FAA YÁKƐ KƆ́LƆI 3:8 - Kɛ́lɛ Niinaí

⁸ Ngí súúwɔlɔ sí wáá kɛ. Ngí súúwɔlɔ ngáá kɛ wú h̃úú áá nɛ́ɛ́ báni ngwála, kɛ́ ná fíli sú, wú hítɛngɔ ní gálambongi vólu ɛ́ɣɛ mɔ́ɔ́ wú lɔ́wɔbaɣangɔɔ lé ngéya. Ngí kó ndaawónga wú yɛ́ sí nuu fíli ɛ́i hómbo ɔ́ɔ́ kpɔ́lu.

FAA YÁKƐ KƆ́LƆI 3:8 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:9

Kɛ́ nuí fíli áá nde kpɔ ndííwaa ngáá aa Nuu Búsa Goo H̃ú Loí haaw̃a, ngimɔ́ɔ́ nɔ́ɔ aa bɛ́lɛ aa nde maa w̃ɔi háaw̃a Ngalángi w̃álekaitii kakála.

NJƆÚ 15:20

A giséi ngoí sítii ma ngí ndéngɔ wú w̃a, ‘Ngenge mɔ́ɔ́ fíli ngakpángɔɔ láá lé ɔ́ɔ́ lɔ́ve w̃aalíɣii wa,’ ná wɔ́lii taa ɣɛ́ faa bá ndái má, wá bɛ́lɛ nɔ taá faa bá ndá wú w̃a. Ná wɔ́lii taa ɣɛ́ golóni ní gálambongitii mbu, wá bɛ́lɛ taá goló wú ndái wu.

NJƆÚ 17:6

Jísu í mɔ́ɔ ɣɛ ta, “Ngí í hái yakɛ́nga kpál̃au ngáá sítii yí ti hengɔ́ ngéya ngeleí sí wu. Tí ɣɛ́ngɔ ngáá í ndá yí ti he ngéya aáva tí gólongɔ í gééla woí wu.

TI GƐ́Ɛ́ HAÍTII 14:27

Ná tí fóloni na, tí Ngala fɛ́li mbélaitii maakpɔ́ni mba ỹandáa yiláá tí volú haa lé ti w̃a ngáá sí kpɛ́lɛɛ Ngalá ngi kɛngá tiyá ti w̃áa véle w̃á ɛ́ɣɛ múl̃ɔ kíya í kɛ́a ngáá háwu sítii taa ngáá Júsua tíwaa lá ngáá Ngalá.

KƆ́L̃E HESENDAA GƆLƆÍ 16:9

bɔw̃álale Ngalá ngí pele laawóa ngáá ngí ngenge pánda wo ngáá suuwɔ́ɔ́lɔngɔ mbéi, kɛ kíya bɛ́lɛ nungáá bih̃íngɔ tí na táá lápi ngáá tí lókola maa hái lúwɔ.

KƆ́L̃E GƆ́LƆI HELE KÉLEI 2:12

Ná ngí fóloi Túlowa taa h̃u ngáá ngí Ngalángi gééla woo vandaí lé kɔwɔ́ato Kílisitii wa, ngí ngátɔni mba ngáá kɛ Ndemɔí Ngalá i pele laawónga ngi yéngengi hááw̃a na.

FÉLEPA 4:13

Jísu Kílisitii haalái h̃u, ngáá hómbo ngí híya faa kpɛ́lɛɛ su, sífaa laá lɔ áá kɛ ngí hómbo náa la.

KƆLƆ́SE 4:3

A waayaa Ngala fɛ́li ni haáw̃a niỹá bɛ́lɛ kɛinɔɔ́ Ngalá ngí naa gúla kɛlɛ́ma ni yɛ naa ɣɛ́a ngi gééla woí lé kɔwɔ́ato Kílisitii wa. Ná wáá ngáá, keela wói sí í ɣɛ́ngɔ ndɔɔwu h̃u. Aáva nyá lɔ́ kpindí vɛ́lɛ wu keela wói sí lé fái w̃a.

TÍMOTI HESENDAA GƆLƆÍ 5:8

Ngala fɛ́li mɔ́i ɛ́i ɣɛ́ ngí vóngaitii mbaa hái yeɣéni ngáá hɛmbɛ́ ngu ngí lí í nda mɛ́ɛ́ ngí vɛ́lɛ lowaí wuu yélai kái kái ma, kɛ ndangí sí nuu áá ɣɛ́ su ngáá Jísu Kílisitii i lokogúlaa su. Laáva kɛ tuva veléi ỹɔ́ungɔɔ lé í lɔ́ve bɛ́lɛ nuí sí wá ɛ́i ɣɛ́ lái ngáá Jísu Kílisitii.

TÍMOTI GƆ́LƆI HELE KÉLEI 4:7

Ngí hómboa ngí maaɣaalí víliỹɛi sí wo ngáá hɛmbɛ́i kpɛ́lɛɛ ngí fólo lá ngukúlamai aáva ngáá vólu yaféngɔ Ngala tɔ́ɔ́ỹaa galambongí wa.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:4

Nungáá lɛ́ingaa tiyɛ́i taa Ngalá fááw̃a tí vílinga wú gúúwui h̃u wáá faa wɔ́lɔ mba. Tiyá lɔ́ɔ Ngala kééla woí ɣɛ́ kíli ỹaaní kɔwɔ́ato Ngalángi háá bɔwɔí wa. Tiyá lɔ́ɔ ndé ngáá kɛ Ngalá kɛ́ɛ́hɔ pángɔɔ lé, faalɔ, aa ngáá faa ỹɔ́u ná nuu áá kɔ́lɔsiya mbo. Nungái sítii taá lokohéima Jísu Kílisitii wu lɛ́i í ngáá mu W̃ááliɣi yiláá kpéngi ɛ́ɣɛ mu Lemɔ́i. Ngala Kɔ́lɔi í yɛpɛngɔ́ wɔ́lɔ kpɔ́lɔɔ faa bámai wa nungái sítii táá vá ngeɣéma.

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.

FAA YÁKƐ KƆ́LƆI 2:2

Ngí súúwɔlɔ sí kpɛ́lɛɛ wú kɛ́a. Ngí súúwɔlɔ kíya wú yéngenga ɛ́ɣɛ ndiibángi sí kínɛi wú ngéɣenga. Ngí súúwɔlɔ ngáá kɛ wɛ́i ló nyaama yélaa volu. Aáva wú sítii suugɔvɔ́nga táa ɣɛ́ ta tiyá lɔ́ ngáá Ngalángi géélaa kɛ́ aa ngáá tɔɔỹáá, aáva wú ɣɛ́a náa súuwɔlɔ ngáá kɛ tiyá lɔ́ ngáá ndɛɛ yélaa.

FAA YÁKƐ KƆ́LƆI 22:7

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa!” Aá lɔ ngáá faa vánda sítii faaw̃a táá híya ngáá Ngalá kééla woí sítii pɔnɛngɔ́ kɔlɔí sí h̃u!

FAA YÁKƐ KƆ́LƆI 3:1

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Sadé tái h̃u. ‘Sí lɔ́ í ngáá keela wói áa gúla síí w̃ɔ́i yaá Ngalángi ỹína ngɔ́felangɔitii ɛ́ɣɛ temúleɣa ngɔ́felangɔitii ti ngéya. Ngí súúwɔlɔ sí wúwaa kɛ. Aá lɔ́ núngaa gí ma ngáá kɛ wá lɔ́ ndɛɛh̃uu h̃ú, kɛ́ wú háángɔɔ lé.

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.

FAA YÁKƐ KƆ́LƆI 3:15

Ngí súúwɔlɔ kíya wú ná. Wɔ́i ní hái yeɣé ngáá hɛmbɛ́ wáá vá wɔ́i lókogula su. Ɔ́ɔ́ ɣɛ́ ngáá ndíívo fáá ná wáá ngéɣe ngáá hɛmbɛ́ ɔɔ ná ná láá lé, wú lókogula su.

FAA YÁKƐ KƆ́LƆI 3:7

I mɔɔ ɣɛi má, “Keela wói sí vɔ́nɛ malékai sí yéle í Ngála fɛ́li mbélaitii mááh̃u tí Feladɛ́fiya tái h̃u. ‘Sí lɔ́ í ngáá keela wói áa gúla síí w̃ɔ́i yáa faa ỹɔ́u áa su aáva tɔɔỹáángɔ. Aá lɔ́ kíi í ngéya Masangí Deevé vɛ́lɛi hááw̃a. Ná áa ndááwo, nuu fíli ɛi hombó ɔ́ɔ́ kpɔ́lu aáva ná áa ndaabɔ́lu, nuu fíli ɛí hombó ɔ́ɔ́ ndááwo.