FAA YÁKƐ KƆ́LƆI 6:8 - Kɛ́lɛ Niinaí

⁸ Ná ngí wɔ́lɛni na, ngí soí tá lɔ́ni lói na maí i ngáá báhi wúú bóólengɔi. Soí sí híya mɔ́i laahéingi i ɣɛi ngáá Sái. Nuí síí w̃ɔ́i vá taá ɣɛ́ ma Saa Yeláitii Tí Ỹándai, i ɣɛi héini soí sí gɔ́ma Sái í ɣɛ́i áá síya. Tí ngákpa féni tí yaa ngáá nungáitii kpɛ́lɛɛ tí ngélewu tí wɔ́lɛ su ngáá séiw̃aa nááningɔ tí séiw̃aa yílangi váá ngáá kɔ́ɔ, ndɔlɛ, seebɛ ɛ́ɣɛ ngákpa suwaítii.

FAA YÁKƐ KƆ́LƆI 6:8 Iomraidhean Croise

MÁFIYU 11:23

Wɛ́i vangí wú ngáá Kapɛ́ɛ́niya taa h̃u yélaitiini, aa lɔ́ wú gí ma ngáá wú wú nga tɔ́ɔ́ vá yóóɣema í lɛ́ í tó ngeleí wa? Kpéle, wú wú nga tɔ́ɔ́ va yéima ndɔwɔlɔ́i wa fáli. Kááma haítii ngí ti ɣɛngɔ́ wú lái h̃u, kɛbei ngí ɣɛ́i ti ɣɛí taí sí h̃u tɔ́ɔ́ naa lolí ngáá Sɔ́dɔu Ngalá ngí naa ỹáánini sífaa ti ỹáámangɔ í ɣɛ́i la, maa lái ɔ́ɔ́ ɣɛ́ ɣɛi loí na í ló su sí h̃úi í fólo!

MÁFIYU 24:7

Híítii taa ɣɛ́ taa lápi ngáá ỹɔw̃ɔ́ ỹɔ́w̃ɔ. Ndɔwɔlɔ́ wú ngiláángi aa ɣɛ áá lápi ngáá ndɔwɔlɔ́ wú pékai. Ndɔlɛí aa ɣɛ áá gúla, ná vólu, ndɔwɔlɔ́i aa ɣɛ áá bɛ́li, íwaa vú su ỹandá kpɛ́lɛɛ kpɛ́lɛɛ.

KƆ́L̃E HESENDAA GƆLƆÍ 15:55

Pɔnɛngɔ́ɔ́ lé mɔ́ɔ́ ngáá sí, “Saí, í ndái aa ndongɔ ma. Ngakpá ngáá í yáa yáá ỹánda héi la ni wa.”

FAA YÁKƐ KƆ́LƆI 1:18

Nyáá le, nyɛ́i ngí ndɛɛh̃úi h̃u! Sáángɔ i ɣɛngɔ lá, kɛ́ nyá lɔ́ mɔ́ɔ ndɛɛh̃ú h̃ú kúnafɔ fááw̃a. Ngakpá tɔ́ ngéya saa w̃ááh̃u ɛ́ɣɛ saa yelái ti ỹándai.

FAA YÁKƐ KƆ́LƆI 12:4

Temúleɣaitii kínɛi ti ngélei yá, ná tɔ́ɔ wɔ́lɛ sú sáwa ɔ́ɔ́ seiw̃aá yílaangi ná kpɛ́lɛɛ kpó kpói ngáá wóngi í pú ngélewu. Kaalíi sí i ɣɛi lóóni nyah̃ápoi sí gakála ngáá í ngí lói ỹɛ́ ná nɔ́ɔ́ léi ɔ́ɔ́ ndoí le.

FAA YÁKƐ KƆ́LƆI 9:15

Tí maléka nááningɔi nátii fulóni náa tí ɣɛ́ kíli batɛngɔ́ í ɣɛ́i lá ngáá tí nungáitii paá háwai ná kái kái má í fóloi ná kái kái sú, í ngálungi ná kái kái sú, í fówoi ná kái kái sú. Ná wáá ngáá nungáitii kínɛi tí ngélewu ná táá wɔ́lɛ su sáwa, tí seiw̃aá yílangi váa.

FAA YÁKƐ KƆ́LƆI 9:18

Nungáitii kínɛi tí ngélewu ná taá wɔ́lɛ su sáwa, ti heiw̃aá yílangi lɔ́ faa bámai sítii tí tí vááni. Ná wáá ngáá, ngɔmbuí, nduulií ɛ́ɣɛ ngɛingí ná áa w̃ɔ́ ngwála kíya nɔ́ɔ fukú í ná maakungí ỹɔ́ungɔ taá ɣɛ́ taá gúla soítii nda.