FAA YÁKƐ KƆ́LƆI 3:7 - Kɛ́lɛ Niinaí

⁷ I mɔɔ ɣɛi má, “Keela wói sí vɔ́nɛ malékai sí yéle í Ngála fɛ́li mbélaitii mááh̃u tí Feladɛ́fiya tái h̃u. ‘Sí lɔ́ í ngáá keela wói áa gúla síí w̃ɔ́i yáa faa ỹɔ́u áa su aáva tɔɔỹáángɔ. Aá lɔ́ kíi í ngéya Masangí Deevé vɛ́lɛi hááw̃a. Ná áa ndááwo, nuu fíli ɛi hombó ɔ́ɔ́ kpɔ́lu aáva ná áa ndaabɔ́lu, nuu fíli ɛí hombó ɔ́ɔ́ ndááwo.

FAA YÁKƐ KƆ́LƆI 3:7 Iomraidhean Croise

MÁFIYU 16:19

Nyá lɔɔ vá Ngalángi w̃ásandai gíítii féma í yáá, sí yáá bééle mbá ngeleí sí wú, Ngala ngaa beele mba, sí fíli pá yáá lókohei mbu ngeleí sí wú, Ngala ngaa lokoheí mbú.”

MÁFIYU 24:35

Ngeleíni ngaa ndɔwɔlɔ́i taa váma ɣɛ́ma na kúnafɔ, kɛ́ ndáá wói lɔ ɣɛ́ na kúnafɔ.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:24

“Ndeé lɔ́ í lóngɔ yí kɛ ngáá ni ye yɛ́i yí ngáá Jísu, Násɔlɛ w̃ɔ́i? Yí vaá ngáá yí ni ɣɛ kíli ỹaaní? Ngí kɔ́lɔ ele wáá ngáá í ye. Yá lɔ́ yí ngáá Ngalángi Hɛ́ɛ́ma W̃ɔ́i í í lɔ́vengɔ ngeleí sí wu.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:32

Aá lɔɔ vá ɣɛmá ngáá ngakpa mɔ́ɔ wala. Aáva taá tolí ngáá Ngutuwɔ́ Yála Ngwalaí H̃íỹɛndou Loí. Ndemɔí Ngalá ngáá kɛ ngáá masa ngi káwala Deevé vóma.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:34

“Kpóu! Ndeé lɔ í lóngɔ yí kɛ ngáá ni ye yɛ́i yí ngáá Jísu, Násɔlɛ w̃ɔ́i? Yí vaá ngáá yí ni ɣɛ kíli ỹaaní? Ngí kɔ́lɔ ele wáá ngáá í ye. Yá lɔ yí ngáá Ngalángi Hɛ́ɛ́ma W̃ɔ́i í í lɔ́vengɔ ngeleí sí wu.”

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

TI GƐ́Ɛ́ HAÍTII 3:14

Wú bééleni nuí sí wa faa ỹɔ́u fíli áá ɣɛ́i su ɛ́ɣɛ telémbongɔ í ɣɛ́i lá. Kɛ́ wú nuu váá mɔ́i w̃áánɛɛnɛ mbo ngáá Páilɛɛ í maahaaló.

NJƆÚ HESENDAA GƆLƆÍ 5:20

A mú súúwɔlɔ ngáá Ngalángi H̃íỹɛndou Loí i vaangá ngeleí sí wu aáva i kɛ́a ngáá háwu mú ɣɛ́ ngáá faa yatɔ́ mba mbélaa kɛinɔɔ́ mu ɣɛ́ Ngalá kíte wɔlɔ́ ngáá ele gíte waa ngáá laá. Aáva a mu háá aa ɣɛ su yíla maá Ngalá kíte, sífaa maá ngí H̃íỹɛndou Loí Jísu Kílisitii mu háá lɔ su yíla. Jísu vá tɔ í ngáá Ngalá kítei ɛ́ɣɛ kúnafɔ lɛ́ɛ́h̃ui hé mɔ́i.

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”

FAA YÁKƐ KƆ́LƆI 1:18

Nyáá le, nyɛ́i ngí ndɛɛh̃úi h̃u! Sáángɔ i ɣɛngɔ lá, kɛ́ nyá lɔ́ mɔ́ɔ ndɛɛh̃ú h̃ú kúnafɔ fááw̃a. Ngakpá tɔ́ ngéya saa w̃ááh̃u ɛ́ɣɛ saa yelái ti ỹándai.

FAA YÁKƐ KƆ́LƆI 1:5

Ɛ́ɣɛ mɔ́ɔ, ti gúla Jísu Kílisitii yáa lɛ́i í ngáá tɔ́wɔbaɣa héélei í ngáá hésendaa w̃ɔ́i Ngala ngí mbuyoɣéni sái h̃u, ɛ́ɣɛ lɛ́i í ngáá ngakpa mása ngwálai ndɔwɔlɔ́ w̃ásangaitii mááh̃u ngeleí sí wu. Jísu Kílisitii i loi ngáá mu ye, aáva í lɛɛhúi gúlani kɛlɛ́ma ngáá saáɣa haí í mbóni, í mú gúla faa ỹɔ́u ɣɛ́ndaa yakpangí wu.

FAA YÁKƐ KƆ́LƆI 15:3

Ti ɣɛ́i taa nguleí sí hɔ́ɔ́lɛ sí Ngalangí yénge mɔí Muusé ɛ́ɣɛ Mbaalaí tɔ́ɔ́ sɔɔlɛ́, táa ɣɛ́ ta, “Yɛ́i yí ngáá Ndemɔí Ngakpa Ngála Ngwalaí, í gɛ́ɛ́ háitii tɔ ngáá faa wála wála ɛ́ɣɛ kááma haa. Yá lɔ́ yí ngáá masa ngwálai ngeleí sí wuu yélaitii kpɛ́lɛɛ mááh̃u. Í lúva veléitii ɛ́ɣɛ í háitii yáá kɛ, tiyá lɔ́ pele w̃a, ti ngáá tɔɔỹaá.

FAA YÁKƐ KƆ́LƆI 16:7

Kɛ ngí ngoí ỹɛ́ninga áá gúla Ngalá sááɣa gúla tútui ŋál̃aa véle, áá ɣɛ́ ta, “Ndemɔí Ngakpá Ngála Ngwalaí, í háá waalévendai aá lɔ́ ngáá tɔɔỹaá i ngáá telembo.”

FAA YÁKƐ KƆ́LƆI 19:11

Kɛ ngí tɔ́a ngelegóóh̃u laa í wó soo woléngi i ná. Soo woléngi sí híya mɔ́i taa ɣɛ ma Tokola Ma W̃ɔ́ɔ́ ɛ́ɣɛ Tɔɔỹaá W̃ɔ́ɔ́ aáva ngi háá waalévengi ɛ́ɣɛ ngí gɔ́i áá kɔ́ taa ɣɛ́ telembo péle w̃á.

FAA YÁKƐ KƆ́LƆI 19:2

Ngi háá waalévendai aa ɣɛ ngáá tɔɔỹaá ɛ́ɣɛ telembo. I kɔlɔsiyá mɔ́ɔ walaí sí wáálevea ngáá kɛ aa veléi bɔw̃álale i ngeleí sí wuu ỹáánia ngáá ngí gɔ́lɔsiyangi. Ngalá tɔɔ́ faa bá ndáma, bɔw̃álale, i Ngalangí yénge mbélaitii paangɔ́.”

FAA YÁKƐ KƆ́LƆI 2:1

I mɔɔ ɣɛi ma, “Kééla wói sí vɔ́nɛ malékai sí yéle í Ngála fɛ́li mbélaitii maah̃u ti Ɛ́fɛsɔ taa h̃u. ‘Sí lɔ́ í ngáá keela wói áá gúla síí w̃ɔ́i yáa temúleɣa ngɔ́felangɔitii tí hóuni ngísa lókoi ya ɛ́ɣɛ lɛ́i íwaa lɔ́ve tɔvé góóli lowa ngɔ́felangɔitii ndííwaa.

FAA YÁKƐ KƆ́LƆI 21:5

Kɛ Ngalá lɛ́i í héini masa ngwálai bɔ́kpɔngi ya, i ɣɛa ta, “Nyá ngáá ŋani kpɛ́lɛɛ kpátɛ ngáá ngi níína.” Kɛ i ɣɛ́a má, “Ngoí sítii ngáá nde ti vɔ́nɛ bɔw̃álale tiyá lɔ́ ngáá tɔɔỹaá ɛ́ɣɛ tókola ma wóó.”

FAA YÁKƐ KƆ́LƆI 3:14

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Leyodésiya tái h̃u. ‘Sí lɔ́ í ngáá keela wói áá gúla síí w̃ɔ́i yáa taa ɣɛ́ ma Amíína í ngáá tɔ́wɔbaɣa w̃ɔ́i ɛ́ɣɛ tɔɔỹáá héélei lɛ́i maa véle w̃a Ngala ngí ŋani kpɛ́lɛɛ kpátɛngɔ.

FAA YÁKƐ KƆ́LƆI 4:8

Kovóngi i ɣɛi fulú wɔ́li nááningɔi nátii mba ngáá ngɔhíta ngɔ́hita, ɛ́ɣɛ ti yaah̃úi i ɣɛi ti yelé mbélengɔ, ti góvongitii mbu ɣéle tɔ. Tiyá lɔ́ɔ nɔ́ɔ fɔ́ ngule hɔ́ɔ́lɛndaa ya kpindí p̃ɛ́ɛ́ taá foló. Ti ɣɛ́i taá ɣɛ́ ta, “Ndemɔí Ngála, lɛ́i í ngáá ngakpa mɔ́ɔ́ walaí faa ỹɔ́u fíli áá sú, lɛ́i í na kúnafɔ, lɛ́i í ɣɛ́i na wɔ́lɔ ɛ́ɣɛ lɛ́i áá vá vááma.”

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.

FAA YÁKƐ KƆ́LƆI 6:10

Ti ɣɛ́i taá yɛ́pɛ woo wála h̃u, táa ɣɛ́ ta, “Ndemɔí Ngakpa Mɔ́ɔ́ Wálai, yɛ́i sí faa ỹɔ́u áá í h̃u aáva í lɔ́ɔ́ỹangɔ, kuí bɛ́ɛ́ lɔ́ áá fólo ma sítii tí ní váángɔ ngeléwu yɔ́ɔ́yaa tí waaléve ngáá táa vélei, yí fáá bá ndá tí w̃a?”