FAA YÁKƐ KƆ́LƆI 7:3 - Kɛ́lɛ Niinaí

³ Malékai ná i ɣɛi áá ɣɛ́ ta, “Waa nɛ́ɛ́ faá ɣɛ́ ngáá ndɔwɔlɔ́i sí ɛ́ɣɛ yívoi taa ngulúitii, í ló su kpóloo ní tokovongí vú Ngalángi yénge mbeláitii tavála.”

FAA YÁKƐ KƆ́LƆI 7:3 Iomraidhean Croise

MÁFIYU 24:22

Kɛbei Ngalá ngáá ɣɛi folói nátii sɔíngi h̃uu ɣɛ́i lúkpu, nuu fíli ɛ́i belé lo ndɛɛh̃ú h̃u. Kɛ́ nungái sítii faaw̃a í lókolonga ti wa ngáá ngi vóngaa, i maa hóloitii sɔíngi h̃úu ɣɛngá lúkpu.

MÁFIYU 24:31

Búlu wói aa ɣɛ wɔɔlɔ ngwala áá hɛ. Aáva Nuu Búsa Goo H̃ú Loí aa ngi w̃álekaitii tɔve nungái sítii ngelé Ngalá ngí lókolonga ti wa ngáá ngi vóngaa, taá ti gúla ỹanda kpɛ́lɛɛ kpɛ́lɛɛ ngeleí sí wú, tí tí yatɛ́ mba ỹanda yílaa.”

NJƆÚ 12:26

Nuí fíli áá ɣɛ́ í ɣɛ ngáá ní yénge mɔɔ, kɛ maa w̃ɔ́i aa hitɛ́ pólu, kɛinɔɔ́ mbéi ngáá ɣɛ́ na, naa lɔ maa w̃ɔ́i áá ɣɛ́ na laá bɛ́lɛ. Ní Kɛ́ɛ́ɣɛ Ngalá ngáá ngufemaí he nuí sí yɛ áá ɣɛ́ ngáá ní yénge mɔɔ.”

NJƆÚ 3:33

Aáva nuí fíli áá lokohéi ngi gééla woí wu, kɛ maa w̃ɔ́i i ngakɛ́a kpál̃au ngáá Ngalá tɔwɔ́ báɣangɔɔ lé.

LÓÓMI 6:22

Kɛ́ sí h̃úi náa, wú wúmaawongɔɔ lé náá faa ỹɔ́u ɣɛ́ndai yaa aáva wú ɣɛ́a náá ngáá kíya nɔ́ɔ nduwɔ lopóa ɣɛ́ kíli Ngalá mbɛ. Ná vá ngi ndá gúlasuunumai wáá ngáá wú ɣɛ́ ngáá Ngalángi vóngaa fó fóndei tɔmbéma w̃aa fíli álaa ɣɛ́ wú wa. Ná vá tɔ áá kɛ́ ngáá háwu wú kúnafɔ lɛ́ɛ́h̃ui w̃ááhɔlɔ.

FAA YÁKƐ KƆ́LƆI 13:16

Ngakpa súwai hele kélei sí í kpáni nungáitii kpɛ́lɛɛ ma ngáá kule ngáá sítii taá ngáá ndaahéi mbá yélaa ɛ́ɣɛ sítii ti ngáá ndaahéi mbá yélaa, kpatɛ yélaa, nyaani yélaa, nduwɔá ɛ́ɣɛ nuí áá ngáá nduwɔ, ngáá í lókovondo ti yísa lokói h̃u ɔɔ ti lavála.

FAA YÁKƐ KƆ́LƆI 13:17

Nuu fíli ɛi belé ŋani yaá kɛlaa maa ɔ́ɔ́ ŋani w̃ááhiya ná ngakpa súwai sí lókovongi ɛ́i belé ɣɛ́ tóko w̃a ɔɔ tavála. Tokovongí ná lɔ́ í ngáá ngakpa súwai sí laahéingi ɔɔ í ngáá nɔ́mbai lɛ́i áá ló ndaahéingi hááw̃a.

FAA YÁKƐ KƆ́LƆI 14:1

Kɛ ngí wɔ́lɛa, ngí Mbáálai lɔ́ i lóóni taa nuu tásu seiw̃aá hɔ́ndɔ ngiláá púu nááningɔ maah̃úú nááningɔitii (144,000) ngihéngi sí wú mbá taa tolí ngáá Sáỹa. Nungái nátii tɔ Mbaalaí taa ngí Kɛ́ɛ́ɣɛ ti laahéingi vɔ́nɛngɔ í ɣɛ́i la ti lavála.

FAA YÁKƐ KƆ́LƆI 14:9

Kɛ malékai hawa kélei i vaa ná félengɔitii ti ɣɛ́i náa lɔveí íwaa ndé woo wála h̃ú, áá ɣɛ́ ta, “Nuí fíli áá hésendaa yákpa súwai sí hɛ́li ɔɔ i tokovongí w̃ááhɔlɔ lavála ɔɔ loko w̃a, ɛ́ɣɛ í kɔɔ kɔɔ ŋániitii fɛli tí kpátɛngɔ,

FAA YÁKƐ KƆ́LƆI 19:2

Ngi háá waalévendai aa ɣɛ ngáá tɔɔỹaá ɛ́ɣɛ telembo. I kɔlɔsiyá mɔ́ɔ walaí sí wáálevea ngáá kɛ aa veléi bɔw̃álale i ngeleí sí wuu ỹáánia ngáá ngí gɔ́lɔsiyangi. Ngalá tɔɔ́ faa bá ndáma, bɔw̃álale, i Ngalangí yénge mbélaitii paangɔ́.”

FAA YÁKƐ KƆ́LƆI 20:4

Kɛ ngí mása kpɔ́kpɔngaitii tɔ́a, sítii pá ti ɣɛ́i héini ti ya, ngákpa féngɔ i ɣɛ́i lá ti yaá ngáá tí núngaa gɔ́sɔ. Ngi mɔ́ɔ́ sítii ti yáfuw̃angaitii tɔ́ni tí tí vááni sífaa tí Ngala ngói lení taá tɔ́ɔ́ỹai kɔwɔ́ato sítii kínɛi mbá Jísu í ngákɛni ngáá ti ye, ɛ́ɣɛ taá kɛí tɔ́ɔ ngakpa súwai ɔɔ kɔɔ kɔɔ́ ŋáni ta hɛlí aáva taá ngákpa súwai sí lókovongi vúi lávala ɔɔ loko h̃u. Ti vái ndɛɛh̃úi h̃u, tí ɣɛ́ ngáá masa ngwála wála taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 22:4

Taá yááh̃u lá Ngalá ma aáva Ngalá ndaahéingi vɔ́nɛngɔ aa ɣɛ lá ti lavála.

FAA YÁKƐ KƆ́LƆI 6:6

Kɛ ngí mɔ́ɔ ngoí ta ỹɛ́ninga í ɣɛ́ nuu wóo áá gúla fúlu wɔ́li nááningɔitiini ndiiwáá, i ɣɛ ta, “Nungáá tɔ́ɔ ɣɛ́ taá yénge kp̃ái folói w̃a, tí kɔ́pu félengɔ kpé ngíya mɛɛní sí h̃u taa tolí ngáá wíítii ngáá maa gápangi ɔɔ ná náa láá lé, tí kɔ́pu ngɔ́hitangɔ kpé ngíya mɛɛní sí h̃u taa tolí ngáá báálei ngáá maa gápangi. Kɛ́ ndɔɔ yilíndai ɛ́ɣɛ ngúlɔ bátɛndai ti w̃áá álaa léve.”

FAA YÁKƐ KƆ́LƆI 7:1

Ná sí í gúlai su, ngí malékaa nááningɔ lɔ́ni lóóni ndɔwɔlɔ́i gaká nááningɔi w̃a táá fɛfɛ nááningɔi h̃úúhou ngáá kɛinɔɔ́ fɛfɛ ngákpangɔ álaa vá ndɔwɔlɔ́i h̃u ɔ́ɔ́ yívoi ɛ́ɣɛ ngulúitii suu lika líka.

FAA YÁKƐ KƆ́LƆI 7:2

Kɛ ngí mɔ́ɔ malékai ta lɔngá áá gúla ngáá foló gúla máa veleí áá vá, Ngalangí sí ndɛɛh̃úi í su, ngi lókovongi í ngeyá. Malékai sí í yɛpɛní woo wála h̃u malékaa nááningɔitii ngelé tiyɛ́i Ngala ngí ngákpa féi tí yáa ngáá tí ndɔwɔlɔ́i ɛ́ɣɛ yívoi ỹááni.

FAA YÁKƐ KƆ́LƆI 9:4

Tí ndéni ti w̃a ngáá tálaa faa fíli kɛ́ ngáá kpitingí ɛ́ɣɛ ngulúitii taa sí ŋani vékaitii kpɛ́lɛɛ kɛ nɔ́ɔ́ léi nungáitii Ngalangí lókovongi ɛ́i ɣɛ́ ɣɛ́ni tí lavála.