FAA YÁKƐ KƆ́LƆI 5:12 - Kɛ́lɛ Niinaí

¹² Tí ngúle hɔ́ɔ́lɛni wóo wála h̃u. Tí ɣɛ́i taá ɣɛ́ ta, “Mbáálai paangɔ́ í ɣɛ́ngɔ la áá lɔ́ kúlaɣɛngɔ ngáá í sɛ́ɣɛɛ gula ma w̃ááhɔlɔ taá ngufema. Ná vólu, í ndaaw̃áálɛ mááhɔlɔ ngí yákpangi hááw̃a, ngí bátɛi hááw̃a, ngí géle ɣelengi hááw̃a, ɛ́ɣɛ ngi h̃úúbangi hááw̃a!”

FAA YÁKƐ KƆ́LƆI 5:12 Iomraidhean Croise

MÁFIYU 28:18

Kɛ́ Jísu i vuuvaní ti béla, i ɣɛ ti w̃a, “Ngakpángi sí í ngelegóóh̃u ɛ́ɣɛ ngeleí sí wu, Ngala ngí ti hénga ngéya.

NJƆÚ 1:29

Naa vólu w̃áá yélei i wóni kɛ Njɔú í Jísu lɔngá íwaa vá ngelé péle, kɛ Njɔú í ɣɛ́a ta, “A wɔ́lɛ lɛ́ɛ́ nuí síí w̃ɔ́i wa taa ɣɛ́ ma Ngalángi Wáálai í fengá ngáá í faa ỹɔ́i wúya ngelewu yélaitii ma.

NJƆÚ 17:2

Yí ngákpa fénga ngeyá nuu kpɛ́lɛɛ mááh̃u ngáá í kúnafɔ lɛ́ɛ́h̃ui he sítii ngeyá yí tí hengɔ́ ngeyá.

KƆ́L̃E GƆ́LƆI HELE KÉLEI 8:9

Wú faa wɔ́lɔ kɔwɔ́ato mu Lemɔ́i Jísu Kílisitii háá bɔwɔí wa a mu yɛ. Ná wáá ngáá, kíya bɛ́lɛ kpatɛngɔ í ɣɛ́i la i bɔwɔ́ ɣɛ́i ngáá nyaani w̃ɔ́ɔ́ wú hááw̃a ngáá kɛinɔɔ́ wú bátɛ láa ngi ỹáánii w̃áá vélei w̃a.

TÍMOTI HESENDAA GƆLƆÍ 1:17

A mú Ngalá tɛ lɛ́i i ngáá kúnafɔ w̃ása ngwálai, lɛ́i ɛ́i há kúnafɔ aáva lɛ́i nuu ɛ́i tɔ, lɛ́i ngilaá kpé í ngáá Ngalá. Bɛlɛ́ ndaaw̃áá í lɛ́, ngufema í ɣɛ́ mbɛ kúnafɔ taá ngí ndá gúnafɔ! Amíína.

FAA YÁKƐ KƆ́LƆI 1:6

Jísu i mɔɔ mu ɣɛ́a ngáá saáɣa gúla mbélaa ngi w̃ásandai h̃u ngáá maayáá yénge maá tiyéni ngi Yálangi yɛ́, lɛ́i í ngáá ngi Kɛ́ɛ́ɣɛ. Bɛlɛ́ Jísu Kílisitii laaw̃áá í lɛ́ ngakpá ngí ɣɛ́ mbɛ kúnafɔ taá ngí ndá gúnafɔ! Amíína.

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

FAA YÁKƐ KƆ́LƆI 15:3

Ti ɣɛ́i taa nguleí sí hɔ́ɔ́lɛ sí Ngalangí yénge mɔí Muusé ɛ́ɣɛ Mbaalaí tɔ́ɔ́ sɔɔlɛ́, táa ɣɛ́ ta, “Yɛ́i yí ngáá Ndemɔí Ngakpa Ngála Ngwalaí, í gɛ́ɛ́ háitii tɔ ngáá faa wála wála ɛ́ɣɛ kááma haa. Yá lɔ́ yí ngáá masa ngwálai ngeleí sí wuu yélaitii kpɛ́lɛɛ mááh̃u. Í lúva veléitii ɛ́ɣɛ í háitii yáá kɛ, tiyá lɔ́ pele w̃a, ti ngáá tɔɔỹaá.

FAA YÁKƐ KƆ́LƆI 19:1

Ná sí í gúlai sú, ngí ngoo yámbɔɔlɔngɔ wála ỹɛnií áá gúla ngelegóóh̃u kíya nɔ́ɔ faŋa wala áá ɣɛ́a ngule hɔ́ɔ́lɛ, táá ɣɛ́ ta, “A mú Ngála ndaaw̃áálɛ! Aá lɔ́ ngumaawóngi áá gúla ngeyá ɛ́ɣɛ ngakpa máánɛɛngɔ wálai aa lɔ́ faaw̃a!

FAA YÁKƐ KƆ́LƆI 4:11

“Ni Lemɔ́i ɛ́ɣɛ ni Yálangi, yá lɔ́ í gúlaɣɛngɔ ngáá nuu ngáá yí sɛ́ɣɛɛ gula ma w̃ááhɔlɔ taá ngufema. Ná vólu, yí ndaaw̃áálɛ mááhɔlɔ í yákpangi hááw̃a. Sífaa yí ngélewu kpɛ́lɛɛ kpátɛngɔ aáva i ɣɛngɔ ngáá í háá h̃úubatɛ ngáá yí kɛ́ngɔ ngáá háwu tí ɣɛ́ na aáva yí ndɛɛh̃ú vú tí h̃u.”

FAA YÁKƐ KƆ́LƆI 5:13

Kɛ ngí fúlu wɔ́lingai kpɛ́lɛɛ kpɛ́lɛɛ ngoo ỹɛ́ninga ngelegóóh̃u, ngeleí sí wu, saa yelái ti lɔ́wɔlɔi h̃u, ɛ́ɣɛ njɛ wú ɛ́ɣɛ fúlu ỹániaitii kpɛ́lɛɛ ti ỹánda kpɛ́lɛɛ táa ngule hɔ́ɔ́lɛ, táá ɣɛ́ ta, “A mú sɛ́ɣɛɛ gula nuí síí w̃ɔ́i w̃a í héini masa ngwálai bɔ́kpɔngi h̃ú ɛ́ɣɛ Mbáálai. Ná vólu, a mú tí laaw̃áálɛ, mú ngufema hé ti yɛ tí yákpangi hááw̃a, kúnafɔ taá ngí ndá gúnafɔ!”

FAA YÁKƐ KƆ́LƆI 5:6

Kɛ ngí Mbáálai lɔ́nga í lóóni masa ngwálai bɔ́kpɔngi béla, maayéle mbélengɔ ngáá fulú wɔ́li nááningɔi ɛ́ɣɛ kele ɣelé mbélaitii, kulangɔ́ ngáá tí ɣɛ́i paaní pɔlɔ w̃a. Ndowói i ɣɛi Mbalaí sí wú mba wɔféla, ngaah̃úi i mba wɔféla. Ngaah̃úi nátii pa tɔ tí ngáá Ngalangí ỹína ngɔ́felangɔitii tí tí lɔ́vengɔ ngeleí sí wu kpɛ́lɛɛ.

FAA YÁKƐ KƆ́LƆI 5:8

Ná í sóuni, fulú wɔ́li nááningɔitii ɛ́ɣɛ kele ɣelé mbélaa púú félengɔ maah̃úú nááningɔitii, tí hítɛni wumbú yá Mbáálai gakála. Mbakaí i ɣɛi ti yaá ngáá ngilá ngíla ɛ́ɣɛ góóli vaningí, suulaahéngɔ ngáá ŋani ta táa mɔ́ maakungí nɛ́ɛ́ngɔ taa tolí ngáá ísɛngi, ná vá tɔ́ í ngáá Ngalangí vóngaitii tí Yála fɛ́li ngói.

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.

FAA YÁKƐ KƆ́LƆI 6:1

Kɛ ngí Mbáálai lɔ́nga í hésendaa lokovongí w̃ááleve. Kɛ ngí fúlu wɔ́li nááningɔitii tí tá yíla ngóó ỹɛ́ninga í bɔ́ɔ́lɔ woo wála h̃ú kíya nɔ́ɔ ngele bandɛ́ ááyaa bɔ́ɔ́lɔ, í ɣɛ ta, “Vá!”

FAA YÁKƐ KƆ́LƆI 7:12

“Amíína! A mú sɛ́ɣɛɛ gula mu Yálangi w̃a, mú ndaaw̃áálɛ, mú ngufema hé mbɛ ngi géle ɣelengi hááw̃a, ngi h̃úúbangi ɛ́ɣɛ ngi yakpángi hááw̃a, kúnafɔ taá ngí ndá gúnafɔ! Amíína!”