FAA YÁKƐ KƆ́LƆI 7:9 - Kɛ́lɛ Niinaí

⁹ Ná sí í gúlani su, ngí wɔ́lɛni ngí faŋaí lɔ sí nuu fíli ɛ́i belé hómbo ɔ́ɔ́ ti báɣa. Tiyá lɔ́ bɛ́kpɛ tí gúlani paatiitíí su tí ndɔwɔlɔ́i kpɛ́lɛɛ su ɛ́ɣɛ híítii su taa ti laawóitii ndé ngeléi sí wu. Faŋaí í ɣɛi vúúni masa ngwálai bɔ́kpɔngi ɛ́ɣɛ Mbaalaí gakála. Tí w̃ááyilingɔ ngáá jobgo kólengaitii, ndɔɔ laɣái í hói tí yaá.

FAA YÁKƐ KƆ́LƆI 7:9 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:1

Ná náá gulaní su, nuu tásu kpih̃íw̃aa tí yátɛi mba ỹanda yílaa. Ti bih̃íngɔ i ɣɛi la ngwala ngáá kɛ ti ɣɛ́i taá gɔwɔ́ lóó loó ỹɔw̃ɔ́ ỹɔ́w̃ɔ w̃a. Kɛ Jísu i pɛlɛngá yɛpɛmá volú yélaitii ngelé hése íwaa ɣɛ́ ta, “A w̃aah̃ú béle ngáá ngɛí gúloi ná taá pu biléi h̃u áá tɛ́nga taá tóli ngáá yíísii Júsuai sítii taa ɣɛ́ ti w̃a Falósiai ti ndái. Ná waa ngáá faí taá nda yaah̃ú kɛ́ ɛi ɣɛ ti lií h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:36

A w̃aah̃ú belé hɔ́wɔ fíli aáva wú Ngala fɛ́li ngáá wú hómbo wú híya fái sítii su táá vá ɣɛ́ma, kɛinɔɔ́ wú hómbo wú ló nuí síí w̃ɔ́i taa ɣɛ́ ma Nuu Búsa Goo H̃ú Loí gakála.”

NJƆÚ 12:13

Kɛ tí tɔkpɔ́ láɣaitii ngeɣénga, tí li kɛinɔɔ́ tí ndaaw̃ɛ́ɛ́, ti ɣɛ́i taá woo lɛ́ táá ɣɛ́ ta, “A mú Ngala ndaaw̃áálɛ! Bɛ́lɛ Ngalángi í hɛ́ɛ́ Ísulɔ yélai ti W̃ása Ngwalaí w̃a lɛ́i í waa vá Ndemɔí Ngalá ndaahéingi h̃u!”

LÓÓMI 11:25

Mu mbála Yalá fɛ́li mbélai, wɛ́i wáá ngáá Júsua bɛlɛ́ ngí ndɔ́ɔ́wu h̃ú hái sí yákɛ ngáá wú ye kpál̃au kɛinɔɔ́ suuwɔɔlɔ́ ɔ́ɔ́ víli wú w̃a sí hááw̃a wú kɔlɔ́. Maa hái wáá ngáá, Ngalá ngí kɛ́a ngáá háwu Ísulɔ yeláitii ti lɛ́ingaa ti ɣɛ́ ngáá ngoli h̃u bɔlɔ mbélaa aáva tiyá lɔɔ ló h̃íí kpóloo í ló su sítii taa ngáá Júsua, ti l̃ɔ́ingi kule í ma ti ɣɛ́ ngáá Ngala fɛ́li mbélaa í kúlaɣɛ su.

Ɛ́FƐSƆ 6:13

Ná hááw̃a, sí Ngalángi í kulangɔ́ kɛ́lɛma wú yɛ́ ngáá kɔɔ wɔ nyáákaitii a ngeɣé kɛinɔɔ́ mbéi hɔ́wɔi fíli wú wááhilima w̃ɔ́ɔ́ áá láá lɛ́ wú wú ngáá ndapi wú hómbo wú ló ngáá pangɔ́ wú lápi la, wálaa kúla mbu mbɛ, kɛ́ laá ɣéle, wú ló loow̃aá.

HÍBULU 11:12

Náá hááw̃a, Lébilah̃aui sí saangɔ́ vóto ngí ɣɛ́i náá la í tó kpokólongi wa í ɣɛ́i su, i ndoú léni aáva ngi láála lengái ti ɣɛ́a bih̃í kíya nɔ́ɔ temúleɣaitii taa ɣɛ́ na ngeleí ya ɔɔ kíya nɔ́ɔ nyɛɛ basángi áá ɣɛ́ na yívoi la.

HÍBULU 12:22

Kɛ́ aá ɣéle wú ndái ɣɛ kíli gulangɔ́ɔ́ lé nɔ́ɔ́ ngáá wú váánga ngihé ngwálai sí gákala taa tolí ngáá Sáỹa, wú vá taa walái sí h̃u taá náá lolí ngáá Jɛlúsɛl̃ɛ í ngáá ngelegóóh̃u gélei naa w̃álekaitii ti yambɔ́ɔ́lɔngɔ walaí. Jɛlúsɛl̃ɛi sí lɔ́ na Ngalá fááw̃a lɛ́i í ndɛɛh̃ú h̃u kúnafɔ.

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 22:3

Sí fíli pá Ngala péle ngáá ɣɛ́ mba, ɛi li taa walái ná h̃u. Ngalá ɛ́ɣɛ Mbáálai ti w̃ása kpɔkpɔngí aa ɣɛ taa walái ná h̃u aáva sítii ti ngáá Ngalángi yénge mbélaitii, taá ɣɛ́ taá fɛ́li na.

FAA YÁKƐ KƆ́LƆI 3:18

Faale, nyáá ngáá wú lááhi ngáá wú vá wú góóli wuyangɔ́ yáa má kɛinɔɔ́ wú bátɛ. Wú kula wóle ngíya wú ngíli w̃a kɛinɔɔ́ wú w̃ááỹaaka ɔ́ɔ́ ɣɛ́ lá ɛ́ɣɛ mɔ́ɔ wú salé yáa yááh̃ui hááw̃a kɛinɔɔ́ wááyaa ỹanda lɔ.

FAA YÁKƐ KƆ́LƆI 4:4

Masa kpɔ́kpɔ púú félengɔ maah̃úú nááningɔ i ɣɛí masa ngwálai bɔ́kpɔngi w̃ááyele mbélengɔ. Kele ɣelé mbélaa púú félengɔ maah̃úú nááningɔ ti ɣɛ́i héini ti h̃u. Ti w̃ááyilingɔ ngáá kula wolé, masa mbɔ́ɔ́lɔi kpatɛngɔ́ ngáá góóli í vɛ́lɛi tí wú mba.

FAA YÁKƐ KƆ́LƆI 5:11

Kɛ ngí malékaitii tɔ́nga tí yambɔ́ɔ́lɔngɔ ngáá tásu séiw̃aa bíh̃iw̃aa ti lóóni masa bɔ́kpɔngi w̃ááyele mbélengɔ ɛ́ɣɛ fulú wɔ́li nááningɔi ɛ́ɣɛ kele ɣelé mbélaitii.

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.

FAA YÁKƐ KƆ́LƆI 6:11

Tí tí yilá ngíla fíli kɔ́ni ngáá jogbo kóle. Tí ndé tí w̃a ngáá tí naa guló w̃áálɛlɛ nɛ́nɛ í ló sú kpóloo tiyɛ́i kule í tí w̃a tí sáá w̃ááhɔlɔ tí tí váá kíya nɔ́ɔ tiyá bɛ́lɛ tí tí vááni. Ná wáá ngáá, tí mbála Yalá fɛ́li mbélaitii tiyɛ́i táa yénge Ngála mbɛ́.