FAA YÁKƐ KƆ́LƆI 4:9 - Kɛ́lɛ Niinaí

⁹ Fulú wɔ́li nááningɔi sítii ti ɣɛi taá Ngalá ndaaw̃áálɛ taá ngufema hé mbɛ́ taá sɛ́ɣɛɛ gulá ma ngule h̃u, lɛ́i í héini masa kpɔ́kpɔngi h̃u kúnafɔ taá ngí ndá gúnafɔ. Ná taá ná ɣɛ́,

FAA YÁKƐ KƆ́LƆI 4:9 Iomraidhean Croise

HÍBULU 7:25

Náá hááw̃a, nuí fíli áá lí Ngalá ngéle Jísu w̃áá véle w̃a, Jísu aa hómbo í maa w̃ɔ́i wumááwo kpésekele bɔw̃álale, lɛ́i í ngáá Jísu aá lɔ́ na kúnafɔ íwaa yɛ́pɛ nungáitii faaw̃a Ngalá ngéle.

HÍBULU 7:8

Ngala sááɣa gula mbélaitii ti ɣɛ́i taá nungái ngeyá wɔ́lingaitii puu kéleitii mááhɔlɔ tiyá lɔ ngáá nungáá taa há. Kɛ́ Mɛlɛkésedɛ laá í nungáá yáá wɔ́lingaitii puu kéleitii mááhɔlɔni Ngala Kɔ́lɔi i ndengɔ́ ngáá aá lɔ́ ndɛɛh̃ú h̃u.

FAA YÁKƐ KƆ́LƆI 1:18

Nyáá le, nyɛ́i ngí ndɛɛh̃úi h̃u! Sáángɔ i ɣɛngɔ lá, kɛ́ nyá lɔ́ mɔ́ɔ ndɛɛh̃ú h̃ú kúnafɔ fááw̃a. Ngakpá tɔ́ ngéya saa w̃ááh̃u ɛ́ɣɛ saa yelái ti ỹándai.

FAA YÁKƐ KƆ́LƆI 10:6

Í kɛ́lɛ ngeɣé Ngalángi sí laahéingi h̃ú í ndɛ́ɛ́h̃u h̃ú kúnafɔ taá ngí ndá gúnafɔ, lɛ́i í ngélewu bátɛngɔ, í yívoi bátɛ ɛ́ɣɛ sítii kpɛ́lɛɛ tí na. Kɛ maa w̃álekai i ɣɛa ta, “Maa lamál̃a péka fíli ɛi mɔɔ ɣɛ su,

FAA YÁKƐ KƆ́LƆI 15:7

Kɛ fulú wɔ́li nááningɔi ti tá yílaa i góóli vani ngɔ́felangɔitii feá maléka ngɔ́felangɔitii ngeyá. Ti laahéngɔ i ɣɛi lá ngáá Ngalángi lííyaw̃al̃ai, Ngala lɛ́i í ná kúnafɔ taa ngí ndá gúnafɔ.

FAA YÁKƐ KƆ́LƆI 21:5

Kɛ Ngalá lɛ́i í héini masa ngwálai bɔ́kpɔngi ya, i ɣɛa ta, “Nyá ngáá ŋani kpɛ́lɛɛ kpátɛ ngáá ngi níína.” Kɛ i ɣɛ́a má, “Ngoí sítii ngáá nde ti vɔ́nɛ bɔw̃álale tiyá lɔ́ ngáá tɔɔỹaá ɛ́ɣɛ tókola ma wóó.”

FAA YÁKƐ KƆ́LƆI 4:2

Ngáma nɔ́ɔ kɛ Hɛ́ɛ́ma Ỹínangi i vúnga sú, ngí ngelegóóh̃u lɔ masa ngwálai bɔ́kpɔngi i na nuí tá i héini su.

FAA YÁKƐ KƆ́LƆI 4:8

Kovóngi i ɣɛi fulú wɔ́li nááningɔi nátii mba ngáá ngɔhíta ngɔ́hita, ɛ́ɣɛ ti yaah̃úi i ɣɛi ti yelé mbélengɔ, ti góvongitii mbu ɣéle tɔ. Tiyá lɔ́ɔ nɔ́ɔ fɔ́ ngule hɔ́ɔ́lɛndaa ya kpindí p̃ɛ́ɛ́ taá foló. Ti ɣɛ́i taá ɣɛ́ ta, “Ndemɔí Ngála, lɛ́i í ngáá ngakpa mɔ́ɔ́ walaí faa ỹɔ́u fíli áá sú, lɛ́i í na kúnafɔ, lɛ́i í ɣɛ́i na wɔ́lɔ ɛ́ɣɛ lɛ́i áá vá vááma.”

FAA YÁKƐ KƆ́LƆI 5:1

Ngí kɔ́lɔ w̃ááɣalangɔi lɔní í hóuni nuí síí w̃ɔ́i yísa lokói ya í héini masa ngwálai bɔ́kpɔngi h̃u. Kɔlɔ w̃ááɣalangɔi sí w̃áá vɔ́nɛngɔ i ɣɛí lá kaká félengɔi w̃a, tokovo ngɔ́felangɔ i mba ngáá ndaabɔ́lumaa.

FAA YÁKƐ KƆ́LƆI 6:16

Nungái sítii tí woo gúlani, tí ɣɛ́ ngihéitii ɛ́ɣɛ kɔtuítii ma, “A vú ni w̃a, wú ni w̃áálɔɔwu nuí síí w̃ɔ́i yáa í héini masa ngwálai bɔ́kpɔngi yá ɛ́ɣɛ faá bámai áá gúla Mbaalaí yáa!

FAA YÁKƐ KƆ́LƆI 7:15

Ná lɔ́ í kɛ́nga tí lói Ngalangí w̃ása kpɔ́kpɔngi gakála Hɛ́ɛ́ma Yála Pɛ́lɛi wú, táá yénge ngala mbɛ kpindí p̃ɛ́ɛ́ taá foló. Lɛ́i í héini masa kpɔ́kpɔngi h̃u, aá lɔ́ ɣɛ́ áá tí w̃ááh̃u béle.