FAA YÁKƐ KƆ́LƆI 7:2 - Kɛ́lɛ Niinaí

² Kɛ ngí mɔ́ɔ malékai ta lɔngá áá gúla ngáá foló gúla máa veleí áá vá, Ngalangí sí ndɛɛh̃úi í su, ngi lókovongi í ngeyá. Malékai sí í yɛpɛní woo wála h̃u malékaa nááningɔitii ngelé tiyɛ́i Ngala ngí ngákpa féi tí yáa ngáá tí ndɔwɔlɔ́i ɛ́ɣɛ yívoi ỹááni.

FAA YÁKƐ KƆ́LƆI 7:2 Iomraidhean Croise

MÁFIYU 16:16

Kɛ Sáimɔ Pítɛ í ngoo yápotenga, i ɣɛ ma, “Yá lɔ́ yí ngáá Ngalángi Lókolo Mbá W̃ɔ́i ngumaawóngi hááw̃a, Ngalángi sí í ndɛ́ɛh̃ui h̃ú kúnafɔ, ngi H̃íỹɛndou Loí waa ngáá í ye.”

MÁFIYU 26:63

Kɛ́ Jísu i w̃aa ɣɛí ló. Ngala sááɣa gula mbélai ti wutúwɔɔ w̃ɔ́ɔ́ wálai ná i mɔɔ yɛpɛí Jísu yelé, i ɣɛ ma, “Ndɛɛh̃u Yálangi laahéingi h̃u, ngí í wálanga kpɛɛna mbú. Nde ni w̃a, ná yá lɔ yáá ɣɛ́ ngáá Ngalángi Lókolo Mbá W̃ɔ́i, Ngalángi H̃íỹɛndou Loí.”

NJƆÚ 6:27

A waa yénge mɛɛníi sí hááw̃a ɛ́i lɛ́mbi, kɛ́ aá ɣéle, a yenge mɛɛníi sí hááw̃a áá lɛ́mbi aáva wáá kúnafɔ lɛ́ɛ́h̃ui w̃aahɔ́lɔ su. Mɛɛníi sí nuí síí w̃ɔ́i taa ɣɛ́ ma Nuu Búsa Goo H̃ú Loí áá fé wú yáá. Sífaa, laa lɔ Ngalá ngí ngakpá féngɔ ngeyá í ngáá Kɛɛɣɛi Ngalá tókovongi í ma.”

KƆ́L̃E GƆ́LƆI HELE KÉLEI 1:22

ɛ́ɣɛ i lokovo ndónga mu w̃a ngáá kɛ muỹá lɔ ngáá ngi vóngaa. Ngalá tɔ í kɛ́a ngáá háwu ngi H̃ɛ́ɛ́ma Ỹínangi í mu volu ngakɛ́ fááw̃a ngáá kuulóngitii mbóngɔ ngáá mu ye tiyá lɔ́ɔ vá hítɛma nga.

Ɛ́FƐSƆ 1:13

Wá bɛ́lɛ nɔ́ Ngala ngí wú ɣɛ́i ngáá ngi vóngaa ná wú tɔɔỹaá gééla woo vandaí ỹɛ́nini, wú lá lá. I wú wumááwoni, wú lá ngáá Kílisitii aáva Ngalá ngi ngakɛ́a ngáá muỹa lɔ ngáá ngi vóngaa ngáá Hɛ́ɛ́ma Ỹínangi í maa gúúlo mbóni, í kɛ́a ngáá háwu í mu vólu.

Ɛ́FƐSƆ 4:30

Wálaa Ngalángi Hɛ́ɛ́ma Ỹínangi w̃ááw̃aanu ngáá ngoo ỹɔ́u ỹɔ́u ndendáá. H̃ɛ́ɛ́ma Ỹínangi lɔ áá ngakɛ́ ngáá kɛ wá lɔ ngáá Ngalángi vóngaa, í mɔ́ɔ ngakɛ́ ngáá kɛ táingi lɔ́ɔ fólo ma Ngalá ngí wú wúmaawo.

TƐSALÓNIKA HESENDAA GƆLƆÍ 1:9

Nungáitii kpɛ́lɛɛ tiyá lɔ́ɔ ndé kíya wú lókoheini ni wú ná h̃u ni vái wú yéle. Ná vólu, kíya wú vólu yáfengɔ kɔɔ kɔɔ́ ŋániaitii mba nungáá taa ti yeɣé ngáá ngalángaa wú pɛ́lɛ Ngalá fɛ́li ma, lɛ́i ngilaá kpé í ngáá tɔɔỹaá Yálangi laáva ndɛɛh̃u í su.

TÍMOTI GƆ́LƆI HELE KÉLEI 2:19

Kɛ́ Ngala tɔɔỹáa geela woí gulangɔ́ɔ́ lé ngáá pɛlɛ́ gɔ́wɔ h̃úúbangɔ Ngalá ngí sítɛngɔ ɛi liilí. Ngói sítii pá pɔnɛngɔ́ pɛ́lɛ gɔ́wɔi sí w̃á tiyá waa ngáá sí í ɣɛ́ngɔ tá, “Ndemɔí Ngalá ngi kɔlɔ sítii tí ngáá ngi vóngaa” aáva “Nuí fíli áá ɣɛ́ ta aa lɔ Ngalá fááw̃a, kɛ maa w̃ɔ́i í vólu yáfe faa ỹɔ́u ɣɛ́ndai wa.”

HÍBULU 12:22

Kɛ́ aá ɣéle wú ndái ɣɛ kíli gulangɔ́ɔ́ lé nɔ́ɔ́ ngáá wú váánga ngihé ngwálai sí gákala taa tolí ngáá Sáỹa, wú vá taa walái sí h̃u taá náá lolí ngáá Jɛlúsɛl̃ɛ í ngáá ngelegóóh̃u gélei naa w̃álekaitii ti yambɔ́ɔ́lɔngɔ walaí. Jɛlúsɛl̃ɛi sí lɔ́ na Ngalá fááw̃a lɛ́i í ndɛɛh̃ú h̃u kúnafɔ.

FAA YÁKƐ KƆ́LƆI 1:3

Aá lɔ́ ngáá faa vánda nuí sí w̃ɔ́i hááw̃a áá kɔ́lɔi sí gála. Aá lɔ́ mɔ́ɔ ngáá faa vánda sítii faaw̃a taá wólilo Ngala ndaa háá lé mɔ́ɔ woo vili ngói sí w̃á tí híya ngáá sítii kínɛi pɔnɛngɔ́i kɔlɔí sí h̃u, bɔw̃álale kuí h̃úú áá mɔ́ɔ gooh̃á sítii tí lengɔ́i kɔlɔí sí h̃u táá vá ɣɛ́ma.

FAA YÁKƐ KƆ́LƆI 10:1

Ná ná í gúlani su, ngí mɔ́ɔ ngakpa máleka wala lɔní íwaa gúla ngelegóóh̃u. Njɛ bilíí i ɣɛi malékai sí w̃á kíya kula áá ɣɛ́ nuu w̃a. Ngungí w̃ááyele mbélengɔ ngáá ngele gílangi. Ngaah̃úi i ɣɛi áá hólo í ɣɛ́ foló yákpangɔ hólo, kɔwɔ́i w̃aa í ɣɛ́i áá hólo míl̃a mil̃a kíya nɔ́ɔ ngɔmbu gɛhɛ́ wála.

FAA YÁKƐ KƆ́LƆI 10:4

Ná léi tí bɔ́ɔ́lɔni, ngí ɣɛ́i loí ngí sítii pɔnɛ tí ndéni kɛ́ ngí ngói ỹɛ́nini í gúla ngelegóóh̃u, i ɣɛ ma, “Faí sítii ngele bandɛ́ ngɔ́felangɔitii tí ndéngɔ kɛ ngáá ndɔɔwu h̃u haa, yálaa ti vɔ́nɛ!”

FAA YÁKƐ KƆ́LƆI 16:12

Kɛ malékai wɔhíta kélei i vaa í ngí ndá váningi h̃u háá bamaí vú njɛ wálai sí yá taa tolí ngáá Yufuleti. Njɛ wáalai ná i yɛɛlii kɛinɔɔ́ ndɔwɔlɔ w̃ásangai sítii táá gúla ngáá foló gúla máa veleí h̃úú véle tí pele w̃ááhɔlɔ.

FAA YÁKƐ KƆ́LƆI 5:2

Ngí mɔ́ɔ maléka yakpángɔ wála lɔní íwaa wóo gúla ngáá mɔɔningí, áá ɣɛ́ ta, “Éle lɔ́ kulaɣɛngɔ́ ngáá nuu ngáá áá hómbo í tókovongi sítii máaleve í ndááwo?”

FAA YÁKƐ KƆ́LƆI 8:3

Kɛ maléka veka í váánga, í ló Ngala saáɣa gula tútui gakála góóli vaningí í ngeyá taá ngɛí w̃ááku nɛ́ɛ́ nɛɛngi sí w̃ɔ́ sú taa tolí ngáá ísɛngi. Tí ísɛngi héni ngeyá bih̃í ká ká ngáá í kpáha Ngalangí vóngaitii tí Yála fɛli ngói wa ngáá tí pú góóli haáɣa gula tútui w̃a í lóni masa kpɔ́kpɔngi gakála.

FAA YÁKƐ KƆ́LƆI 9:14

Kɛ ngoí sí i lengá malékai wɔhíta kélei ná w̃a, í ɣɛ ma, “Nyaama w̃álekaa nááningɔi nátii fuló tí lói njɛ wálai sí la taa tolí ngáá Yufuleti!”

FAA YÁKƐ KƆ́LƆI 9:4

Tí ndéni ti w̃a ngáá tálaa faa fíli kɛ́ ngáá kpitingí ɛ́ɣɛ ngulúitii taa sí ŋani vékaitii kpɛ́lɛɛ kɛ nɔ́ɔ́ léi nungáitii Ngalangí lókovongi ɛ́i ɣɛ́ ɣɛ́ni tí lavála.