FAA YÁKƐ KƆ́LƆI 5:1 - Kɛ́lɛ Niinaí

¹ Ngí kɔ́lɔ w̃ááɣalangɔi lɔní í hóuni nuí síí w̃ɔ́i yísa lokói ya í héini masa ngwálai bɔ́kpɔngi h̃u. Kɔlɔ w̃ááɣalangɔi sí w̃áá vɔ́nɛngɔ i ɣɛí lá kaká félengɔi w̃a, tokovo ngɔ́felangɔ i mba ngáá ndaabɔ́lumaa.

FAA YÁKƐ KƆ́LƆI 5:1 Iomraidhean Croise

FAA YÁKƐ KƆ́LƆI 10:2

Kɔlɔ w̃áaɣalangɔ gúlo í ɣɛ́i malékai ná yaá ndaawóngɔ. I yísa h̃uu véle gɔwɔí loní yívoi liiwáá, í pékai ló kaséngi ya.

FAA YÁKƐ KƆ́LƆI 4:3

Nuí ná w̃ɔ́i yááh̃ui i ɣɛí áá hólo kíya nɔ́ɔ dááma wɔtu ɛ́ɣɛ kɔtu biỹangí sí taá tolí ngáá kaníl̃iỹɔ. Ngí w̃ása kpɔkpɔngí w̃áá yelé mbélengɔ í ɣɛí lá ngáá ŋaní tá kulangɔ́ ngáá ngele gílangi áá hólo kíya nɔ́ɔ kɔtu booléi sí taa tolí ngáá ímɛla.

FAA YÁKƐ KƆ́LƆI 4:9

Fulú wɔ́li nááningɔi sítii ti ɣɛi taá Ngalá ndaaw̃áálɛ taá ngufema hé mbɛ́ taá sɛ́ɣɛɛ gulá ma ngule h̃u, lɛ́i í héini masa kpɔ́kpɔngi h̃u kúnafɔ taá ngí ndá gúnafɔ. Ná taá ná ɣɛ́,

FAA YÁKƐ KƆ́LƆI 5:13

Kɛ ngí fúlu wɔ́lingai kpɛ́lɛɛ kpɛ́lɛɛ ngoo ỹɛ́ninga ngelegóóh̃u, ngeleí sí wu, saa yelái ti lɔ́wɔlɔi h̃u, ɛ́ɣɛ njɛ wú ɛ́ɣɛ fúlu ỹániaitii kpɛ́lɛɛ ti ỹánda kpɛ́lɛɛ táa ngule hɔ́ɔ́lɛ, táá ɣɛ́ ta, “A mú sɛ́ɣɛɛ gula nuí síí w̃ɔ́i w̃a í héini masa ngwálai bɔ́kpɔngi h̃ú ɛ́ɣɛ Mbáálai. Ná vólu, a mú tí laaw̃áálɛ, mú ngufema hé ti yɛ tí yákpangi hááw̃a, kúnafɔ taá ngí ndá gúnafɔ!”

FAA YÁKƐ KƆ́LƆI 5:7

Mbaalaí sí í liiní í kɔ́lɔ w̃ááɣalangɔi sí hóu nuí síí w̃ɔ́i yísa lokói ya í héini masa kpɔ́kpɔngi h̃u.

FAA YÁKƐ KƆ́LƆI 6:1

Kɛ ngí Mbáálai lɔ́nga í hésendaa lokovongí w̃ááleve. Kɛ ngí fúlu wɔ́li nááningɔitii tí tá yíla ngóó ỹɛ́ninga í bɔ́ɔ́lɔ woo wála h̃ú kíya nɔ́ɔ ngele bandɛ́ ááyaa bɔ́ɔ́lɔ, í ɣɛ ta, “Vá!”

FAA YÁKƐ KƆ́LƆI 6:16

Nungái sítii tí woo gúlani, tí ɣɛ́ ngihéitii ɛ́ɣɛ kɔtuítii ma, “A vú ni w̃a, wú ni w̃áálɔɔwu nuí síí w̃ɔ́i yáa í héini masa ngwálai bɔ́kpɔngi yá ɛ́ɣɛ faá bámai áá gúla Mbaalaí yáa!

FAA YÁKƐ KƆ́LƆI 8:1

Ná ná í gúlani su, ngí Mbáálai lɔ́ni í tókovongi wɔ́fela kélei w̃ááleve. Ná í ná ɣɛ́i, ngelegóóh̃u í ɣɛ́i ló ndó háwa hikpɛ́ ndáá lówah̃u.