FAA YÁKƐ KƆ́LƆI 5:9 - Kɛ́lɛ Niinaí

⁹ Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.

FAA YÁKƐ KƆ́LƆI 5:9 Iomraidhean Croise

MÁFIYU 20:28

Kíya nɔ́ɔ nuí síí w̃ɔ́i taa ɣɛ́ ma Nuu Búsa Goo H̃ú Loí ɣéle tɔ aa vaangɔ́ ngáá nungáá ti w̃ɔ́l̃ɛ mbɛ. Kɛ́ laá ɣéle, i vaangɔ́ ngáá í ɣɛ́ ngáá mɔl̃ɛ́ w̃ɔ́ɔ́ nungáá yɛ, ná vólu, í lɛɛh̃úi gúla kɛ́lɛma nuu bíh̃iw̃aa ti wumááwo fááw̃a.”

MÁFIYU 26:28

Ní ỹááw̃ɔi lɔ́ ngáá sí íwaa ngákɛ ngáá Ngalángi gɛ́lɛngi lɔ́ ngáá tɔɔỹaá í ngéɣeni ti lówah̃u taá ngi vóngaitii. Aá lɔ́ɔ vú nuu bíh̃iw̃aa hááw̃a ngáá ti háá ỹɔí h̃uuhaaló fááw̃a.”

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

KƆ́L̃E HESENDAA GƆLƆÍ 6:20

I wú h̃ɔ́w̃ɔ hengɔ́ ngáá ŋani. Faalɔ, bɛlɛ́ í ngúfema w̃ááhɔlɔ wú lúwui w̃aa véle w̃a.

KƆ́L̃E HESENDAA GƆLƆÍ 7:23

Ngalá ngí wú kpɛ́lɛɛ sɔ́w̃ɔ hengɔ́ ngáá ŋani. Faalɔ, wálaa ɣɛ́ ngáá nduwɔá nuu búsa yɛ.

Ɛ́FƐSƆ 1:7

Saáɣa hái Jísu Kílisitii í mbóngɔ i mu wúmaawonga í mú háá ỹɔítii suuhaaló. Sífaa, Ngalángi háá bɔwɔí wála h̃úu í wɔ́ɔ́lɔ

Ɛ́FƐSƆ 5:19

A waayaa yɛpɛ ỹɔw̃ɔ́ ỹɔ́w̃ɔ yéle Ngala ngúle gɛvɛlɛ kɛvɛlɛ su, wú Ndemɔí Jísu lɛ Ngala ngúle gɛvɛlɛ kɛvɛlɛ su ngáá líí kpɛ́lɛɛ.

KƆLƆ́SE 1:14

Ngi H̃íỹɛndou Loí sí w̃aa véle vá tɔ a mu ɣɛ́a ngáá ngumaawo mbélaa, ná wáá ngáá, mu háá ỹɔítii suuhaa í lónga.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

HÍBULU 11:14

Nungái taá faa láálii nátii nde ná aa ngakɛ́ ngáá tiyá lɔ́ɔ naa w̃áálɛlɛ ngáá ti ɣɛ́ ndɔwɔlɔ́ tá h̃u áá ɣɛ́ ngáá ti wú maa géle.

PÍTƐ GƆ́LƆI HELE KÉLEI 2:1

Sítii taá kúla ngáá tiyá lɔ́ ngáá Ngalá ndaa háá lé mbélaa ti ɣɛ́i na wɔ́lɔ wɔ́lɔ mái h̃u aáva ngimɔ́ɔ́ nɔ́ɔ jɔ sítii taá kula ngáa tiyá lɔ́ ngáá kalambó mbó mbélaa Ngala fái h̃u táa vá ɣɛ́ma wú lííwaa. Taá ɣɛ́ taá faa h̃úúỹaani kálamboni mbo tɛi ɣɛ́ ngáá tɔɔỹaá. Aáva tɛí lókohei a mu W̃ááliɣii wu lɛí í váángɔ ngáá ngumaawó tiyá ɣéle tɔ mbɛ. Faale, taá vá ngáá kɛ kíli ỹaaní bɔwɔ́ w̃á fúlo.

NJƆÚ HESENDAA GƆLƆÍ 1:7

Kɛ́ ná a maa ɣɛ́ kala kála ma kíya nɔ́ɔ Ngalá kpútei í ná, í kála kála ma, ná ná áá ɣɛ́, kɛ a mu háá lɔ nɔ́ɔ su yíla. Aáva saáɣa haí Ngalángi H̃íỹɛndou Loí Jísu í mbóngɔ, aa mu wúya fó, faa ỹɔ́u fíli ɛi ɣɛ mu h̃u.

NJƆÚ HESENDAA GƆLƆÍ 2:2

Laá lɔ́ í ngáá saáɣai a mu háá ỹɔítii súúhaalo fááw̃a. Aáva aa gɛɛlɛí nɔ́ɔ a muỹá séɣe héɣe mbá kɛ́ laá lɔ́ í ngáá saáɣai nuu kpɛ́lɛɛ ti háá ỹɔítii suuhaaló fááw̃a.

FAA YÁKƐ KƆ́LƆI 10:11

Kɛ ti mɔ́ɔ ɣɛa má, “Lí, yí Ngála ndáa háá lé múl̃ɔ ndɔwɔlɔ w̃ása ngwala waláitii ma ndɔwɔlɔ kpɛ́lɛɛ su, ti híítii ma ɛ́ɣɛ ti laawóitii su.”

FAA YÁKƐ KƆ́LƆI 11:9

Foló sáángɔ síkpɛ ndáá lówah̃u, nungáá taa gúla híítii su bɛ́kpɛ tiyɛ́i taá híí woítii nde ti gúlangɔ paatiitíí su tí ndɔ́wɔlɔ kpɛ́lɛɛ sú ɛ́ɣɛ tíwaa tí vúw̃aitii kpelé aáva tɛ́i lúw̃ama ngáá tɔ́ɔ́ tí bɔ́lu.

FAA YÁKƐ KƆ́LƆI 13:7

Ngakpa ngí ɣɛ́i súwai sí yáá táingi sí laa lówah̃u ngáá í lápi ngáá Ngalá ngí vóngaitii í hómbo tí w̃a. Ngakpa ngí ɣɛi ngeyá mɔ́ɔ híítii maah̃u tiyɛ́i taá híí woítii nde bɛ́kpɛ tí gúlangɔ paatiitíí su tí ndɔ́wɔlɔ kpɛ́lɛɛ sú.

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

FAA YÁKƐ KƆ́LƆI 14:6

Kɛ ngí maléka véka lɔngá áa góvo ngeleí yá kélei. I ɣɛi áá kúnafɔ gééla woo vandaí lé nungáitii ma tí ngélei sí wú taá gúla híítii su bɛ́kpɛ tiyɛ́i taá híí woítii ndé bɛ́kpɛ ti gúlangɔ paatiitíí sú tí ndɔwɔlɔ́i kpɛ́lɛɛ sú.

FAA YÁKƐ KƆ́LƆI 15:3

Ti ɣɛ́i taa nguleí sí hɔ́ɔ́lɛ sí Ngalangí yénge mɔí Muusé ɛ́ɣɛ Mbaalaí tɔ́ɔ́ sɔɔlɛ́, táa ɣɛ́ ta, “Yɛ́i yí ngáá Ndemɔí Ngakpa Ngála Ngwalaí, í gɛ́ɛ́ háitii tɔ ngáá faa wála wála ɛ́ɣɛ kááma haa. Yá lɔ́ yí ngáá masa ngwálai ngeleí sí wuu yélaitii kpɛ́lɛɛ mááh̃u. Í lúva veléitii ɛ́ɣɛ í háitii yáá kɛ, tiyá lɔ́ pele w̃a, ti ngáá tɔɔỹaá.

FAA YÁKƐ KƆ́LƆI 17:15

Kɛ malékai i mɔɔ ɣɛa má, “Njɛi sítii yí tí lɔ́ngɔ kɔlɔsiyá mɔ́ɔ́ walaí sí í héini ti ya tiyá lɔ́ tí lói nuu bɔ́ngitii fááw̃a híí kpɛ́lɛɛ sú ti gúlangɔ ndɔwɔlɔ́itii kpɛ́lɛɛ sú, taa ti laa woítii ndé.

FAA YÁKƐ KƆ́LƆI 4:11

“Ni Lemɔ́i ɛ́ɣɛ ni Yálangi, yá lɔ́ í gúlaɣɛngɔ ngáá nuu ngáá yí sɛ́ɣɛɛ gula ma w̃ááhɔlɔ taá ngufema. Ná vólu, yí ndaaw̃áálɛ mááhɔlɔ í yákpangi hááw̃a. Sífaa yí ngélewu kpɛ́lɛɛ kpátɛngɔ aáva i ɣɛngɔ ngáá í háá h̃úubatɛ ngáá yí kɛ́ngɔ ngáá háwu tí ɣɛ́ na aáva yí ndɛɛh̃ú vú tí h̃u.”

FAA YÁKƐ KƆ́LƆI 5:12

Tí ngúle hɔ́ɔ́lɛni wóo wála h̃u. Tí ɣɛ́i taá ɣɛ́ ta, “Mbáálai paangɔ́ í ɣɛ́ngɔ la áá lɔ́ kúlaɣɛngɔ ngáá í sɛ́ɣɛɛ gula ma w̃ááhɔlɔ taá ngufema. Ná vólu, í ndaaw̃áálɛ mááhɔlɔ ngí yákpangi hááw̃a, ngí bátɛi hááw̃a, ngí géle ɣelengi hááw̃a, ɛ́ɣɛ ngi h̃úúbangi hááw̃a!”

FAA YÁKƐ KƆ́LƆI 5:6

Kɛ ngí Mbáálai lɔ́nga í lóóni masa ngwálai bɔ́kpɔngi béla, maayéle mbélengɔ ngáá fulú wɔ́li nááningɔi ɛ́ɣɛ kele ɣelé mbélaitii, kulangɔ́ ngáá tí ɣɛ́i paaní pɔlɔ w̃a. Ndowói i ɣɛi Mbalaí sí wú mba wɔféla, ngaah̃úi i mba wɔféla. Ngaah̃úi nátii pa tɔ tí ngáá Ngalangí ỹína ngɔ́felangɔitii tí tí lɔ́vengɔ ngeleí sí wu kpɛ́lɛɛ.