FAA YÁKƐ KƆ́LƆI 6:11 - Kɛ́lɛ Niinaí

¹¹ Tí tí yilá ngíla fíli kɔ́ni ngáá jogbo kóle. Tí ndé tí w̃a ngáá tí naa guló w̃áálɛlɛ nɛ́nɛ í ló sú kpóloo tiyɛ́i kule í tí w̃a tí sáá w̃ááhɔlɔ tí tí váá kíya nɔ́ɔ tiyá bɛ́lɛ tí tí vááni. Ná wáá ngáá, tí mbála Yalá fɛ́li mbélaitii tiyɛ́i táa yénge Ngála mbɛ́.

FAA YÁKƐ KƆ́LƆI 6:11 Iomraidhean Croise

MÁFIYU 10:21

I mɔ́ɔ́ ɣɛ ti w̃a, “Nungáá taá ɣɛ́ taá ti ndéɣea ɔɔ ti ndíyangaa lókoleve ngáá nungáá tí tí váá. Ngimɔ́ɔ́ nɔ́ɔ ndoú kɛ́ɛ́ɣɛaitii bɛ́lɛ taa ɣɛ́ taá kɛ ngáá ti léngaitii. Ndengáitii bɛ́lɛ taá vóte ti lé mbélaitii mba, ti kɛ ngáá háwu nungáá tí tí váá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:22

Kɛ́ ngi kɛ́ɛ́ɣɛ i ɣɛi ngi yénge mbeláitii ma, ‘A maa hulá bála bala, wú vá ngáá jogbo pánda wálai, wú pú ma. Wú fuléi víli toko wa, wú kɔɔva wála kɔwɔ́ yá.

NJƆÚ 16:2

Tiyá lɔ́ɔ va wú bétevema Ngala fɛli máákpɔ wotaí wuu wá. Aá ɣéle p̃ɛ́ɛ́ táingi lɔɔ va folóma ma ngáá nuí fíli áá wú váá, aa ɣɛ maa w̃ɔ́i gi má ngáá aá lɔɔ Ngalá ndiivó ngénge mbo.

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

TƐSALÓNIKA GƆ́LƆI HELE KÉLEI 1:7

Aáva wɛ́i wúwaa w̃áánɔw̃ɔ, aa wú gúla wú w̃áánɔw̃ɔi h̃u niỹá bɛ́lɛ nɔ́ aa ni gúla ni w̃áánɔw̃ɔi h̃u. Aá lɔɔ vá sí ɣɛ́ma ná Ndemɔí Jísu áá gúla ngelegóóh̃u í va taá ngi w̃áleka yakpangɔ́ wálaitii ngɔmbu hó ngwálai h̃u.

TÍMOTI GƆ́LƆI HELE KÉLEI 4:7

Ngí hómboa ngí maaɣaalí víliỹɛi sí wo ngáá hɛmbɛ́i kpɛ́lɛɛ ngí fólo lá ngukúlamai aáva ngáá vólu yaféngɔ Ngala tɔ́ɔ́ỹaa galambongí wa.

HÍBULU 11:40

sífaa Ngalá ngí ɣɛi faa h̃uubátɛ pánda wóni mu kpɛ́lɛɛ fááw̃a í lɔ́ve kúúlongi sí wa í ɣɛ́i mbóni ngáá ti yé. Ná wáá ngáá, í ɣɛ́i lói ti ɣɛ́ kíli batɛngɔ́ í ɣɛ́ la fó fóndei maa tiyéni.

HÍBULU 12:23

Wú váánga Ngalángi léngaa liiwáá ndiyalaí ŋál̃aa gúlangɔɔ ti yɛ, tiyɛ́i ti laahéingaitii pɔ́nɛngɔ ngelegóóh̃u. Wú váánga naa Ngalá ngéle lɛ́i áá nuu kpɛ́lɛɛ kɔ́sɔ pele w̃a, ɛ́ɣɛ sítii ti h̃úúyafuw̃angaitii ti ngele tiyɛ́i ti ɣɛ́i ngáá telembo mbélaa Ngalá ngááh̃u tiyá lɔ́ na tiyɛ́i Ngala ngí ti ɣɛ kíli batɛngɔ́ fó fóndei.

HÍBULU 4:10

Sífaa, nuí fíli áá ndɛ́ɛ́lɛmbongi w̃ááhɔlɔ Ngala ngí maa gúúlo mboní, maa w̃ɔ́i aa lɛɛlɛmbó kpɔwɔ́ bɔ́wɔ yéngengi wá kíya nɔ́ɔ Ngala ngí lɛ́ɛ́lɛmboni ngi ndá yéngengi wa ná í vílani ngélewu bátɛma.

FAA YÁKƐ KƆ́LƆI 10:6

Í kɛ́lɛ ngeɣé Ngalángi sí laahéingi h̃ú í ndɛ́ɛ́h̃u h̃ú kúnafɔ taá ngí ndá gúnafɔ, lɛ́i í ngélewu bátɛngɔ, í yívoi bátɛ ɛ́ɣɛ sítii kpɛ́lɛɛ tí na. Kɛ maa w̃álekai i ɣɛa ta, “Maa lamál̃a péka fíli ɛi mɔɔ ɣɛ su,

FAA YÁKƐ KƆ́LƆI 13:15

Ngala ngí béni ngakpa súwai hele kélei sí wá ngáá í ndɛɛh̃u vú kɔɔ kɔ́ɔ́ ŋáni sí h̃u tí kpátɛi kulangɔ́ ngáá hésendaa yakpa súwai kɛinɔɔ́ i hómbo í bɔ́ɔ́lɔ ɛ́ɣɛ í sítii páa tɛ́i ɣɛ́ kɛ́i tɔ́ɔ fɛli ngáá ti yála.

FAA YÁKƐ KƆ́LƆI 14:13

Kɛ ngí ngoí ỹɛ́ninga í gúla ngelegóóh̃u, i ɣɛ ta, “Sí vɔ́nɛ. Í séi náa sí h̃úi w̃á í lí ngáá naá wútuwɔ, aa lɔ́ ngáá faa vánda sítii kínɛi mbɛ́ taa lá ngáá Ndemɔí tí wála lɛɛh̃úi w̃a faaw̃a.” Hɛ́ɛ́ma Ỹínangi i ndéni, i ɣɛ ta, “Tɔɔỹáá lé. Tiyá lɔ́ɔ vá liivó kɛ́ma ngáá ndɛɛlɛmbó ti yénge kpa kpangí yá, bɔw̃álale, ná lɔ́ í ngáá kulasuunumái ti yénge pandaí hááw̃a.”

FAA YÁKƐ KƆ́LƆI 17:6

Nyah̃ápoi sí i ɣɛi Ngalangí vóngai ti ỹááw̃ɔi bɔ́lei ɛ́ɣɛ sítii tí tí vááni bɔw̃álale ti ɣɛ́i lái ngáá Jísu. Ti ỹááw̃ɔi i nyah̃ápoi ná hóuni kíya nɔ́ɔ ndɔɔ áá nuu hóu. Ná ngí tɔ́i, i kíndaa vílini ngwala.

FAA YÁKƐ KƆ́LƆI 7:14

Ngí ngóó yápoteni, ngí ɣɛ́ ma, “Kawálai, ngáá ti wɔ́lɔ. Yá lɔ́ yí tí wɔ́lɔ.” Kɛ i ɣɛa ma, “Sítii tɔ́ tí hómbongɔ tí híya faa báma walaí h̃u ngelewu. Tí tí jógbongaitii nguyangɔ fó, ngáá Mbaalai haaɣa hai ỹááw̃ɔi i mbóni í tí wóle fó.

FAA YÁKƐ KƆ́LƆI 7:9

Ná sí í gúlani su, ngí wɔ́lɛni ngí faŋaí lɔ sí nuu fíli ɛ́i belé hómbo ɔ́ɔ́ ti báɣa. Tiyá lɔ́ bɛ́kpɛ tí gúlani paatiitíí su tí ndɔwɔlɔ́i kpɛ́lɛɛ su ɛ́ɣɛ híítii su taa ti laawóitii ndé ngeléi sí wu. Faŋaí í ɣɛi vúúni masa ngwálai bɔ́kpɔngi ɛ́ɣɛ Mbaalaí gakála. Tí w̃ááyilingɔ ngáá jobgo kólengaitii, ndɔɔ laɣái í hói tí yaá.