FAA YÁKƐ KƆ́LƆI 4:6 - Kɛ́lɛ Niinaí

⁶ Masa ngwálai bɔ́kpɔngi ná wútuwɔi ɣɛngɔ́ i ɣɛi lá kíya nɔ́ɔ njɛ wála áá ɣɛ́ ỹanda, ngakɛ́ngɔ kpál̃au kíya nɔ́ɔ mɛl̃ɛ mɛl̃ɛ. Fulú wɔ́li nááningɔ ti ɣɛ́i masa ngwálai bɔ́kpɔngi ná w̃ááyele mbélengɔ ti yaah̃úi í ti w̃ááyele mbélengɔ, tɔ́ɔ vólu véle lɔ tí wútuwɔɔ lɔ́.

FAA YÁKƐ KƆ́LƆI 4:6 Iomraidhean Croise

FAA YÁKƐ KƆ́LƆI 14:3

Nuu tásu seiw̃aá hɔ́ndɔ ngilaa púu nááningɔ maah̃úú nááningɔi (144,000) sítii ti ɣɛ́i lóóni Ngalangí w̃ása kpɔkpɔngí wútuwɔ, mbéi fúlu wɔ́li nááningɔi ɛ́ɣɛ kele ɣelé mbélaitii ti ɣɛ́i lóóni na. Nungái nátii sɔ́ingi lɔ́ Ngala ngí ɣɛ́i náa ti wúmaawoi, tiyá lɔ́ nɔ́ɔ ti ɣɛ́i taa ngulé niinái sí hɔ́ɔ́lɛ. Nuu véka fíli ɛ́i belé hómbo ɔ́ɔ́ náá wɔ́li kɛ nɔ́ɔ léi tiyá.

FAA YÁKƐ KƆ́LƆI 15:2

Kɛ ngí ŋáni lɔ́a kulangɔ́ ngáá yívo kpatɛngɔ́ ngáá mɛl̃ɛ mɛl̃ɛí supungɔ́ ngáá ngɔmbuí. Nungáitii ti ɣɛ́i lóóni yívoi sí béla mbakaí Ngala ngí féni ti yaa, í tí yaá. Nungái nátii tɔ ti hómboi hésendaa yakpa suwaí sí w̃á ɛ́ɣɛ kɔɔ kɔɔ́ ŋáni tí kpátɛi kulangɔ́ la aáva taa tokovongí yéɣeni í ngáá nɔ́mbai áá ló ndaahéingi hááw̃a.

FAA YÁKƐ KƆ́LƆI 15:7

Kɛ fulú wɔ́li nááningɔi ti tá yílaa i góóli vani ngɔ́felangɔitii feá maléka ngɔ́felangɔitii ngeyá. Ti laahéngɔ i ɣɛi lá ngáá Ngalángi lííyaw̃al̃ai, Ngala lɛ́i í ná kúnafɔ taa ngí ndá gúnafɔ.

FAA YÁKƐ KƆ́LƆI 19:4

Kele ɣelé mbélaa vúú félengɔ maah̃úú nááningɔitii ɛ́ɣɛ fulú wɔ́li nááningɔitii ti hítɛi wumbú ya, tí Ngála fɛ́li lɛ́i í ɣɛ́i héini masa kpɔ́kpɔngi ya, ti ɣɛ́ ta, “A mú Ngála ndaaw̃áálɛ! Amíína!”

FAA YÁKƐ KƆ́LƆI 21:11

Ngalángi múw̃a muw̃angí i ɣɛi áá hólo na. Taa walái ná h̃úu í ɣɛ́i áá hólo kɛ kíya nɔ́ɔ dááma wɔtu ááyaa hólo, suu ɣɛngɔ́ kpál̃au.

FAA YÁKƐ KƆ́LƆI 21:18

Sasaí í ɣɛ́i taa walaí sí w̃a, tongɔ́ i ɣɛi lá ngáá kɔtu vandá kíya dááma wɔtu í na. Aáva taa walái ná butéi va, tongɔ́ i ɣɛi lá ngáá góólii kái káingi suu ɣɛngɔ́ kpál̃au kíya nɔ́ɔ mɛl̃ɛ mɛl̃ɛ.

FAA YÁKƐ KƆ́LƆI 21:21

Ndaabɔ́lu púúngɔ maah̃úú félengɔitii ti ɣɛ́i sasaí ná wa, ngiláángi fíli kpatɛngɔ́ i ɣɛi lá ngáá kɔtu vandá yílaa maa bongóngɔ kúlo wolengɔ́, ná wáa ngáá, kɔtuí ná taa tolí ngáá pɛɛ. Peleítii ti taa walái ná h̃u, kpɛ́lɛɛ kpátɛngɔ i ɣɛi la ngáá góólii kái káingi ma ɣɛngɔ́ kpál̃au kíya nɔ́ɔ mɛl̃ɛ mɛl̃ɛ.

FAA YÁKƐ KƆ́LƆI 22:1

Malékai í mɔ́ɔ ndɛɛh̃ú w̃ááhɔlɔ njɛ́ wálai ɣɛ́i ngáá ngé ngaséɣengɔ kpál̃au kíya nɔ́ɔ mɛl̃ɛ mɛl̃ɛ í na. Njɛí sí i ɣɛi áá gúla mbéi Ngála ɛ́ɣɛ Mbaalaí ti w̃ása kpɔkpɔngí í na.

FAA YÁKƐ KƆ́LƆI 4:4

Masa kpɔ́kpɔ púú félengɔ maah̃úú nááningɔ i ɣɛí masa ngwálai bɔ́kpɔngi w̃ááyele mbélengɔ. Kele ɣelé mbélaa púú félengɔ maah̃úú nááningɔ ti ɣɛ́i héini ti h̃u. Ti w̃ááyilingɔ ngáá kula wolé, masa mbɔ́ɔ́lɔi kpatɛngɔ́ ngáá góóli í vɛ́lɛi tí wú mba.

FAA YÁKƐ KƆ́LƆI 5:11

Kɛ ngí malékaitii tɔ́nga tí yambɔ́ɔ́lɔngɔ ngáá tásu séiw̃aa bíh̃iw̃aa ti lóóni masa bɔ́kpɔngi w̃ááyele mbélengɔ ɛ́ɣɛ fulú wɔ́li nááningɔi ɛ́ɣɛ kele ɣelé mbélaitii.

FAA YÁKƐ KƆ́LƆI 5:14

Fulú wɔ́li nááningɔitii tí mbúúhou, ti ɣɛ́ ta, “Amíína!” Kelé ɣelé mbélaitii, tí hítɛ wumbú ya, tí Ngala fɛ́li.

FAA YÁKƐ KƆ́LƆI 5:6

Kɛ ngí Mbáálai lɔ́nga í lóóni masa ngwálai bɔ́kpɔngi béla, maayéle mbélengɔ ngáá fulú wɔ́li nááningɔi ɛ́ɣɛ kele ɣelé mbélaitii, kulangɔ́ ngáá tí ɣɛ́i paaní pɔlɔ w̃a. Ndowói i ɣɛi Mbalaí sí wú mba wɔféla, ngaah̃úi i mba wɔféla. Ngaah̃úi nátii pa tɔ tí ngáá Ngalangí ỹína ngɔ́felangɔitii tí tí lɔ́vengɔ ngeleí sí wu kpɛ́lɛɛ.

FAA YÁKƐ KƆ́LƆI 5:8

Ná í sóuni, fulú wɔ́li nááningɔitii ɛ́ɣɛ kele ɣelé mbélaa púú félengɔ maah̃úú nááningɔitii, tí hítɛni wumbú yá Mbáálai gakála. Mbakaí i ɣɛi ti yaá ngáá ngilá ngíla ɛ́ɣɛ góóli vaningí, suulaahéngɔ ngáá ŋani ta táa mɔ́ maakungí nɛ́ɛ́ngɔ taa tolí ngáá ísɛngi, ná vá tɔ́ í ngáá Ngalangí vóngaitii tí Yála fɛ́li ngói.

FAA YÁKƐ KƆ́LƆI 6:1

Kɛ ngí Mbáálai lɔ́nga í hésendaa lokovongí w̃ááleve. Kɛ ngí fúlu wɔ́li nááningɔitii tí tá yíla ngóó ỹɛ́ninga í bɔ́ɔ́lɔ woo wála h̃ú kíya nɔ́ɔ ngele bandɛ́ ááyaa bɔ́ɔ́lɔ, í ɣɛ ta, “Vá!”

FAA YÁKƐ KƆ́LƆI 6:6

Kɛ ngí mɔ́ɔ ngoí ta ỹɛ́ninga í ɣɛ́ nuu wóo áá gúla fúlu wɔ́li nááningɔitiini ndiiwáá, i ɣɛ ta, “Nungáá tɔ́ɔ ɣɛ́ taá yénge kp̃ái folói w̃a, tí kɔ́pu félengɔ kpé ngíya mɛɛní sí h̃u taa tolí ngáá wíítii ngáá maa gápangi ɔɔ ná náa láá lé, tí kɔ́pu ngɔ́hitangɔ kpé ngíya mɛɛní sí h̃u taa tolí ngáá báálei ngáá maa gápangi. Kɛ́ ndɔɔ yilíndai ɛ́ɣɛ ngúlɔ bátɛndai ti w̃áá álaa léve.”

FAA YÁKƐ KƆ́LƆI 7:11

Malékaitii kpɛ́lɛɛ ɛ́ɣɛ kele ɣéle mbélaitii ɛ́ɣɛ fúlu wɔ́li nááningɔitii ti ɣɛ́i masa ngwálai bɔ́kpɔngi w̃ááyele mbélengɔ. Tí kpɛ́lɛɛ tí lái masa kpɔ́kpɔngi gakála, tí Ngála fɛ́li, tíwaa ɣɛ́ ta,

FAA YÁKƐ KƆ́LƆI 7:17

bɔw̃álale Mbaalaí, í masa ngwálai bɔ́kpɔngi béla, aá lɔ́ɔ ɣɛ́ ngáá tí w̃ááh̃u béle mɔ́i. Laá lɔ́ ngáá ti w̃ááh̃u béle mɔ́i kíya nɔ́ɔ mbaala w̃ááh̃u bele mɔ́i í na. Aá pele ɣɛ ngáá ti ye áá lí í tó ndɛɛh̃u w̃ááhɔlɔ njɛ́i wa. Ngalá tɔ́ɔ vá ti yaah̃ú wɔ́lɔyɛi kpɛ́lɛɛ kpálema tí yaah̃ú.”