FAA YÁKƐ KƆ́LƆI 6:16 - Kɛ́lɛ Niinaí

¹⁶ Nungái sítii tí woo gúlani, tí ɣɛ́ ngihéitii ɛ́ɣɛ kɔtuítii ma, “A vú ni w̃a, wú ni w̃áálɔɔwu nuí síí w̃ɔ́i yáa í héini masa ngwálai bɔ́kpɔngi yá ɛ́ɣɛ faá bámai áá gúla Mbaalaí yáa!

FAA YÁKƐ KƆ́LƆI 6:16 Iomraidhean Croise

MÁFIYU 26:64

Jísu i ngoo yápoteni, i ɣɛ ma, “Ngimɔ́ɔ́ yí ndéa, kɛ́ ngí nde wú kpɛ́lɛɛ má, í síɣe náa háá w̃a í lí naa lúwɔ, wá lɔɔ vá nuí síí w̃ɔ́i taa ɣɛ́ ma Nuu Búsa Goo H̃ú Lói lɔmá héini ngufema ỹándai Ngakpa Ngála Ngwalaí béla masandáá h̃u. Wáa tɔ i héini njɛ bilíítii nga áá vá.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:5

Jísu i ti beléni ngáá ndiiyaw̃ál̃a, kɛ́ maaw̃áánungɔ i ɣɛi lá ti haáw̃a ngáá ngu suu bá ndíi í ɣɛ́i ti góó ya. Kɛ i ɣɛa siỹɛndópoi w̃a tokoí háángɔ í ɣɛ́i lá mba, “Loko h̃úúhulo mbo.” Ná í lokoí h̃úúhulo mbóni aáva tokoí i walóni náa fó.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:30

Táingi na h̃uu lɔ nungáitii taa ɣɛ́ taa ɣɛ́ fasá yiheítii ma, ‘A h̃undɛ́ ni w̃a,’ ti ɣɛ́ ngihéi w̃a, ‘Ni w̃áá bɔ́lu!’

FAA YÁKƐ KƆ́LƆI 10:6

Í kɛ́lɛ ngeɣé Ngalángi sí laahéingi h̃ú í ndɛ́ɛ́h̃u h̃ú kúnafɔ taá ngí ndá gúnafɔ, lɛ́i í ngélewu bátɛngɔ, í yívoi bátɛ ɛ́ɣɛ sítii kpɛ́lɛɛ tí na. Kɛ maa w̃álekai i ɣɛa ta, “Maa lamál̃a péka fíli ɛi mɔɔ ɣɛ su,

FAA YÁKƐ KƆ́LƆI 19:15

Mbówa hɔ́kpɔ yándiilingi sí áá vá hómboma lá ndɔwɔlɔ́itii ma ngeleí sí wu i gúlai nda. Aa bandí bándi héi ti w̃a ngí w̃ásandai h̃u aáva aa lɔ́ ti yanjɔ́wɔlɔ mbéi i ngáá Ngakpa Ngála Ngwalaí lííyaw̃al̃a walaí ỹándai áá faa bá ngwála la ná nungáitii ma ti háá ỹɔítii fááw̃a.

FAA YÁKƐ KƆ́LƆI 20:11

Kɛ ngí mása kpɔ́kpɔ kóle ngwalaí lɔ́a nuí ta í héini su. Ndɔwɔlɔ́ ɛ́ɣɛ ngéleya ti kpɛ́lɛɛ ti ỹɛ́ɛ́nɛi kákala kúnafɔ fááw̃a tɛí belé mɔ́ɔ́ lɔ́.

FAA YÁKƐ KƆ́LƆI 4:2

Ngáma nɔ́ɔ kɛ Hɛ́ɛ́ma Ỹínangi i vúnga sú, ngí ngelegóóh̃u lɔ masa ngwálai bɔ́kpɔngi i na nuí tá i héini su.

FAA YÁKƐ KƆ́LƆI 4:5

Mbéi masa ngwálai bɔ́kpɔngi sí í na, ngeleí i ɣɛí áá ɣɛ́ na míỹa míỹa, ngele bandɛ́i áá bɔ́ɔ́lɔ na, ngoí yángi w̃ɔ́nu na. Ngalí ngɔ́felangɔ i ɣɛi lóni masa ngwálai bɔ́kpɔngi gákala áá hó. Ngalí ngɔ́felangɔi nátii tɔ ti ngáá Ngalangí ỹína ngɔ́felangɔitii.

FAA YÁKƐ KƆ́LƆI 4:9

Fulú wɔ́li nááningɔi sítii ti ɣɛi taá Ngalá ndaaw̃áálɛ taá ngufema hé mbɛ́ taá sɛ́ɣɛɛ gulá ma ngule h̃u, lɛ́i í héini masa kpɔ́kpɔngi h̃u kúnafɔ taá ngí ndá gúnafɔ. Ná taá ná ɣɛ́,

FAA YÁKƐ KƆ́LƆI 5:1

Ngí kɔ́lɔ w̃ááɣalangɔi lɔní í hóuni nuí síí w̃ɔ́i yísa lokói ya í héini masa ngwálai bɔ́kpɔngi h̃u. Kɔlɔ w̃ááɣalangɔi sí w̃áá vɔ́nɛngɔ i ɣɛí lá kaká félengɔi w̃a, tokovo ngɔ́felangɔ i mba ngáá ndaabɔ́lumaa.

FAA YÁKƐ KƆ́LƆI 6:10

Ti ɣɛ́i taá yɛ́pɛ woo wála h̃u, táa ɣɛ́ ta, “Ndemɔí Ngakpa Mɔ́ɔ́ Wálai, yɛ́i sí faa ỹɔ́u áá í h̃u aáva í lɔ́ɔ́ỹangɔ, kuí bɛ́ɛ́ lɔ́ áá fólo ma sítii tí ní váángɔ ngeléwu yɔ́ɔ́yaa tí waaléve ngáá táa vélei, yí fáá bá ndá tí w̃a?”

FAA YÁKƐ KƆ́LƆI 9:6

Ngalú ndɔ́ɔ́lungɔi ná láá lówah̃u, nungáá taa ɣɛ́ taa saa w̃ɔní mɔ́ni kɛ, kɛ́ tɛ́i mbó. Taá ɣɛ́ loí tí há, kɛ́ tɛ́i mbó. Sái áa lɔɔwú tí wa.