FAA YÁKƐ KƆ́LƆI 6:2 - Kɛ́lɛ Niinaí

² Ná ngí wɔ́lɛni na, ngí sóó woléngi lɔ́ni lói. Soo woléngi sí híya mɔ́i kilángi ɛ́ɣɛ ndékpai i ɣɛi ngeyá, tí masa mbɔ́ɔ́lɔi he ngeyá. Soo woléngi sí híya mɔ́i gúlangɔ i ɣɛ́i lá ngáá wúluba ngi ndá áá ndó ma, i ɣɛi áá lí ngáá ngi ndá í ndóma múl̃ɔ kɔɔ h̃u.

FAA YÁKƐ KƆ́LƆI 6:2 Iomraidhean Croise

MÁFIYU 28:18

Kɛ́ Jísu i vuuvaní ti béla, i ɣɛ ti w̃a, “Ngakpángi sí í ngelegóóh̃u ɛ́ɣɛ ngeleí sí wu, Ngala ngí ti hénga ngéya.

KƆ́L̃E HESENDAA GƆLƆÍ 15:25

Kɛ Kílisitii í lo ngi w̃ásandai h̃u í ló su kpóloo Ngalá ngí mbaahílima yélaitii kpɛ́lɛɛ pú í gɔ́wɔ wú.

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 11:18

Sítii taá ngáá í vóngaa ti liiyaw̃ál̃angɔ i ɣɛngɔ lá ngwala, bɔw̃álale faa bámai yáá vá ndáma ɛ́ɣɛ saa yeláitii ti gɔsɔ́ndai i folóa ma. Kuí i folónga ma ngáá yáá vá náa í yénge mbeláitii maaỹáá féma, ná wáá ngáá, í láa haa lé mbélaitii, ɛ́ɣɛ í vóngaitii kpɛ́lɛɛ tiyɛ́i í wúfema í tí yaá, sítii ti ngáá ndaahéi mbá yélaa ɛ́ɣɛ sítii taa ngáá ndaahéi mbá yélaa. Kuí i folónga ma yáá vá sítii kɛ kíli ỹaanimá táa ngelewuí sí ỹááni!”

FAA YÁKƐ KƆ́LƆI 14:14

Kɛ ngí wɔ́lɛa, ngí njɛ bilí wólengi lɔ́, ŋani tá i ɣɛi njɛ bilí ná yá kulangɔ́ ngáá nuu búsa. Góóli w̃ása mbɔ́ɔ́lɔi í ngu mba ɛ́ɣɛ mbowá yándiili mbɔɔlɔngɔ́ i ngeyá.

FAA YÁKƐ KƆ́LƆI 15:2

Kɛ ngí ŋáni lɔ́a kulangɔ́ ngáá yívo kpatɛngɔ́ ngáá mɛl̃ɛ mɛl̃ɛí supungɔ́ ngáá ngɔmbuí. Nungáitii ti ɣɛ́i lóóni yívoi sí béla mbakaí Ngala ngí féni ti yaa, í tí yaá. Nungái nátii tɔ ti hómboi hésendaa yakpa suwaí sí w̃á ɛ́ɣɛ kɔɔ kɔɔ́ ŋáni tí kpátɛi kulangɔ́ la aáva taa tokovongí yéɣeni í ngáá nɔ́mbai áá ló ndaahéingi hááw̃a.

FAA YÁKƐ KƆ́LƆI 17:14

Ngakpa súwai sí ɛ́ɣɛ ngí w̃ása púúngɔitii, tiyá lɔ́ vá ndapi vɛ́lɛma Mbaalaí wá. Kɛ́ Mbaalaí taa polú yélaitii tiyá lɔ́ɔ hómbo ngakpa súwai sí w̃a ɛ́ɣɛ polú yélaitii. Mbaalaí sí lɔ́ ngáá Ndemɔí nde mbélaitii kpɛ́lɛɛ fááw̃a ɛ́ɣɛ masa ngwálai masangáitii kpɛ́lɛɛ fááw̃a aáva polú yélaitii mbaa ngáá sítii Ngala ngí ti lolíngɔ, í lókolo tí wa aáva ti lɔwɔbáɣangɔ ngeyá.”

FAA YÁKƐ KƆ́LƆI 19:14

Ngelegóóh̃u hóyaitii ti ɣɛ́i polú tí soo woléngaitii kɔma, ti w̃ááyilingɔ ngáá kula wolé pándaitii ti wúyangɔ fó.

FAA YÁKƐ KƆ́LƆI 3:21

Wɛ́i wú ndái áa ndoma, ngáá lúw̃a ma wú héi kpéla ní w̃ásandai h̃u kíya nɔ́ɔ ní ndái í ndóngɔ ma ngí héini ní Kɛ́ɛ́ɣɛ bélaa ngi w̃ásandai h̃u.

FAA YÁKƐ KƆ́LƆI 9:7

Babangái nátii kɛ kíli gulangɔ́ i ɣɛi lá ngáá kíya nɔ́ɔ sooní kɛ kíli batɛngɔ́ áá ɣɛ́ lá kɔɔ haáw̃a. Mbɔɔlɔí ta i ɣɛi vɛ́lɛni tí wú mbá kpatɛngɔ́ ngáá góóli, kulangɔ ngáá masa mbɔ́ɔ́lɔ. Tí yaah̃úitii kulangɔ́ ngáá nuu yááh̃u ɣɛ́ kíli.