FAA YÁKƐ KƆ́LƆI 4:1 - Kɛ́lɛ Niinaí

¹ Ná ná í gúlani su, ngí wɔ́lɛni ngí kó tɔ́ ndaawóngɔ ngelegóóh̃u. Ngoí sí ngí mɛ́ni hése kulangɔ́ ngáá búlu wóó ngí mɔ́ɔ mɛniní, i ɣɛ má, “Vá mbéi ngeleí yá. Nyá lɔ́ɔ vá kɛ́ma ngáá í yé sí kúle í ma í ɣɛ́ ná sí áá gúla su.”

FAA YÁKƐ KƆ́LƆI 4:1 Iomraidhean Croise

MÁFIYU 3:16

Ná nɔɔ́ léi Jísu í ngúyai w̃ááhɔlɔni, i gulaí náa njɛ́i wu. Ngamá nɔ́ɔ, kɛ ngeleí laa í wónga, í Ngalángi Hɛ́ɛ́ma Ỹínangi lɔ áá yéi ngáá í héi ma, i ɣɛi gulaí ngáá poovóó kɛ kíli.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:10

Ná Jísu í ɣɛ́i nɔ́ɔ́ kínɛi áá gúla njɛí wu, i tɔní ngeleí laa í wó, Hɛ́ɛ́ma Ỹínangi íwaa yéi kíya kpéi poovóóngi í na ngáá í héi ma.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:21

Kɛ́ tɔ́ɔ́ ɣɛ́ p̃ɛ́ɛ́ tí Njɔú víli kpindi vɛ́lɛi wu, Njɔú í ɣɛ́i náá nungáitii kpɛ́lɛɛ nguyaí, kɛ i Jísu bɛ́lɛ nɔ́ ngúyanga. Aáva Jísu í lói nɔ́ɔ Ngala fɛ́li má, kɛ ngeleí laa í wónga,

NJƆÚ 16:13

Kɛ́ ná Hɛ́ɛ́ma Ỹínangi lɛ́i áá tɔɔỹái yakɛ kɔwɔ́ato Ngalá mba áá va, laá lɔ áá kɛ ngáá háwu wú ɣɛ́ tɔɔỹái kpɛ́lɛɛ kɔ́lɔ. Aa vaamá ɣɛ́ma áá yɛ́pɛ ngáá wu maá, kɛ́ sí léi áá mɛni laá lɔ áá nde aáva aa ɣɛ áá nde wú w̃a sí áá va ɣɛmá.

TI GƐ́Ɛ́ HAÍTII 10:11

I tɔní ngeleya ndááwongɔ, í ŋáni tá lɔ kɛ kíya kula walá í na njeingɔ́ yíkpɔ, í hítɛ ndɔwɔlɔ́i wa kulangɔ́ ngáá ŋani áá ɣɛ́ hóuni ngolí yá nááningɔi wa áá njéi.

TI GƐ́Ɛ́ HAÍTII 7:56

Kɛ i ndengá, i ɣɛ ta, “A wɔlɛ lɛ́ɛ! Ngí ngelegóóh̃u lɔngɔ́ ndaawóngɔ, nuí síí w̃ɔ́i taa ɣɛ́ ma Nuu Búsa Góó H̃ú Loí i lóóni ngufema ỹándai Ngalá kpéla masandáá h̃u!”

FAA YÁKƐ KƆ́LƆI 1:10

Ná í ɣɛ́i ngáá Tɛnɛ́mai, Hɛ́ɛ́ma Ỹínangi i vúni sú, kɛ ngí ngóó wála ỹɛ́ninga ngáá pólu véle kíya nɔ́ɔ taá búlu wála hɛ́.

FAA YÁKƐ KƆ́LƆI 1:12

Kɛ́ ná ngí vóteni ngáá ngí nuí sí w̃ɔ́i lɔ í ɣɛ́i áá yɛ́pɛ ngéle, ngí tówa ngɔ́felangɔ lɔní kpatɛngɔ́ ngáá góóli lámbongai tí tí ya.

FAA YÁKƐ KƆ́LƆI 1:19

Faalɔ, sítii yíwaa súúlɔ, kɔ́lɔ vɔ́nɛ kɔwɔ́ato ti wa, ná wáá ngáá, sítii táa ɣɛ́ náa ɛ́ɣɛ sítii táa vá ɣɛ́ma.

FAA YÁKƐ KƆ́LƆI 11:12

Kɛ Ngala ndáá háá lé mbélaa félengɔi nátii tí ngóó wála ỹɛ́ninga áá gúla ngelegóóh̃u, í ɣɛ ti w̃a, “A vá ngeleí yá!” Ti waahílima yélaitii tí lói ti belé má tí lɛ́ ngelegóóh̃u njɛ bilíí h̃u.

FAA YÁKƐ KƆ́LƆI 11:19

Ngalangí Hɛ́ɛ́ma Yála Pɛ́lɛi í ngelegóóh̃u, ndaawóngɔ i ɣɛí lá, Kɛ́lɛ Kal̃áŋal̃a Ngwalaí i na. Ngeleí í ɣɛí áá ɣɛ́ míỹa míỹa ngele bandɛ́i áá bɔ́ɔ́lɔ na ngoí yángi í w̃ɔ́nu. Ndɔwɔlɔ́i áá bɛ́li na, sakɔ́ búú wála walaí áá vú.

FAA YÁKƐ KƆ́LƆI 16:17

Kɛ malékai wɔféla kélei i vaá í ngí ndá váningi h̃u háá bamaí vú ngeleya. Ngoo wála i gulaí masa kpɔ́kpɔngi ŋál̃aa véle í Hɛ́ɛ́ma Yála Pɛ́lɛi wu, i ɣɛ ta, “I vilangá.”

FAA YÁKƐ KƆ́LƆI 19:11

Kɛ ngí tɔ́a ngelegóóh̃u laa í wó soo woléngi i ná. Soo woléngi sí híya mɔ́i taa ɣɛ ma Tokola Ma W̃ɔ́ɔ́ ɛ́ɣɛ Tɔɔỹaá W̃ɔ́ɔ́ aáva ngi háá waalévengi ɛ́ɣɛ ngí gɔ́i áá kɔ́ taa ɣɛ́ telembo péle w̃á.

FAA YÁKƐ KƆ́LƆI 22:6

Kɛ malékai i ɣɛa má, “Ngoí sítii kpɛ́lɛɛ yí mɛ́ningɔ tiyá lɔ́ ngáá tɔɔỹaá ɛ́ɣɛ tokolá ma wóo. Ndemɔí Ngála, lɛ́i í ngí Ỹínangi héngɔ laa háá lé mbélaitii ngeyá, í ngi w̃álekai lɔ́venga ngáá í ngákɛ ngáá ngi yénge mbélaitii sí kule í ma áá vá ɣɛ́ma h̃úmbuwa.”