FAA YÁKƐ KƆ́LƆI 3:5 - Kɛ́lɛ Niinaí

⁵ Wɛ́i wú ndái áá ndoma, wú w̃ááyilingɔ lɔ́ɔ ɣɛ́ lá kúla woléngi h̃u h̃íí na. Ngɛ́i mɔ́ɔ́ wú lááheingaitii kula kúnafɔ lɛ́ɛ́h̃u gɔlɔí h̃u. Ngáá ló ní kɛ́ɛ́ɣɛ yááh̃u taá ngi w̃álekaitii ngí ndé kpál̃au ngáá kɛ wá lɔ́ ngáá ní vóngaa.

FAA YÁKƐ KƆ́LƆI 3:5 Iomraidhean Croise

MÁFIYU 10:32

Kɛ Jísu i mɔɔ ɣɛa ta, “Nuí fíli áá ndé kpɔ́ ndííwaa ngáá kɛ aá lɔ fááw̃a, ngimɔ́ɔ́ nɔ́ɔ ngáá ndé maa w̃ɔ́i hááw̃a ní Kɛ́ɛ́ɣɛ gákala lɛ́i í ngelegóóh̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:20

Kɛ́ ná fíli su, a waá gooh̃unɛ́ɛ ngáá sífaa sí fíli wáá nde ỹína nyɔítii ma taá kɛ. Kɛ́ wá ɣéle, a gooh̃unɛ́ɛ sífaa wá lɔ́ náá kpaɣaí sí h̃u nungái sítii ndiiwáá táá ɣɛ́ ngelegóóh̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:8

Kɛ Jísu í mɔ́ɔ ɣɛa ta, “Ngí tɔɔỹái le wú w̃a, nuí fíli áá ndé kpɔ ndííwaa ngáá kɛ aá lɔ fááw̃a, ngimɔ́ɔ́ nɔ́ɔ nuí síí w̃ɔ́i taa ɣɛ́ ma Nuu Búsa Goo H̃ú Loí bɛ́lɛ áá nde maa w̃ɔ́i hááw̃a Ngalángi w̃álekaitii kákala.

FÉLEPA 4:3

Ní mbála yengé mɔ́i yɛ́i tókolangɔi í w̃á ngwala ngáá yí bɔ́ mbá, bɔ́ nyah̃ái sítii mba ti woo í ɣɛ́ su yíla. Tiyá lɔ ti bɔ́ngɔ ni wa ngengengí h̃u Ngala ngói hááw̃a naa Kílɛmɛ ɛ́ɣɛ ní mbála yengé mbélaa vekaítii kpɛ́lɛɛ. Nungái sítii ti bɔ́ngɔ mbá ti laahéingai pɔnɛngɔ́ɔ́ lé kúnafɔ lɛ́ɛ́h̃u gɔ́lɔi h̃u.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.

FAA YÁKƐ KƆ́LƆI 19:8

Nyah̃ápoi sí w̃ááyilingɔɔ lé ngáá kula wolé pánda Ngalá ngí féngɔ mbɛ.” Kula woléngi sí lɔ́ áá lo Ngalangí vóngaitii ti lúva velé vándai hááw̃a.

FAA YÁKƐ KƆ́LƆI 2:11

Nuí faá ỹɛ́ni ngói áá ɣɛ́ í wú mbá, kɛ wólilo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, sái hele kélei ɛi mɔɔ wú w̃áále ná wáá ngáá, tɛí mɔ́ɔ lo wú vílima ngɔmbu hó ngwalaí ya.’ ”

FAA YÁKƐ KƆ́LƆI 2:7

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá nde Ngala fɛ́li mbélaitii ma! Wɛ́i wú ndái áa ndoma, ngáá lúw̃ama wú lí Ngalangí bélei h̃ú wú ngulú wángi sí ta ỹɛ áá nuu wɔ́ ngáá kúnafɔ lɛ́ɛ́h̃ui.’ ”

FAA YÁKƐ KƆ́LƆI 20:12

Kɛ ngí sítii tɔ́a ti háángɔ, sítii ti ɣɛ́i ngáá ndaahéi mbá yélaa ɛ́ɣɛ sítii táá ɣɛ́i ngáá ndaahéi mba yélaa, ti lóóni masa kpɔ́kpɔngi gákala. Kɔlɔí sítii saa yélai ti gɛ́ɛ́ haí ɛ́ɣɛ ti híya gílii vɔ́nɛngɔ ti h̃u, tí tí laawóni, ti mɔ́ɔ kúnafɔ lɛ́ɛ́h̃u gɔ́lɔi laawó. Tí sáá yelái kɔsɔ́ni ngáá ti híya gílii ɛ́ɣɛ ti gɛ́ɛ́ hai kíya pɔnɛngɔ́ í ɣɛ́i la maa gɔ́lɔitii su.

FAA YÁKƐ KƆ́LƆI 20:15

Sítii ti laahéingi vɔnɛ́ngɔ áá ɣɛ́i la kúnafɔ lɛ́ɛ́h̃u gɔ́lɔi h̃u tí tí vílini ngɔmbu hó ngwálai sí ya.

FAA YÁKƐ KƆ́LƆI 21:27

Sí fíli faa ỹɔ́u vóngi í mba, ɛi li taa walái ná h̃u. Ngufe tála haa ɣɛ́ mbélaa ɛ́ɣɛ ndɛɛ gɔ́ɔ́la mbélaa tɛ́i li taa walái ná h̃u. Sítii nɔ́ɔ léi táá vá liimá taa walái ná h̃u, aa ɣɛ ngáá sítii tí laahéingi vɔ́nɛngɔ kúnafɔ lɛ́ɛh̃u gɔ́lɔi h̃u í Mbáálai hááw̃a.

FAA YÁKƐ KƆ́LƆI 22:19

Nuí fíli pá áá ta gúla Ngala ngói sítii mba ti kɔ́lɔi sí h̃u, Ngalá ngáá ta gúla hɛ́i sí wa í faaw̃a kɔlɔí sí h̃u, ná wáa ngáá, maa w̃ɔ́i ɛi ngulú wángi sí ta w̃ááhɔlɔ nuu áá ndɛ́ɛ́h̃u gítei w̃aahɔ́lɔ la. Ná vólu, ɛi li Hɛ́ɛ́ma Láá Wálai sí h̃u.

FAA YÁKƐ KƆ́LƆI 3:12

Wɛ́i wú ndái áa ndoma, ngáá wú ɣɛ́ ngáá kpɛndɛ ní H̃ɛ́ɛ́ma Yála Pɛ́lɛi wú laáva wɔ́i gúla na kúnafɔ. Ngáá ní Yálangi laahéingi vɔ́nɛ wú w̃á, ngí mɔ́ɔ ngi láá niiná walaí sí taá tolí ngáá Jɛlúsɛl̃ɛ aá vá gúlama ngelegóóh̃u ndaahéingi vɔ́nɛ wú w̃á ɛ́ɣɛ ngí mɔ́ɔ ní lááhei niinái vɔ́nɛ wú w̃á.

FAA YÁKƐ KƆ́LƆI 3:4

Kɛ́ wú lɛ́ingaa wú Sadé nɛ́nɛ, wú gúlaitii kp̃ɔɔŋngɔ́ laá le, ná wáá ngáá, faa ỹɔ́u áá wú h̃u. Maa wúyeni tɔ máá vá ɣɛ́ma vólu kúla woléngi h̃u, bɔw̃álale wú lúva veléi í ngákɛnga ngáá kɛ wú gúlaɣɛngɔ le ngáá maa wúyeni a mu ɣɛ́ vúlu.

FAA YÁKƐ KƆ́LƆI 6:11

Tí tí yilá ngíla fíli kɔ́ni ngáá jogbo kóle. Tí ndé tí w̃a ngáá tí naa guló w̃áálɛlɛ nɛ́nɛ í ló sú kpóloo tiyɛ́i kule í tí w̃a tí sáá w̃ááhɔlɔ tí tí váá kíya nɔ́ɔ tiyá bɛ́lɛ tí tí vááni. Ná wáá ngáá, tí mbála Yalá fɛ́li mbélaitii tiyɛ́i táa yénge Ngála mbɛ́.