FAA YÁKƐ KƆ́LƆI 7:4 - Kɛ́lɛ Niinaí

⁴ Tí ndéni má ngáá kɛ sítii kínɛi tí Ngalángi lókovongi vúni ti lavála, ti ɣɛ́i ngáá nuu tásu seiw̃aá hɔ́ndɔ ngiláá puu nááningɔ maah̃úú naaní (144,000). Nungái nátii kpɛ́lɛɛ tí gúlani nde kpambi púúngɔ maah̃úú félengɔitii su Ísulɔ yélaitii su.

FAA YÁKƐ KƆ́LƆI 7:4 Iomraidhean Croise

MÁFIYU 19:28

Kɛ Jísu i ɣɛa ti w̃a, “Ngí tɔ́ɔ́ỹai le wú w̃á, ná nuí síí w̃ɔ́i taa ɣɛ ma Nuu Búsa Goo H̃ú Loí áá ɣɛ́ ngi gáámaa w̃asandai h̃u ngetéya níínai h̃u áá vá kúna, wú púúngɔ wú w̃ááh̃uu félengɔitii wú pólu, wá bɛ́lɛ wáá ɣɛ́ masandáá h̃u, wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:22

Ná bɔ́ilopoi ná í yangáimani, kɛ i ɣɛa ngí núu walaí w̃a, ‘Kawalái, sí yí ndengɔ́ má ngí kɛngá, kɛ́ seiw̃áa bih̃íw̃aa lɔ nɛ́nɛ na nungáá taá na.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:30

kɛinɔɔ́ a maa wúyeni a mú laaỹɛ́ ỹanda yílaa tééve yiláá má ní w̃ásandai h̃u. Ná vólu, wú ɣɛ́ masandáá h̃u wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.”

TI GƐ́Ɛ́ HAÍTII 26:7

Niỹɛ́i ni ngáá Júsuai ni niỹa lɔ ngáá nde kpambi púúngɔ maah̃úú félengɔ, kuulongí sí lɔ́ í ngáá ni gitómai ni Yála fɛlindái h̃u kpindí bɔ́ngɔ fólo wa. Masangí Agílepa, kitomái sí lɔ í kɛ́nga Júsuaitii táá faa vɛ́lɛ mbá.

LÓÓMI 9:27

Sí vá tɔ Ngalá ndáá lé mɔ́i Aisáya í ndéni kɔwɔ́ato Ísulɔ yeláitii mba ngáá sí í ɣɛ́i ta, “Ísulɔ yeláitii ti bih̃íngɔɔ lé kíya nɔ́ɔ nyɛɛ basángi áá ɣɛ́ na yívoi la, kɛ́ sítii taa vá ngumaawóngi w̃ááhɔlɔma taá bíh̃i kulo bɛ́lɛ.

JIMISÍ 1:1

Nyɛ́i ngí ngáá Jimisí ngí ngáá ngenge mɔ́ɔ́ Ngalá mbɛ taa Ndemɔí Jísu Kílisitii, nyá lɔ́ ngáá kɔlɔí sí vɔ́nɛ. Ngí há wú kpɛ́lɛɛ má wɛ́i wú ngáá Ngala fɛ́li mbélai wú váhangɔ hááli ndɔwɔlɔ́i kpɛ́lɛɛ su.

FAA YÁKƐ KƆ́LƆI 14:1

Kɛ ngí wɔ́lɛa, ngí Mbáálai lɔ́ i lóóni taa nuu tásu seiw̃aá hɔ́ndɔ ngiláá púu nááningɔ maah̃úú nááningɔitii (144,000) ngihéngi sí wú mbá taa tolí ngáá Sáỹa. Nungái nátii tɔ Mbaalaí taa ngí Kɛ́ɛ́ɣɛ ti laahéingi vɔ́nɛngɔ í ɣɛ́i la ti lavála.

FAA YÁKƐ KƆ́LƆI 14:3

Nuu tásu seiw̃aá hɔ́ndɔ ngilaa púu nááningɔ maah̃úú nááningɔi (144,000) sítii ti ɣɛ́i lóóni Ngalangí w̃ása kpɔkpɔngí wútuwɔ, mbéi fúlu wɔ́li nááningɔi ɛ́ɣɛ kele ɣelé mbélaitii ti ɣɛ́i lóóni na. Nungái nátii sɔ́ingi lɔ́ Ngala ngí ɣɛ́i náa ti wúmaawoi, tiyá lɔ́ nɔ́ɔ ti ɣɛ́i taa ngulé niinái sí hɔ́ɔ́lɛ. Nuu véka fíli ɛ́i belé hómbo ɔ́ɔ́ náá wɔ́li kɛ nɔ́ɔ léi tiyá.

FAA YÁKƐ KƆ́LƆI 7:5

Ndé kpambii sítii ngilá ngíla p̃ɛ́ɛ́, nuu tásu seiw̃aá púúngɔ maah̃úú félengɔ (12,000) lɔ í gúlai tí h̃u. Ndé kpambii sítii pa ti ɣɛ́i ngáá Júda, Lubɛ, Ga, Ásiyɔ, Náfutali, Mɛnasa, Símiyɔ, Lívai, Esaka, Sɛ́biyul̃ɔ, Joosɛ́ ɛ́ɣɛ Bɛ́njimai.

FAA YÁKƐ KƆ́LƆI 9:16

Sóyaitii ti ɣɛ́i soítii kɔma ti h̃ɔ́ingi tí kɛ́ni ngáá ngé ti ɣɛ́i ngáá, nuu tásu séiw̃aa tásu hɔ́ndɔ félengɔ (200,000,000).