FAA YÁKƐ KƆ́LƆI 5:5 - Kɛ́lɛ Niinaí

⁵ Kɛ́ kele ɣelé mbélai nátii ti tá yíla i ɣɛi má, “Yaa wɔ́lɔ. Wɔlɛ! Nuí síí w̃ɔ́i taá ɣɛ́ma Njalaí í ngáá nde kpambii sí h̃úu w̃ɔ́ɔ taá ɣɛ́ ma Júda, i náá Masangí Deevé Láála Loí ta ngakpa mɔ́ɔ́ walaí, ngi ndái í ndónga ma. Faalɔ, aa hómbo í tokovo ngɔ́felangɔi w̃ááleve í kɔ́lɔi laawó.”

FAA YÁKƐ KƆ́LƆI 5:5 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:28

Kɛ́ Jísu i votení, i ɣɛ ti w̃a, “Wɛ́i wú ngáá nyah̃áitiini wú ngáá Jɛlúsɛl̃ɛ taa walái h̃uu léngaitii, a waa wɔ́lɔ fááw̃a. A wɔ́lɔ bɔwɔ́ haaw̃a ɛ́ɣɛ wú léngaitiini.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:13

Ná Ndemɔí Jísu í nyah̃ápoi lɔ́ni, maaw̃áánu í sóuni ngwala. Kɛ i ɣɛa ma, “Bé ngɔ́lɔi wa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:52

Táingi ná w̃aa va, nungaí kpɛ́lɛɛ ti ɣɛ́i taa wɔ́lɔ, ti w̃ááw̃aanungɔ nyah̃a lóu guloí hááw̃a. Kɛ Jísu i ɣɛa ti w̃a, “A bé ngɔ́lɔi wa, nyah̃alóu guloí sí haangɔ́ láá lé kɛ́ aá lɔ́ nɔ́ɔ nyii h̃u.”

NJƆÚ 20:13

Kɛ nátii ti mɔɔningá, ti ɣɛ́ ma, “Mu mbálai, ndeénii le yíwaa wɔ́lɔ?” I ti woo yápoteni, i ɣɛ ta, “Ti Ndémɔi Jísu vuw̃aí gúlanga mbéi wa, nyáá va ngáá kɔ́lɔ mbéinda tí lííngɔ lá na.”

LÓÓMI 1:3

Aá lɔ́ ngáá keela woo kɔwɔ́ato Ngalangí H̃íỹɛndou Loí Jísu Kílisitii wa, lɛ́i í mɔ́ɔ ngáá a mu Lemɔí, lɛ́i í ɣɛ́i ngáá Masangí Deevé lé kpámbii h̃uu w̃ɔ́ɔ nuu búsa gákai w̃áá véle w̃a.

LÓÓMI 15:12

Sí vá tɔ múl̃ɔ Ngalá ndaa háá lé mɔ́i Aisáya í ndéni, i ɣɛi ta, “Nuu tá lɔɔ vá gúlama Jɛɛ́se lé kpambíi h̃u. Áa ɣɛ́ nungái sítii mááh̃u taa ngáá Júsua ngáá masa ngwála aáva taá gíto mba.”

HÍBULU 7:14

Ngakɛngɔ́ɔ́ lé kpál̃au ngáá a mu Lemɔ́i Jísu i gulangɔ́ nde kpambíi sí h̃u taa tolí ngáá Júda. Aáva nápa ná Muusé ɔ́ɔ́ ɣɛ́a yɛ́pɛ kɔwɔ́ato Ngala sááɣa gula fáá wa, aa nde kpambíi ná laahéi tólini na.

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 22:16

Jísu i mɔ́ɔ ɣɛ ta, “Nyɛ́i ngí ngáá Jísu, ngí ní w̃alékai lɔ́venga í fái sítii ndé wú kpɛ́lɛɛ má wú ngáá Ngala fɛ́li mbélaitii. Nyá lɔ́ ngáá Masangí Deevé lé kpámbii h̃uu w̃ɔ́ɔ, nyá lɔ́ múl̃ɔ ngí ngáá ngele su lémuleɣai ngáá hólo.”

FAA YÁKƐ KƆ́LƆI 3:21

Wɛ́i wú ndái áa ndoma, ngáá lúw̃a ma wú héi kpéla ní w̃ásandai h̃u kíya nɔ́ɔ ní ndái í ndóngɔ ma ngí héini ní Kɛ́ɛ́ɣɛ bélaa ngi w̃ásandai h̃u.

FAA YÁKƐ KƆ́LƆI 4:10

kele ɣéle mbélaa puú félengɔ maah̃úú nááningɔi nátii taá hítɛ wúmbu yá tíwaa síí w̃ɔ́i hɛ́li í héi masa kpɔ́kpɔngi h̃u, lɛ́i i ndɛɛh̃úi h̃u kúnafɔ taá ngí ndá gúnafɔ. Taá tí w̃ása mbɔ́ɔ́lɔitii kúla wú mba tí pú masa kpɔ́kpɔngi gakála, ti ɣɛ́ ta,

FAA YÁKƐ KƆ́LƆI 4:4

Masa kpɔ́kpɔ púú félengɔ maah̃úú nááningɔ i ɣɛí masa ngwálai bɔ́kpɔngi w̃ááyele mbélengɔ. Kele ɣelé mbélaa púú félengɔ maah̃úú nááningɔ ti ɣɛ́i héini ti h̃u. Ti w̃ááyilingɔ ngáá kula wolé, masa mbɔ́ɔ́lɔi kpatɛngɔ́ ngáá góóli í vɛ́lɛi tí wú mba.

FAA YÁKƐ KƆ́LƆI 5:4

Ngí wɔ́lɔni ngáá ngaw̃ál̃angɔ, sífaa nuu fíli aa hɔlɔni kulaɣɛngɔ́ ngáá nuu ɔ́ɔ́ hómbo í kɔ́lɔ w̃ááɣalangɔi sí w̃ááleve ɔ́ɔ́ ndaawó ɔ́ɔ́ wɔ́lɛ su.

FAA YÁKƐ KƆ́LƆI 6:1

Kɛ ngí Mbáálai lɔ́nga í hésendaa lokovongí w̃ááleve. Kɛ ngí fúlu wɔ́li nááningɔitii tí tá yíla ngóó ỹɛ́ninga í bɔ́ɔ́lɔ woo wála h̃ú kíya nɔ́ɔ ngele bandɛ́ ááyaa bɔ́ɔ́lɔ, í ɣɛ ta, “Vá!”

FAA YÁKƐ KƆ́LƆI 7:13

Kɛ kele ɣelé mbélai tí tá yíla í mɔ́ɔ́ninga, i ɣɛ má, “Ele wáá ngáá nungái sítii tí w̃ááyilingɔi ngáá jogbo kólengaitii, ná vólu, míl̃i lɔ́ táá gúla na?”