FAA YÁKƐ KƆ́LƆI 7:17 - Kɛ́lɛ Niinaí

¹⁷ bɔw̃álale Mbaalaí, í masa ngwálai bɔ́kpɔngi béla, aá lɔ́ɔ ɣɛ́ ngáá tí w̃ááh̃u béle mɔ́i. Laá lɔ́ ngáá ti w̃ááh̃u béle mɔ́i kíya nɔ́ɔ mbaala w̃ááh̃u bele mɔ́i í na. Aá pele ɣɛ ngáá ti ye áá lí í tó ndɛɛh̃u w̃ááhɔlɔ njɛ́i wa. Ngalá tɔ́ɔ vá ti yaah̃ú wɔ́lɔyɛi kpɛ́lɛɛ kpálema tí yaah̃ú.”

FAA YÁKƐ KƆ́LƆI 7:17 Iomraidhean Croise

MÁFIYU 2:6

‘Wɛ́i wú ngáá Bɛ́tileh̃ɛ yeláitii, Júda lataí h̃u, wú lɔ́wɔ yánjeingɔ láá le, Júda lataí h̃uu láá wala walaítii ndiiwáá, tiyɛ́i ti lɔwɔ́itii tɛ́ngɔi. Wú lɔ́wɔitii tɛngɔ́ɔ́ lé bɔw̃álale ngutuwɔ́ w̃ɔ́ɔ́ lɔɔ vá gúlama wú h̃ú, lɛ́i áá ɣɛ́ ní vóngai maah̃u tiyɛ́i tí ngáá Ísulɔ yeláitii.’ ”

MÁFIYU 5:4

Nungái sítii ti w̃ááw̃aanungɔ, aa lɔ́ ngáá faa vánda ti haáw̃a, sífaa Ngalá tɔ́ɔ vá ti liiyápɔpɔma.

NJƆÚ 10:11

Nyá lɔ ngí ngáá mbaala w̃ááh̃u belé mɔ́ɔ vandaí. Mbaala w̃ááh̃u belé mɔ́ɔ́ vandaí aa lɛɛh̃úi gúla kɛlɛ́ma mbaalaítii mbɛ.

NJƆÚ 10:14

Nyá lɔ ngí ngáá mbaala w̃ááh̃u béle mɔ́ɔ vandaí. Kíya nɔ́ɔ Kɛɛɣɛi Ngalá ngí kɔ́lɔ ele wáá ngáá ngé aáva nyá bɛ́lɛ nɔ ngí kɔ́lɔ ele wáá ngáá laa, ngimɔ́ɔ́ ngí ní wáálaitii kɔ́lɔ, tiyá bɛ́lɛ ti kɔ́lɔ. Aáva ngí lɛɛh̃úi gúlangɔ kɛlɛma mbaalaítii faaw̃a.

NJƆÚ 4:10

Kɛ Jísu i ngoo yápotenga, i ɣɛ ma, “Bele yí ɣɛ́i Ngalá fémbɛ wɔlíngi wɔlɔ́ ɛ́ɣɛ nuí sí íwaa í w̃ɔ́ɔ́ni kpɔ́le yɛ́i hááw̃a yɔ́ɔ́ ɣɛ́ ɣɛi maa w̃ɔ́i w̃ɔ́ɔ́nini aáva ɔ́ɔ́ ndɛɛh̃ú w̃aahɔ́lɔ njɛ́i he í yáá.”

NJƆÚ 4:11

Nyah̃ápoi i ngoo yápoteni, i ɣɛ ma, “Kawálai, ŋani fíli aa í yáá yɔ́ɔ́ njɛ wúli la, bɔ́ki aa í yáá aáva njɛlowái suuhulungɔ́ɔ́ lé. Míl̃inda lɔ́ naa yáá ndɛɛh̃ú w̃aahɔ́lɔ njɛ́i sí hɔ́lɔ na?

NJƆÚ 4:14

Kɛ́ nuí fíli áá njɛí sí bɔ́le ngáá fe ngeyá, njɛ w̃ɔní ɛi mɔɔ maa w̃ɔ́i hóu kúnafɔ, laáva aa kúnafɔ lɛ́ɛ́h̃ui he mbɛ. Tɔɔỹáá hááw̃a njɛí sí ngáá fé maa w̃ɔ́i yaá aa ɣɛ maa w̃ɔ́i h̃u ngáá njɛí sí ɣɛ kíli áá gúla ndɔwɔlɔ́i wu púi púi.”

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

PÍTƐ HESENDAA GƆLƆÍ 5:2

sí ngíwaa nde wú w̃a aá wáa ngáá sí, a ɣɛ́ wáá Ngala fɛ́li mbélaitii ti háá yeɣé ngáá loko félengɔ kíya nɔ́ɔ mbaala w̃ááh̃u béle mɔ́i áá mbaalaítii ti hái yeɣé. Ná wáá ngáá, sítii Ngalá ngáá ɣɛ kɛ́i ngáá háwu wáá ɣɛ́ ngáá ngutuwɔ́ yélaa ti hááw̃a. Laáva wú kɛ ndiiwolé w̃ááh̃u kíya Ngala ndóngɔ wú kɛ, kɛ́ wálaa kɛ́ kíya nɔ́ɔ taa ɣɛ́ wú bándangɔ nga ngáá wú kɛ. Wálaa ɣɛ́ wáá kɛ nɔ́ɔ ngáá wú ŋani hɔ́lɔ polú véle h̃u, Kɛ́ aá ɣéle, wú kɛ sífaa wú lóngɔ wú kɛ.

FAA YÁKƐ KƆ́LƆI 14:4

Nungái sítii tɔ faa ỹɔ́u fíli áá ɣɛ́i ti h̃u, ná wáá ngáá, nápa taá ɣɛí faa fíli kɔ́lɔ kɔwɔ́ato nyah̃á háá wa. Tiyá lɔ́ɔ Mbaalaí sí vólu mbéi fíli áá lí na. Tiyá vá tɔ́ mɔ́ɔ ti wúmaawongɔ ngeleí sí wu. Nungáitii su, tiyá hése tɔ́ tí Ngalá ɛ́ɣɛ Mbaalaí hááw̃a.

FAA YÁKƐ KƆ́LƆI 21:22

Ngáá Hɛ́ɛ́ma Yála Pɛ́lɛ lɔí taa walái ná h̃u, bɔw̃álale Ndemɔí Ngalá ɛ́ɣɛ Mbáálai tiyá lɔ́ tí ná ngáá Hɛ́ɛ́ma Yála Pɛ́lɛi hɔ́wɔ fíli.

FAA YÁKƐ KƆ́LƆI 21:23

Taa walái sí aa ɣɛi bɛndɛí fólo hááw̃a taá ngálu, bɔw̃álale Ngalángi múw̃a muw̃angí lɔ́ áá naa ɣɛ́ kpál̃au. Mbaalaí lɔ í ná ngáá lámbongi.

FAA YÁKƐ KƆ́LƆI 21:4

Aa ti yaah̃ú wɔ́lɔyɛi kpɛ́lɛɛ kpále ti yaah̃ú. Aáva sái ɛ́ɣɛ ndiihoolɛ́ ɛ́ɣɛ ngɔ́lɔ taá ndúwu ya fuulɛ́ ɛ́i mɔ́ɔ la ti w̃a kúnafɔ. Faa vɔ́lɔitii taa ɣɛ́ náa vilái.”

FAA YÁKƐ KƆ́LƆI 21:6

Í mɔ́ɔ́ ɣɛ ta, “I vilánga! Nyá lɔ́ ngí ngáá hésenda w̃ɔ́i faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i. Nuí fíli njɛ w̃ɔní áá ɣɛ́ ma, ngáá naa gúla kɛlɛ́ma mbɛ ngáá í njɛ́ w̃ááhɔlɔ áá ndɛɛh̃ú hé ngáá í kpɔ́le aáva ɛi sɔw̃ɔ he.

FAA YÁKƐ KƆ́LƆI 22:1

Malékai í mɔ́ɔ ndɛɛh̃ú w̃ááhɔlɔ njɛ́ wálai ɣɛ́i ngáá ngé ngaséɣengɔ kpál̃au kíya nɔ́ɔ mɛl̃ɛ mɛl̃ɛ í na. Njɛí sí i ɣɛi áá gúla mbéi Ngála ɛ́ɣɛ Mbaalaí ti w̃ása kpɔkpɔngí í na.

FAA YÁKƐ KƆ́LƆI 4:11

“Ni Lemɔ́i ɛ́ɣɛ ni Yálangi, yá lɔ́ í gúlaɣɛngɔ ngáá nuu ngáá yí sɛ́ɣɛɛ gula ma w̃ááhɔlɔ taá ngufema. Ná vólu, yí ndaaw̃áálɛ mááhɔlɔ í yákpangi hááw̃a. Sífaa yí ngélewu kpɛ́lɛɛ kpátɛngɔ aáva i ɣɛngɔ ngáá í háá h̃úubatɛ ngáá yí kɛ́ngɔ ngáá háwu tí ɣɛ́ na aáva yí ndɛɛh̃ú vú tí h̃u.”

FAA YÁKƐ KƆ́LƆI 5:6

Kɛ ngí Mbáálai lɔ́nga í lóóni masa ngwálai bɔ́kpɔngi béla, maayéle mbélengɔ ngáá fulú wɔ́li nááningɔi ɛ́ɣɛ kele ɣelé mbélaitii, kulangɔ́ ngáá tí ɣɛ́i paaní pɔlɔ w̃a. Ndowói i ɣɛi Mbalaí sí wú mba wɔféla, ngaah̃úi i mba wɔféla. Ngaah̃úi nátii pa tɔ tí ngáá Ngalangí ỹína ngɔ́felangɔitii tí tí lɔ́vengɔ ngeleí sí wu kpɛ́lɛɛ.