FAA YÁKƐ KƆ́LƆI 4:11 - Kɛ́lɛ Niinaí

¹¹ “Ni Lemɔ́i ɛ́ɣɛ ni Yálangi, yá lɔ́ í gúlaɣɛngɔ ngáá nuu ngáá yí sɛ́ɣɛɛ gula ma w̃ááhɔlɔ taá ngufema. Ná vólu, yí ndaaw̃áálɛ mááhɔlɔ í yákpangi hááw̃a. Sífaa yí ngélewu kpɛ́lɛɛ kpátɛngɔ aáva i ɣɛngɔ ngáá í háá h̃úubatɛ ngáá yí kɛ́ngɔ ngáá háwu tí ɣɛ́ na aáva yí ndɛɛh̃ú vú tí h̃u.”

FAA YÁKƐ KƆ́LƆI 4:11 Iomraidhean Croise

TI GƐ́Ɛ́ HAÍTII 14:15

“Mu mbálangaa, ndeé lɔ wúwaa sí ɣɛ́ ma? Niỹá bɛ́lɛ nɔ niỹá lɔ nɔ́ɔ́ ngáá nuu búsa, aáva niỹá lɔɔ vá ngáá keela woó vandaí wú yéle náa nde wú w̃a ngáá wú volú yafé ngambalámba wɔ́lingai sítii mba, wú vóte Ngalángi sí wa ndɛɛh̃úi í su lɛ́i i ngeleíni ngaa ndɔwɔlɔí sí bátɛngɔ ɛ́ɣɛ yívoi kpahangɔ́ sítii kínɛi mbá tí tí h̃u.

TI GƐ́Ɛ́ HAÍTII 17:24

Ngalángi sí í ngetéyangi sí bátɛngɔ kpahangɔ́ suu wɔ́lingaa kpɛ́lɛɛ mbá laá lɔ í ngáá Ndemɔí ngeleya fááw̃a taá ndɔwɔlɔ́i sí. Aáva ɛi ɣɛ pɛlɛ́i sí wú nuu búsa áá to.

LÓÓMI 11:36

Faa kpɛ́lɛɛ i gulangɔ́ Ngála ngeyá, laá lɔ́ í ŋáni kpɛ́lɛɛ kpátɛngɔ, laá vá tɔ kpɛ́lɛɛ áá ngápu tóko h̃u. Bɛlɛ́ ndaaw̃áá í lɛ́ kúnafɔ taá ngí ndá gúnafɔ! Amíína.

Ɛ́FƐSƆ 3:9

Kule lɔ́ má múl̃ɔ ngí kɛ nuu kpɛ́lɛɛ tí ngátɔ mba kíya Ngalá ngáá vá ngi lɔ́ɔ́wu h̃u hái h̃uu híyama. Ngala, lɛ́i í ngáá ngelegóóh̃u ɛ́ɣɛ ngélewu bátɛ mɔ́i, i ngi lɔ́ɔ́wu h̃ú hái sí lɔ́ɔ́wungɔ nuu kpɛ́lɛɛ mbá wɔ́lɔ

HÍBULU 1:10

Ngala ngí mɔ́ɔ́ ɣɛ ta, “Ndemɔí, ngetéyangi lɔ́kula héi máá wɔ́lɔ yí ngélewu bátɛni aáva ngeleya tɔ́ ngáá í bátɛ ngeyá wɔ́li.

HÍBULU 1:2

Kɛ́ muỹɛ́i náa mu ngapumáá yéteyangi sí h̃u, i yɛpɛngá mú yelé ngi H̃íỹɛndou Loí w̃áá véle w̃a. Ngala ngí mɔ́ɔ kɛngɔ́ ngáá háwu ngeleí sí wu í ɣɛ́ na ngi lói sí w̃áá véle w̃á. Laáva tɔ nɔ́ɔ múl̃ɔ Ngala ngí lókolongɔ mba ngáá faa kpɛ́lɛɛ í ngápu toko h̃u.

FAA YÁKƐ KƆ́LƆI 1:6

Jísu i mɔɔ mu ɣɛ́a ngáá saáɣa gúla mbélaa ngi w̃ásandai h̃u ngáá maayáá yénge maá tiyéni ngi Yálangi yɛ́, lɛ́i í ngáá ngi Kɛ́ɛ́ɣɛ. Bɛlɛ́ Jísu Kílisitii laaw̃áá í lɛ́ ngakpá ngí ɣɛ́ mbɛ kúnafɔ taá ngí ndá gúnafɔ! Amíína.

FAA YÁKƐ KƆ́LƆI 10:6

Í kɛ́lɛ ngeɣé Ngalángi sí laahéingi h̃ú í ndɛ́ɛ́h̃u h̃ú kúnafɔ taá ngí ndá gúnafɔ, lɛ́i í ngélewu bátɛngɔ, í yívoi bátɛ ɛ́ɣɛ sítii kpɛ́lɛɛ tí na. Kɛ maa w̃álekai i ɣɛa ta, “Maa lamál̃a péka fíli ɛi mɔɔ ɣɛ su,

FAA YÁKƐ KƆ́LƆI 14:7

I ndéni woo wála h̃u, i ɣɛ ta, “A wúfe Ngalá má wú ndaaw̃áálɛ bɔw̃álale táingi folongá ma ngáá áá vá nungáitii kpɛ́lɛɛ kɔ́sɔma. A Ngalá fɛ́li lɛ́i í ngeleya, ndɔwɔlɔ́i, yívoi ɛ́ɣɛ njɛitii kpɛ́lɛɛ kpátɛngɔ.”

FAA YÁKƐ KƆ́LƆI 19:1

Ná sí í gúlai sú, ngí ngoo yámbɔɔlɔngɔ wála ỹɛnií áá gúla ngelegóóh̃u kíya nɔ́ɔ faŋa wala áá ɣɛ́a ngule hɔ́ɔ́lɛ, táá ɣɛ́ ta, “A mú Ngála ndaaw̃áálɛ! Aá lɔ́ ngumaawóngi áá gúla ngeyá ɛ́ɣɛ ngakpa máánɛɛngɔ wálai aa lɔ́ faaw̃a!

FAA YÁKƐ KƆ́LƆI 5:12

Tí ngúle hɔ́ɔ́lɛni wóo wála h̃u. Tí ɣɛ́i taá ɣɛ́ ta, “Mbáálai paangɔ́ í ɣɛ́ngɔ la áá lɔ́ kúlaɣɛngɔ ngáá í sɛ́ɣɛɛ gula ma w̃ááhɔlɔ taá ngufema. Ná vólu, í ndaaw̃áálɛ mááhɔlɔ ngí yákpangi hááw̃a, ngí bátɛi hááw̃a, ngí géle ɣelengi hááw̃a, ɛ́ɣɛ ngi h̃úúbangi hááw̃a!”

FAA YÁKƐ KƆ́LƆI 5:2

Ngí mɔ́ɔ maléka yakpángɔ wála lɔní íwaa wóo gúla ngáá mɔɔningí, áá ɣɛ́ ta, “Éle lɔ́ kulaɣɛngɔ́ ngáá nuu ngáá áá hómbo í tókovongi sítii máaleve í ndááwo?”

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.