kpɛ tiyɛ́i taá híí woítii ndé bɛ́kpɛ ti gúlangɔ paatiitíí sú tí ndɔwɔlɔ́i kpɛ́lɛɛ sú.

FAA YÁKƐ KƆ́LƆI 19:17

Kɛ ngí malékai lɔ́a i lóóni folói w̃a. W̃ɔniáitii kpɛ́lɛɛ ti ɣɛ́i taa góvo ngeleya, áa ti lolí woo wála h̃u, áá ɣɛ́ ta, “A vá, wú w̃áákpɔ mbá ỹanda yíla Ngalangí gúú walái hááw̃a.

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.

FAA YÁKƐ KƆ́LƆI 8:2

Kɛ ngí mɔ́ɔ́ maléka ngɔ́felangɔitii tɔngá lóóni Ngala kakála. Ti búlui héni tí yaá ngáá ngilá ngíla.

FAA YÁKƐ KƆ́LƆI 9:1

Kɛ malékai lɔɔlú kélei i ngi ndá búlui hɛ́nga. Ná í ná ɣɛ́ni, ngí temúleɣai lɔ́i í gúla ngeleí yá í h̃úndɛ ngeleí sí wú, ndowá wálai sí kpu ngáá mba maa gíí héngɔ i ɣɛi lá ngeyá.

FAA YÁKƐ KƆ́LƆI 9:12

Ná sí áá gúla su, kɛ hésendaa haa bamaí í viláa ngáá la. Kɛ í longá ngáá faa báma félengɔ áá vá vááma.